ಭಾರತದಲ್ಲಿ ಸಬ್​ಕಾ ಸಾಥ್​​​ ಸಬ್​ಕಾ ವಿಕಾಸ್ ಎಲ್ಲಿದೆ?: ಸೋನಿಯಾ ಗಾಂಧಿ ಪ್ರಶ್ನೆ

ನವದೆಹಲಿ: ದೇಶ ಮತ್ತು ಪ್ರಜಾಪ್ರಭುತ್ವವನ್ನು ಉಳಿಸಿಕೊಳ್ಳಲು ಕೊನೆಯ ಉಸಿರಿರುವವರೆಗೂ ಕಾಂಗ್ರೆಸ್​ ಹಿಂದೆ ಸರಿಯುವುದಿಲ್ಲ. ನಾವು ನಿಮ್ಮೊಂದಿಗಿದ್ದೇವೆ ಎಂದು ಕಾಂಗ್ರೆಸ್​ ರಾಷ್ಟ್ರೀಯ ಹಂಗಾಮಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಏರುಧ್ವನಿಯಲ್ಲಿ ಮಾತನಾಡಿದ್ರು. ಇಲ್ಲಿನ ರಾಮಲೀಲಾ ಮೈದಾನದಲ್ಲಿ ಆಯೋಜಿಸಿದ್ದ 'ಭಾರತ್ ಬಚಾವೋ ರ್ಯಾಲಿ' (ಭಾರತವನ್ನು ಕಾಪಾಡಿ) ಉದ್ದೇಶಿಸಿ ಮಾತನಾಡಿದ ಅವರು,ಬಿಜೆಪಿ ಜಾರಿಗೆ ತರುತ್ತಿರುವ ಬೇಕಾಬಿಟ್ಟಿ ಕಾನೂನುಗಳಿಂದ ದೇಶ ಅಪಾಯಕಾರಿ ಸ್ಥಿತಿಯಲ್ಲಿದೆ. ಹೀಗಿರುವಾಗ ದೇಶದಲ್ಲಿ ಸಬ್​ಕಾ ಸಾಥ್​​​ ಸಬ್​ಕಾ ವಿಕಾಸ್​ ಎಲ್ಲಿಂದ ಬರಲಿದೆ? ಎಂದು ಮೋದಿ ನೇತೃತ್ವದ ಕೇಂದ್ರ ಬಿಜೆಪಿ ಸರ್ಕಾರದ ವಿರುದ್ಧ ಸೋನಿಯಾ ಗಾಂಧಿ ಹರಿಹಾಯ್ದರು.