ಎಸ್​ಆರ್​ಕೆ ಕ್ರೇಜ್​​​: ಚಿತ್ರಮಂದಿರಗಳೆದುರು 'ಡಂಕಿ' ಹಬ್ಬಾಚರಣೆ; ಸೆಲೆಬ್ರೇಶನ್​ ವಿಡಿಯೋ ನೋಡಿ

ಮುಂಬೈ (ಮಹಾರಾಷ್ಟ್ರ): ಬಾಲಿವುಡ್​ ಸೂಪರ್‌ ಸ್ಟಾರ್ ಶಾರುಖ್ ಖಾನ್ 2023 ಅನ್ನು ಪಠಾಣ್‌ ಸಿನಿಮಾದೊಂದಿಗೆ ಪ್ರಾರಂಭಿಸಿದರು. ಜವಾನ್​ ಮೂಲಕ ಸದ್ದು ಮಾಡಿದರು. ಡಂಕಿ ಸಿನಿಮಾದ ಯಶಸ್ಸಿನ ಮೂಲಕ ಈ ವರ್ಷಾಂತ್ಯವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಲು ಸಜ್ಜಾಗಿದ್ದಾರೆ. ಇಂದು ಬಹುನಿರೀಕ್ಷಿತ ಡಂಕಿ ಸಿನಿಮಾ ತೆರೆಗಪ್ಪಳಿಸಿದ್ದು, ಅಭಿಮಾನಿಗಳ ಉತ್ಸಾಹ ವರ್ಣನಾತೀತ.  

ಡಂಕಿ ಸಿನಿಮಾವನ್ನು ಶಾರುಖ್​ ಅಭಿಮಾನಿಳು ಬಹಳ ಅದ್ಧೂರಿಯಾಗಿ ಸ್ವಾಗತಿಸಿದ್ದಾರೆ. ಉತ್ಸಾಹಭರಿತ ಆಚರಣೆಗಳ ಮೂಲಕ ಸಿನಿಪ್ರಿಯರು ಸದ್ದು ಮಾಡಿದ್ದಾರೆ. ಕ್ರಿಸ್ಮಸ್ ಸಂದರ್ಭ ಸಿನಿಮಾ ತೆರೆಕಂಡ ಹಿನ್ನೆಲೆ, ಥಿಯೇಟರ್ ಬಳಿ ಕ್ರಿಸ್ಮಸ್ ಹಬ್ಬದ ವಾತಾವರಣ ಸೃಷ್ಟಿಯಾಗಿತ್ತು. ಡೋಲು ಬಾರಿಸುವುದರಿಂದ ಹಿಡಿದು, ಪಟಾಕಿ ಸಿಡಿಸೋವರೆಗಿನ ವಿಡಿಯೋಗಳು ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದೆ. ಸಾಂತಾ ಕ್ಲಾಸ್​ನಂತೆ ಹಲವರು ರೆಡಿಯಾಗಿ ಬಂದಿದ್ದರು. ಹೆಚ್ಚಿನ ಸಂಖ್ಯೆಯ ಶಾರುಖ್​ ಫ್ಯಾನ್ಸ್ ಕ್ರಿಸ್ಮಸ್ ಟೋಪಿ ಧರಿಸಿ ಕ್ರಿಸ್ಮಸ್ ಬ್ಬದ ವಾತಾವರಣ ಸೃಷ್ಟಿಸಿದ್ದರು. ವಿವಿಧ ನಗರಗಳಲ್ಲಿ ಮುಂಜಾನೆ ಪ್ರದರ್ಶನಗಳು ನಿಗದಿಯಾಗಿದ್ದವು. ಮಾರ್ನಿಂಗ್​ ಶೋನಲ್ಲೇ ಥಿಯೇಟರ್​ಗಳು ತುಂಬಿ ತುಳುಕುತ್ತಿತ್ತು. ಬಾಂದ್ರಾದಲ್ಲಿನ ಗೈಟಿ ಗ್ಯಾಲಕ್ಸಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರೇಕ್ಷಕರು ಬಂದು ಸೇರಿದ್ದರು. ಫ್ಯಾನ್ಸ್ ಸೆಲೆಬ್ರೇಶನ್​​ ವಿಡಿಯೋ ವೈರಲ್​ ಆಗುತ್ತಿದೆ. 

ಇದನ್ನೂ ಓದಿ: ಡಂಕಿ ತೆರೆಗೆ: ಸಿನಿಪ್ರಿಯರು ಹೀಗಂದ್ರು! ಹೀಗಿದೆ ಸೋಷಿಯಲ್​ ಮೀಡಿಯಾದ ಚಿತ್ರ ವಿಮರ್ಶೆ !