Watch.. ಶ್ರೀನಗರದ ಲಾಲ್​ಚೌಕ್​ ಕ್ಲಾಕ್​ ಟವರ್​ ಮೇಲೆ ಹಾರಾಡಿದ ತ್ರಿವರ್ಣ ಧ್ವಜ​

ಶ್ರೀನಗರ (ಜಮ್ಮು ಮತ್ತು ಕಾಶ್ಮೀರ): 74ನೇ ಗಣರಾಜ್ಯೋತ್ಸವ ನಿಮಿತ್ತ ಇಲ್ಲಿಯ ಲಾಲ್​ಚೌಕ್​ನಲ್ಲಿರುವ ಪ್ರಸಿದ್ದ ಕ್ಲಾಕ್​ ಟವರ್​ ಮೇಲೆ ತ್ರಿವರ್ಣ ಧ್ವಜವನ್ನು ಹಾರಿಸಲಾಯಿತು. ಬಿಜೆಪಿ ಪಕ್ಷದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಅಶೋಕ್​ ಕೌಲ್​ ಲಾಲ್​ಚೌಕ್​ನಲ್ಲಿ ಧ್ವಜಾರೋಹಣವನ್ನು ನೆರವೇರಿಸಿದರು. ಮೈ ಕೊರೆಯುವ ಚಳಿಯ ನಡುವೆಯೂ ಧ್ವಜಾರೋಹಣದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಭಾಗಿಯಾಗಿದ್ದರು.

ಇನ್ನು ಶ್ರೀನಗರದ ಶೇರ್​ ಇ ಕಾಶ್ಮೀರ ಅಂತಾರಾಷ್ಟ್ರೀಯ ಕ್ರಿಕೆಟ್​ ಮೈದಾನದಲ್ಲಿಯೂ ದ್ವಜರೋಹಣವನ್ನು ಆಚರಿಸಲಾಯಿತು. ಪೊಲೀಸ್ ಮತ್ತು ಸಿಆರ್‌ಪಿಎಫ್ ತುಕಡಿಗಳು ಮೈದಾನದಲ್ಲಿ ಪರೇಡ್‌ ನಡೆಸಿದವು. ಅಲ್ಲದೇ ಆಚರಣೆ ವೇಳೆ ಬಿಗಿ ಪೊಲೀಸ್​ ಬಂದೋಬಸ್ತ್​​ ವ್ಯವಸ್ಥೆ ಮಾಡಲಾಗಿತ್ತು.   ಮುಂಜಾಗ್ರತಾ ಕ್ರಮವಾಗಿ ಭದ್ರತಾ ಪಡೆಗಳು ಮೈದಾನದ ಸುತ್ತಲು ಡ್ರೋನ್​ಗಳ ಮೂಲಕ ನಿಗಾ ಇಟ್ಟಿದ್ದವು.  

ಇದನ್ನೂ ಓದಿ: 74ನೇ ಗಣರಾಜ್ಯೋತ್ಸವ: ಇದೇ ಮೊದಲ ಬಾರಿಗೆ ತೃತೀಯ ಲಿಂಗಿಗಳ ಪಥ ಸಂಚಲನ