ಚಮೋಲಿ ಹಿಮ ಪ್ರವಾಹ: ಮನಕಲಕುವಂತಿದೆ ಕಾರ್ಮಿಕರು ಕೊಚ್ಚಿ ಹೋದ ದೃಶ್ಯ!

ಫೆಬ್ರವರಿ 7 ರ ಭಾನುವಾರ ಉತ್ತರಾಖಂಡದ ಚಮೋಲಿಯಲ್ಲಿ ಸಂಭವಿಸಿದ ಹಿಮ ಪ್ರವಾಹ ದುರಂತದಲ್ಲಿ ಹಲವರು ಸಾವನ್ನಪ್ಪಿದ್ದಾರೆ. ಈ ಘಟನೆಗೆ ಸಂಬಂಧಿಸಿದಂತೆ ಎದೆ ಝಲ್​ ಎನ್ನುವ ವಿಡಿಯೋವೊಂದು 'ಈಟಿವಿ ಭಾರತ'ಕ್ಕೆ ಲಭ್ಯವಾಗಿದೆ. ಜೋಶಿಮಠದ ಬಳಿಯ ತಪೋವನ್‌ನಲ್ಲಿರುವ ಎನ್‌ಟಿಪಿಸಿ ಅಣೆಕಟ್ಟಿನ ಮೇಲೆ ಕೆಲಸ ಮಾಡುತ್ತಿದ್ದ ಕಾರ್ಮಿಕರು ಪ್ರವಾಹಕ್ಕೆ ಕೊಚ್ಚಿ ಹೋಗಿರುವ ದೃಶ್ಯ ಎದೆ ಝಲ್​ ಎನ್ನುವಂತಿದೆ. ಕಾರ್ಮಿಕರು ಅಣೆಕಟ್ಟಿನ ಮೇಲೆ ಕೆಲಸ ಮಾಡುತ್ತಿದ್ದರು. ದಿಢೀರ್​ ಪ್ರವಾಹ ಎದುರಾದಾಗ ತಪ್ಪಿಸಿಕೊಳ್ಳಲಾಗದೇ ಕೊಚ್ಚಿ ಹೋಗಿರುವ ದೃಶ್ಯ ಎಲ್ಲರ ಮನಕಲಕುವಂತಿದೆ.