ಹಸಿವು ತಾಳಲಾರದೆ ಪಾರಿವಾಳ ಕೊಂದು ತಿಂದ ಮಹಿಳೆ...!

ಜಾರ್ಖಂಡ್​: ಮಾನಸಿಕ ಅಸ್ವಸ್ಥ ಮಹಿಳೆಯೊಬ್ಬಳು ಹಸಿವು ತಾಳಲಾರದೆ ಪಾರಿವಾಳ ಹಿಡಿದು ಕೊಂದು ತಿಂದಿರುವ ಘಟನೆ ರಾಂಚಿಯಲ್ಲಿ ನಡೆದಿದೆ. ಮಾಹಿತಿಗಳ ಪ್ರಕಾರ ಮಹಿಳೆಯು ಜಾರ್ಖಂಡ್​ನ ಅತಿದೊಡ್ಡ ಸರ್ಕಾರಿ ಆಸ್ಪತ್ರೆಯಾದ ರಿಮ್ಸ್​ನ ಮೂಳೆ ಚಿಕಿತ್ಸಾ ವಿಭಾಗದ ಬಳಿ ಕೆಲ ದಿನಗಳಿಂದಲೂ ತಂಗಿದ್ದಾರೆ. ಆದರೆ ಆಸ್ಪತ್ರೆಯ ಯಾವೊಬ್ಬ ಸಿಬ್ಬಂದಿಯೂ ಮಹಿಳೆಯನ್ನು ಗಮನಿಸದೆ ನಿರ್ಲಕ್ಷ್ಯ ವಹಿಸಿದ್ದಾರೆ. ಹಸಿವಿನಿಂದ ಬಳಲುತ್ತಿದ್ದ ಮಹಿಳೆ ಅಲ್ಲಿದ್ದ ಪಾರಿವಾಳವನ್ನು ಹಿಡಿದು ತಿಂದಿದ್ದು, ಘಟನೆ ಸಾರ್ವಜನಿಕ ಆಸ್ಪತ್ರೆ ಬಳಿ ನಡೆದಿದ್ದರಿಂದ ಜನರು ಕೊಂಚ ಭಯಭೀತರಾಗಿದ್ದಾರೆ. ಈ ಮಧ್ಯ ಆಸ್ಪತ್ರೆಯವರಾದರು ಆಕೆಯ ಹಸಿವು ನೀಗಿಸಬಹುದಾಗಿತ್ತು ಎಂಬ ಮಾತು ಕೂಡ ಕೇಳಿ ಬಂದಿದೆ.