ಅಬ್ಬಾ!! ಅದೆಂಥಾ ಸಿಟ್ಟು.. ಸತ್ರೂ ಚಾಕು ಚುಚ್ಚೊದನ್ನಾ ನಿಲ್ಲಿಸಲಿಲ್ಲ ಕೊಲೆಗಾರ!

ಆಂಧ್ರಪ್ರದೇಶದ ಪ್ರಕಾಶಂ ಜಿಲ್ಲೆಯ ಒಂಗೋಲದಲ್ಲಿ ಮಂಗಳವಾರ ಬೆಳಗ್ಗೆ ನಡೆದ ಕೊಲೆ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಭಯ ಮೂಡಿಸುತ್ತಿದೆ. ಇಲ್ಲಿನ ಗಾಂಧಿ ಪಾರ್ಕ್​ ಬಳಿ ಬೆಳ್ಳಂಬೆಳಗ್ಗೆ ಯುವಕ ಥಾಮಸ್ ಜೋಸೆಫ್​ ಎಂಬ ವ್ಯಕ್ತಿ ದಾರುಣವಾಗಿ ಚಾಕುವಿನಿಂದ ಚುಚ್ಚಿ ಕೊಲೆ ಮಾಡಿದ್ದಾನೆ. ಅದೆಂಥಾ ಸಿಟ್ಟು ಅಂದ್ರೆ ಯುವಕ ಥಾಮಸ್​ ಸಾವನ್ನಪ್ಪಿದ್ರೂ ಸಹ ಜೋಸೆಫ್​​ ಚಾಕು ದಾಳಿ ಮುಂದುವರಿಸಿದ್ದು, ವಿಡಿಯೋದಲ್ಲಿ ಕಾಣಬಹುದಾಗಿದೆ. ಥಾಮಸ್​ ಮತ್ತು ಜೋಸೆಫ್​ ಪತ್ನಿ ಒಂದೇ ಶಾಪಿಂಗ್​ ಮಾಲ್​ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಥಾಮಸ್​ ಮತ್ತು ಜೋಸೆಫ್​ ಮಧ್ಯೆ ಯಾವುದೋ ವಿಷಯಕ್ಕೆ ಮನಸ್ತಾಪವಾಗಿದೆ. ಮಾತನಾಡಲು ಕರೆಸಿಕೊಂಡಿದ್ದ ಜೋಸೆಫ್​ ನಡು ರಸ್ತೆಯಲ್ಲಿ ಎಲ್ಲರೂ ನೋಡು ನೋಡುತ್ತಿದ್ದಂತೆ ಯುವಕ ಥಾಮಸ್​ ಮೇಲೆ ಮನಸೋಚ್ಛೆ ಚಾಕು ದಾಳಿ ನಡೆಸಿದ್ದಾನೆ. ಈ ವೇಳೆ ಜೋಸೆಫ್​ ಪತ್ನಿ ಮತ್ತು ರಸ್ತೆ ಮೇಲೆ ಸವಾರರು ಜೋಸೆಫ್​ನ್ನು ತಡೆದ್ರೂ ಪ್ರಯೋಜನವಾಗಲಿಲ್ಲ. ಬಳಿಕ ಜೋಸೆಫ್​ ಸ್ಥಳೀಯ ಪೊಲೀಸ್​ ಠಾಣೆಗೆ ತೆರಳಿ ಶರಣಾಗಿದ್ದಾನೆ. ಇನ್ನು ಈ ಕೊಲೆ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗ್ತಿದೆ. ವಿಡಿಯೋ ನೋಡಿದ ನೆಟ್ಟಿಗರು ಹೌಹಾರಿದ್ದಾರೆ.