ತಳ್ಳುವ ಗಾಡಿ ಐಸಾ.. ನಿಂತಿದ್ದ ಸರ್ಕಾರಿ ಆಂಬ್ಯುಲೆನ್ಸ್​​ ತಳ್ಳಿದ ಜನ: ವಿಡಿಯೋ ವೈರಲ್​

ಲಕ್ನೋ (ಉತ್ತರ ಪ್ರದೇಶ): ಚಲಿಸದೆ ನಿಂತಿದ್ದ ಸರ್ಕಾರಿ ಆಂಬ್ಯುಲೆನ್ಸ್​​ ಅನ್ನು ಸಾರ್ವಜನಿಕರು ತಳ್ಳುತ್ತಿರುವ ದೃಶ್ಯ ಉತ್ತರ ಪ್ರದೇಶದ ಲಕ್ನೋದ ಬಕ್ಷಿ ಕಾ ತಾಲಾಬ್ ಪ್ರದೇಶದ ಕುಮ್ಹರಾವಾ ರಸ್ತೆಯಲ್ಲಿ ಮಂಗಳವಾರ ಕಂಡುಬಂದಿದೆ. ಅಲ್ಲದೇ ಈ ವಿಡಿಯೋ ಎಲ್ಲೆಡೆ ವೈರಲ್​ ಆಗುತ್ತಿದೆ. ಪೆಟ್ರೋಲ್​ ಬಂಕ್​ನಲ್ಲಿ ಡಿಸೇಲ್​ ಹಾಕಿಸಿದ ಬಳಿಕವೂ ಆಂಬ್ಯುಲೆನ್ಸ್​ ಚಲಿಸಲಿಲ್ಲ. ಬಳಿಕ ಅಲ್ಲಿಂದ ಸಾರ್ವಜನಿಕರು ಅದನ್ನು ತಳ್ಳಿದ್ದಾರೆ. ಬಳಿಕ ಅದು ಪ್ರಾರಂಭವಾಗಿದೆ. ಇದೇ ವೇಳೆ ಅಲ್ಲಿದ್ದ ಕೆಲವರು ಇದನ್ನು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಮಾಡಿದ್ದಾರೆ. ಆಂಬ್ಯುಲೆನ್ಸ್ ಈ ಹಿಂದೆಯೂ ಹಲವು ಬಾರಿ ಕೆಟ್ಟು ನಿಂತಿದೆ ಎಂದು ಸಾರ್ವಜನಿಕರು ತಿಳಿಸಿದ್ದಾರೆ.