ವಾಷಿಂಗ್ಟನ್: ಮಾನಸಿಕ ಖಿನ್ನತೆ ಮತ್ತು ಆತಂಕ ಅಮೆರಿಕದಲ್ಲಿ ಸಾಮಾನ್ಯ ಮಾನಸಿಕ ಆರೋಗ್ಯದ ಸಮಸ್ಯೆಗಳಾಗಿವೆ. ಅರ್ಧಕ್ಕಿಂತ ಹೆಚ್ಚು ಜನರಿಗೆ ಇದರ ಪತ್ತೆ ಅಥವಾ ಸೂಕ್ತ ಚಿಕಿತ್ಸೆ ಸಿಗುತ್ತಿಲ್ಲ. ಇಂತಹ ಆರೋಗ್ಯ ಸಮಸ್ಯೆಗಳನ್ನು ಪತ್ತೆ ಮಾಡುವ ಮತ್ತು ಆರೋಗ್ಯ ಅಪಾಯಗಳ ಬಗ್ಗೆ ಎಚ್ಚರಿಕೆ ನೀಡುವ ಧರಿಸಬಹುದಾದ ಫಿಟ್ನೆಸ್ ಮಾನಿಟರ್ಗಳ ಪರಿಣಾಮಗಳ ಕುರಿತು ಮಾನಸಿಕ ಆರೋಗ್ಯ ವೈದ್ಯರು ಪತ್ತೆ ಮಾಡುತ್ತಿದ್ದಾರೆ.
ಧರಿಸಬಹುದಾದ ತಂತ್ರಜ್ಞಾನದ ಮೂಲಕ ದೀರ್ಘಾವಧಿ ರೋಗಗಳ ಪತ್ತೆ ಕಾರ್ಯಸಾಧ್ಯ ದೊಡ್ಡ ಮತ್ತು ವೈವಿಧ್ಯತೆ ಜನಸಂಖ್ಯೆಯಲ್ಲಿ ಮುಕ್ತ ಪ್ರಶ್ನೆಯಾಗಿದ್ದು, ಈ ಕುರಿತು ಸೇಂಟ್ ಲೂಯಿಸ್ನ ವಾಷಿಂಗ್ಟನ್ ಯುನಿವರ್ಸಿಟಿ ಹೊಸ ಆಶಾವಾದ ಮೂಡಿಸಿದೆ. ವೇರ್ನೆಟ್ ಎಂಬ ಆಳ ಕಲಿಕೆ ಮಾದರಿಯನ್ನು ಅವರು ಅಭಿವೃದ್ಧಿ ಮಾಡಿದ್ದು, ಫಿಟ್ಬಿಟ್ ಟ್ರಾಕರ್ನಿಂದ ಸಂಗ್ರಹಿಸಿದ 10 ವೇರಿಯಬಲ್ ಸಂಗ್ರಹವನ್ನು ಅಧ್ಯಯನ ನಡೆಸಲಾಗಿದೆ. ಈ ವೇರಿಯಬಲ್ಗಳು ದೈನಂದಿನ ನಡಿಗೆ, ಕ್ಯಾಲೋರಿ ಬರ್ನ್ ದರ, ಹೃದಯ ಬಡಿತ ಮತ್ತು ಕುಳಿತುಕೊಳ್ಳುವ ಸಮಯ ಸೇರಿದಂತೆ ಎಲ್ಲವನ್ನೂ ಒಳಗೊಂಡಿದೆ. ವ್ಯಕ್ತಿಗಳ 60 ದಿನಗಳಿಗಿಂತ ಹೆಚ್ಚು ಕಾಲದ ಫಿಟ್ಬಿಟ್ ದತ್ತಾಂಶವನ್ನು ಸಂಶೋಧಕರು ಈ ಮೂಲಕ ತಯಾರಿಸಿದ್ದಾರೆ.
ವೇರ್ನೆಟ್ ಮೂಲಕ ದತ್ತಾಂಶ ಸಂಗ್ರಹ: ಖಿನ್ನತೆ ಮತ್ತು ಆತಂಕದ ಅಪಾಯದ ಅಂಶಗಳನ್ನು ಪರಿಗಣಿಸಿದಾಗ ವೇರ್ನೆಟ್ ಅತ್ಯಾಧುನಿಕ ತಂತ್ರ ಕಲಿಕೆ ಮಾದರಿಗಿಂತ ಉತ್ತಮವಾಗಿ ಖಿನ್ನತೆ ಮತ್ತು ಆತಂಕವನ್ನು ಪತ್ತೆ ಮಾಡುವಲ್ಲಿ ಕಾರ್ಯ ನಿರ್ವಹಿಸಿದೆ. ಇದು ವೈಯಕ್ತಿಕ ಮಟ್ಟದ ಮಾನಸಿಕ ಆರೋಗ್ಯ ಮಟ್ಟದ ಮುನ್ನೋಟ ನೀಡಿದೆ. ಧರಿಸಬಹುದಾದ ಬಳಕೆದಾರರ ಇತರ ಅಂಕಿಅಂಶಗಳ ವಿಶ್ಲೇಷಣೆಗಳು ಗುಂಪು ಮಟ್ಟದಲ್ಲಿ ಪರಸ್ಪರ ಸಂಬಂಧಗಳು, ಅಪಾಯಗಳನ್ನು ನಿರ್ಣಯಿಸುತ್ತವೆ.
ಆಳವಾದ ಕಲಿಕೆ ಮಾನಸಿಕ ಸಮಸ್ಯೆಗಳು ಧರಿಸಬಹುದಾದ ವಸ್ತುಗಳೊಂದಿಗಿನ ಸಂಕೀರ್ಣತೆಯೊಂದಿಗೆ ಸಂಬಂಧ ಹೊಂದಿದೆ ಎಂದು ಸಂಶೋಧಕರ ಚೆಂಯಂಗ್ ಲು ತಿಳಿಸಿದ್ದಾರೆ. ಯಂತ್ರ ಕಲಿಕೆ ಶಕ್ತಿಯುತ ಸಾಧನವಾಗಿದ್ದು, ಇದು ಸಂಬಂಧಗಳ ಹೊರತೆಗೆಯುವಲ್ಲಿ ಪ್ರಮುಖವಾಗಿದೆ. ನಮ್ಮ ಕೆಲಸವು ದೊಡ್ಡ ಮತ್ತು ವೈವಿಧ್ಯಮಯ ಸಮಂಜಸತೆಯ ಆಧಾರದ ಮೇಲೆ ಪುರಾವೆಗಳನ್ನು ಒದಗಿಸಿದೆ, ಧರಿಸಬಹುದಾದ ವಸ್ತುಗಳೊಂದಿಗೆ ಮಾನಸಿಕ ಅಸ್ವಸ್ಥತೆಗಳನ್ನು ಪತ್ತೆ ಹಚ್ಚಲು ಸಾಧ್ಯವಿದೆ. ಮುಂದಿನ ಹಂತದಲ್ಲಿ ಆಸ್ಪತ್ರೆಯ ವ್ಯವಸ್ಥೆ ಅಥವಾ ಕೆಲವು ಕಂಪನಿಳಿಗೆ ಇದರ ಅಳವಡಿಕೆ ಮನವರಿಕೆ ಮಾಡುವುದು ಇದೇ ಎಂದಿದ್ದಾರೆ.
ತಂಡವು ತನ್ನ ಸಂಶೋಧನೆಗಳನ್ನು ಮೇ 10 ರಂದು ಇಂಟರ್ನೆಟ್ ಆಫ್ ಥಿಂಗ್ಸ್ ವಿನ್ಯಾಸ ಮತ್ತು ಅನುಷ್ಠಾನದ ಎಸಿಎಂ ಸಮ್ಮೇಳನದಲ್ಲಿ ಪ್ರಸ್ತುತಪಡಿಸಲಾಯಿತು. ಸಮ್ಮೇಳನದಲ್ಲಿ ಡೇಟಾ ಅನಾಲಿಟಿಕ್ಸ್‌ಗಾಗಿ ಪತ್ರಿಕೆಗೆ ಅತ್ಯುತ್ತಮ ಪೇಪರ್ ಪ್ರಶಸ್ತಿಯನ್ನು ನೀಡಲಾಯಿತು. ಸಂಶೋಧಕ ಲು ಪ್ರಕಾರ, ಧರಿಸಬಹುದಾದ ಡೇಟಾ ಮಾನಸಿಕ ಆರೋಗ್ಯ ರೋಗನಿರ್ಣಯ ಮತ್ತು ಚಿಕಿತ್ಸೆಗೆ ಒಂದು ವರವಾಗಬಹುದು.
ಮಾನಸಿಕ ಅಸ್ವಸ್ಥತೆಗಳನ್ನು ಪತ್ತೆ ಹಚ್ಚಲು ತೆರೆದುಕೊಳ್ಳದ ವಿಧಾನದ ತುರ್ತು ಅವಶ್ಯಕತೆಯಿದೆ ಎಂದು ಸಂಶೋಧಕರು ಹೇಳಿದ್ದಾರೆ. ಆರಂಭದಲ್ಲಿನ ಮಾನಸಿಕ ಅಸ್ವಸ್ಥತೆಗಳನ್ನು ಸಮಯೋಚಿತವಾಗಿ ಪತ್ತೆಹಚ್ಚಲು ಮತ್ತು ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತದೆ. ಇದು ವ್ಯಕ್ತಿಗಳು ತಮ್ಮ ನಡವಳಿಕೆಗಳನ್ನು ಸರಿಹೊಂದಿಸಲು ಮತ್ತು ಅಸ್ವಸ್ಥತೆಗಳ ಪ್ರಭಾವವನ್ನು ತಗ್ಗಿಸಲು ಸಹ ಸಾಧ್ಯವಾಗುತ್ತದೆ.
ಇದನ್ನೂ ಓದಿ: ಸ್ಮಾರ್ಟ್ವಾಚ್ಗಳಿಂದಲೂ ಹೃದಯ ವೈಫಲ್ಯದ ಅಪಾಯ ಪತ್ತೆ ಸಾಧ್ಯತೆ: ಅಧ್ಯಯನ
