ಟ್ರ್ಯಾಕ್ಟರ್ ಟ್ರೈಲರ್​​ಗೆ ಶಾಲೆ ಬ್ಯಾಗ್ ತಗುಲಿ ವಿದ್ಯಾರ್ಥಿ ಸಾವು

ಚಿಕ್ಕೋಡಿ: ಚಿಕ್ಕಪ್ಪನ ಟ್ರ್ಯಾಕ್ಟರ್ ಗೆ ಅಣ್ಣನ ಮಗ ಸಿಲುಕಿ ಸ್ಥಳದಲ್ಲೇ ಸಾವು ಸಂಭವಿಸಿರುವ ಹೃದಯವಿದ್ರಾವಕ ಘಟನೆ ನಡೆದಿದೆ. ಬೆಳಗಾವಿ ಜಿಲ್ಲೆ ಅಥಣಿ ತಾಲೂಕಿನ ತೇವರಟ್ಟಿ ಗ್ರಾಮದ ಸುದರ್ಶನ್ ಹಣಮಂತ ನೀಲಜಗಿ (7) ಮೃತ ದುರ್ದೈವಿ .

ತೋಟದ ಮನೆಯಿಂದ ಗ್ರಾಮದ ಶಾಲೆಗೆ ಸುದರ್ಶನ್ ಹಾಗೂ ಅವರ ಅಣ್ಣ, ಚಿಕ್ಕಪ್ಪನ ಟ್ರಾಕ್ಟರ್ ನಲ್ಲಿ ಪ್ರಯಾಣ ಬೆಳೆಸಿದ್ದಾರೆ. ನಂತರ ಶಾಲೆಗೆ ಬರುತ್ತಿದ್ದಂತೆ ಟ್ರ್ಯಾಕ್ಟರ್ ನಿಂದ ಇಳಿದು ಸಾಗುವಾಗ ಚಿಕ್ಕಪ್ಪ (ಚಾಲಕ) ಟ್ರಾಕ್ಟರ್ ಚಾಲನೆ ಮಾಡಿದ್ದಾರೆ. ಆಗ ಟ್ರಾಕ್ಟರ್ ಟ್ರೈಲರ್​ಗೆ ಆಕಸ್ಮಿಕವಾಗಿ ಪುಸ್ತಕ ಬ್ಯಾಗ್ ತಗುಲಿ ಸುದರ್ಶನ್ ಚಕ್ರಕ್ಕೆ ಸಿಲುಕಿ ಸಾವು ಸಂಭವಿಸಿದೆ ಎಂದು ಪೊಲೀಸ್ ಮೂಲಗಳಿಂದ ತಿಳಿದುಬಂದಿದೆ. 

ಆಡಿ ನಲಿದು ಕಣ್ಣು ಮುಂದೆ ಇರಬೇಕಾದ ಮುದ್ದಾದ ಮಗನನ್ನು ಕಳೆದುಕೊಂಡ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ. ಅಥಣಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ಸಂಭವಿಸಿದೆ. 

ಇದನ್ನೂ ಓದಿ :  ಬೆಂಗಳೂರಿನ ಮಹಿಳೆ ಕೊಳ್ಳೇಗಾಲದಲ್ಲಿ ಶವವಾಗಿ ಪತ್ತೆ:  ಜಜ್ಜಿದ ಮೊಬೈಲ್ ಮೂಲಕ ಗುರುತು ಪತ್ತೆ