ಮೇಕೆ ನುಂಗಿದ 50 ಕೆಜಿ ಗಾತ್ರದ, 15 ಅಡಿ ಉದ್ದದ ಹೆಬ್ಬಾವು ಸೆರೆ

ಮಧ್ಯಪ್ರದೇಶ: ಇಲ್ಲಿನ ಧಾರ್ ಜಿಲ್ಲೆಯ ಸರ್ದಾರ್‌ಪುರ ಪ್ರದೇಶದಲ್ಲಿ ಬರೋಬ್ಬರಿ 50 ಕೆಜಿ ಗಾತ್ರದ, 15 ಅಡಿ ಉದ್ದದ ಹೆಬ್ಬಾವನ್ನು ಸೆರೆ ಹಿಡಿಯಲಾಗಿದೆ. ಸರ್ದಾರ್‌ಪುರದ ಸೋನಗರ್​ ಗ್ರಾಮದ ಕುರುಬನೋರ್ವ ಮೇಕೆಗಳನ್ನು ಮೇಯಿಸುತ್ತಿದ್ದ ವೇಳೆ ಹೆಬ್ಬಾವು ಮೇಕೆಯೊಂದನ್ನು ಹಿಡಿದು ಅರ್ಧ ನುಂಗಿದೆ. ಸ್ಥಳಕ್ಕೆ ಬಂದ ಅರಣ್ಯ ಇಲಾಖೆ ಸಿಬ್ಬಂದಿ ಗ್ರಾಮಸ್ಥರ ಸಹಾಯದೊಂದಿಗೆ ಹರಸಾಹಸ ಪಟ್ಟು ಹಾವಿನಿಂದ ಮೇಕೆಯನ್ನು ಬೇರ್ಪಡಿಸಿದ್ದಾರೆ. ಆದರೆ ಅಷ್ಟರಲ್ಲೇ ಮೇಕೆ ಸಾವನ್ನಪ್ಪಿತ್ತು. ಬಳಿಕ ಹಾವನ್ನು ಅರಣ್ಯ ಪ್ರದೇಶಕ್ಕೆ ಬಿಡಲಾಗಿದೆ.