ಕ್ರಿಸ್​ಮಸ್​​ ಹಿನ್ನೆಲೆ ಬಾಗಿಲು ತೆರೆದ ಹೋಲಿ ಲ್ಯಾಂಡ್‌ನಲ್ಲಿರುವ ಕ್ಯಾಥೊಲಿಕ್ ಚರ್ಚ್‌

ವೆಸ್ಟ್ ಬ್ಯಾಂಕ್: ದೇಶಕ್ಕೆ ವಕ್ಕರಿಸಿದ್ದ ಮಹಾಮಾರಿ ಕೊರೊನಾ ಹಿನ್ನೆಲೆ, ವೆಸ್ಟ್ ಬ್ಯಾಂಕ್‌ನ ಹೋಲಿ ಲ್ಯಾಂಡ್‌ನಲ್ಲಿರುವ ಕ್ಯಾಥೊಲಿಕ್ ಚರ್ಚ್‌ ಅನ್ನು ಮುಚ್ಚಲಾಗಿತ್ತು. ಆದ್ರೆ ಕ್ರಿಸ್‌ಮಸ್ ಹಬ್ಬದ ಹಿನ್ನೆಲೆ, ಕ್ಯಾಥೊಲಿಕ್ ಚರ್ಚ್‌ ಉಸ್ತುವಾರಿಗಳು ಆಗಮಿಸಿ ಚರ್ಚ್‌ ಬಾಗಿಲನ್ನು ತೆರೆದರು. ಫಾದರ್ ಫ್ರಾನ್ಸೆಸ್ಕೊ ಪ್ಯಾಟನ್ ಮತ್ತು ಅಧಿಕಾರಿಗಳು ಚರ್ಚ್​​ನತ್ತ ಆಗಮಿಸುವ ವೇಳೆ, ಸ್ಕೌಟ್ಸ್ ತಂಡ ಬ್ಯಾಗ್‌ಪೈಪ್ಸ್​​ ಮತ್ತು ಡ್ರಮ್ಸ್​​​ಗಳನ್ನು ನುಡಿಸುತ್ತಾ ಬಂದರು. ಈ ಸಂದರ್ಭ ಅಲ್ಲಿ ನೆರೆದಿದ್ದವರೆಲ್ಲರೂ, ಮಾಸ್ಕ್​ ಧರಿಸುವಿಕೆ, ಸಾಮಾಜಿಕ ಅಂತರ ಸೇರಿದಂತೆ ಕೋವಿಡ್​ ನಿಯಮಗಳನ್ನು ಪಾಲಿಸಿದ್ದು ಕಂಡುಬಂತು. ಇನ್ನೇನು ಡಿಸೆಂಬರ್ ತಿಂಗಳಿಗೆ ಕಾಲಿಡುತ್ತಿದ್ದು, ಎಲ್ಲೆಡೆ ​​ಕ್ರಿಸ್‌ಮಸ್ ಹಬ್ಬದ ಸಿದ್ಧತೆ ನಡೆಯುತ್ತಿದೆ ಮತ್ತು ಸಂಭ್ರಮ ಮನೆಮಾಡಿದೆ.