ಮಕ್ಕಳಲ್ಲಿ ಕಿವಿ ಸೋಂಕು ಅಪಾಯ ಹೆಚ್ಚಿಸುತ್ತಿದೆ ವಾಟರ್​ಪಾರ್ಕ್​, ಈಜುಕೊಳಗಳು: ವೈದ್ಯರ ಎಚ್ಚರಿಕೆ

ಕಿವಿ ಸೋಂಕು ಉಂಟಾದಾಗ ನೋವು, ಕೆರೆತ, ಕೆಂಪಾಗುವಿಕೆ ಮತ್ತು ಊತಗಳು ಕಿವಿಯೊಳಗೆ ಕಾಣಿಸಬಹುದು. ಇದನ್ನು ಚಿಕಿತ್ಸೆ ನೀಡದೇ ಹಾಗೆಯೇ ಬಿಟ್ಟರೆ ಶಾಶ್ವತವಾಗಿ ಕಿವುಡುತನಕ್ಕೆ ಕಾರಣವಾಗಬಹುದು.

ಪದೇ ಪದೇ ವಾಟರ್​​ ಪಾರ್ಕ್​ ಮತ್ತು ಈಜುಕೊಳಗಳಿಗೆ ಭೇಟಿ ಕೊಟ್ಟವರಲ್ಲಿ ಕಿವಿ ಸೋಂಕಿನ ಪ್ರಕರಣಗಳು ಹೆಚ್ಚುತ್ತಿವೆ. ಇದು ವಿಶೇಷವಾಗಿ ಮಕ್ಕಳಿಗೆ ಬಾಧಿಸುತ್ತಿವೆ ಎಂದು ವೈದ್ಯರು ತಿಳಿಸಿದ್ದಾರೆ. ನೀರಿಗಿಳಿದಾಗ ಕಿವಿಯಲ್ಲಿ ನೀರು ಸಂಗ್ರಹಣೆಯಾಗುತ್ತದೆ. ಇದರಿಂದ ಅಲ್ಲಿ ತೇವಾಂಶದ ವಾತಾವರಣ ರೂಪಿಸಿ, ಬ್ಯಾಕ್ಟೀರಿಯಾ ಬೆಳವಣಿಗೆಗೆ ಕಾರಣವಾಗುತ್ತದೆ ಎಂದು ತಿಳಿಸಿದ್ದಾರೆ. ನಗರಗಳಲ್ಲಿ ಬೇಸಿಗೆಯಲ್ಲಿ ವಾಟರ್​ಪಾರ್ಕ್​ಗಳಿಗೆ ಭೇಟಿ ನೀಡಿದ ಮಕ್ಕಳಲ್ಲಿ ಈ ರೀತಿಯ ಕಿವಿ ಸೋಂಕು ಪ್ರಕರಣ ಹೆಚ್ಚಾಗುತ್ತಿರುವುದನ್ನು ವೈದ್ಯರು ಗಮನಿಸಿದ್ದಾರೆ.

ವೈದ್ಯರ ಸಲಹೆಗಳೇನು?: ಕಿವಿ ಸೋಂಕಿನಿಂದ ಮಕ್ಕಳು ಹೆಚ್ಚು ತೊಂದರೆ ಅನುಭವಿಸುತ್ತಾರೆ. ಅವರ ಕಿವಿ ಕೊಳವೆಗಳು ಸಣ್ಣದಾಗಿದ್ದು ದೀರ್ಘಕಾಲದವರೆಗೆ ನೀರು ಇರುತ್ತದೆ. ಈ ಕುರಿತು ಮಾತನಾಡಿರುವ ವೈದ್ಯ ರಾಜೇಶ್​ ಕಪೂರ್​, ಇತ್ತೀಚಿನ ದಿನಗಳಲ್ಲಿ ಪ್ರತಿನಿತ್ಯ ಕಿವಿ ಸೋಂಕಿನ ಪ್ರಕರಣಗಳು ಗಮನಾರ್ಹವಾಗಿ ಹೆಚ್ಚಾಗಿದೆ. ಇಂತಹ ಅನಾಹುತಗಳನ್ನು ತಪ್ಪಿಸಲು ವಾಟರ್​ ಪಾರ್ಕ್​ಗೆ ಇಳಿಯುವ ಮುನ್ನ ಕೆಲವು ಮುನ್ನೆಚ್ಚರಿಕೆಗಳನ್ನು ಪಾಲಿಸಬೇಕು.

ವಾಟರ್​ ಪಾರ್ಕ್​ಗೆ ಭೇಟಿ ನೀಡುವವರು ಇಯರ್​ಪ್ಲಗ್​ ಅನ್ನು ವಿಶೇಷವಾಗಿ ಈಜಿಗಾಗಿ ರೂಪಿಸಿದ ಈ ಸಾಧನಗಳನ್ನು ಬಳಸಿದಾಗ ಕಿವಿಯೊಳಗೆ ನೀರು ಶೇಖರಣೆಯಾಗುವುದನ್ನು ತಡೆಯಬಹುದು. ಇನ್ನು ನೀರಿನಲ್ಲಿ ಆಟವಾಡಿದ ಬಳಿಕ ಕಿವಿಯನ್ನು ಸಂಪೂರ್ಣವಾಗಿ ನೀರಿಲ್ಲದಂತೆ ಇರುವಂತೆ ನೋಡಿಕೊಳ್ಳಬೇಕು. ಶುಚಿಯಾದ ಟವಲ್​ ಅಥವಾ ಕಡಿಮೆ ಶಾಖದ ಗಾಳಿ ಮೂಲಕ ಕಿವಿಯನ್ನು ಒಣಗಿಸಬಹುದು.

ವಾಟರ್​ ಪಾರ್ಕ್‌ಗೆ ಭೇಟಿ ಬಳಿಕ ಜನರಲ್ಲಿ ಕಿವಿ ಸೋಂಕಿನ ಪ್ರಕರಣಗಳು ಹೆಚ್ಚಾಗಿದೆ. ಅತಿ ಹೆಚ್ಚುಕಾಲ ನೀರಿನಡಿ ಇರುವುದು ಕೂಡ ಇದರ ಅಪಾಯ ಹೆಚ್ಚಳಕ್ಕೆ ಕಾರಣವಾಗಿದೆ ಎನ್ನುತ್ತಾರೆ ಕೆಜಿಎಂಯು ವೈದ್ಯ ವಿರೇಂದ್ರ ವರ್ಮಾ. ಇನ್ನು ಸೋಂಕು ಆಗದಂತೆ ತಡೆಯಲು ಮೃದು, ಪಿಎಚ್​ ಸಮತೋಲಿತ ಕಿವಿ ಶುದ್ದಿಕರಿಸುವ ಸಲ್ಯೂಷನ್​ ಅನ್ನು ಬಳಿಕ ಶೇಖರಣೆಯಾಗಿರುವ ನೀರನ್ನು ಹೊರಗೆ ತೆಗೆಯಬಹುದು. ಇದು ಬ್ಯಾಕ್ಟಿರಿಯಾ ಬೆಳೆಯುವುದನ್ನು ತಡೆಯುತ್ತದೆ.

ಮುನ್ನೆಚ್ಚರಿಕೆ ಕ್ರಮವೇನು?: ಈ ಕುರಿತು ಮಾತನಾಡಿರುವ ಆಲಿಗಂಜ್​ನ ಇಎನ್​ಟಿ ಸರ್ಜನ್, ಸೋಂಕು ಉಂಟಾದಾಗ ಸ್ವಯಂ ಚಿಕಿತ್ಸೆ ನಡೆಸುವುದರ ಕುರಿತು ಎಚ್ಚರಿಕೆ ನೀಡಿದ್ದಾರೆ. ಕಿವಿಯೊಳಗೆ ನೀರು ಸೇರಿದಾಗ, ಕಿವಿಯಲ್ಲಿ ಸದ್ದು ಆದಾಗ, ಕೆರೆತ ಅಥವಾ ಭರಿಸಲಾಗದ ನೋವು ಉಂಟಾದಾಗ ವೈದ್ಯಕೀಯ ಚಿಕಿತ್ಸೆ ಪಡೆಯುವುದು ಅತ್ಯವಶ್ಯಕ. ಇದರ ಬದಲು ಯಾವುದೇ ವೃತ್ತಿಪರರ ಸಹಾಯವಿಲ್ಲದೇ, ಸ್ವಯಂ ಆರೈಕೆ ಕ್ರಮಕ್ಕೆ ಮುಂದಾದರೆ ಇದು ಪರಿಸ್ಥಿತಿಯನ್ನು ಮತ್ತಷ್ಟು ಬಿಗಡಾಯಿಸಬಹುದು.

ವಾಟರ್​ ಪಾರ್ಕ್​ಗೆ ಇಳಿಯುವ ಮುನ್ನ ವೈಯಕ್ತಿಕ ಮುನ್ನೆಚ್ಚರಿಕೆ ವಹಿಸುವ ಮೂಲಕ ಸೋಂಕಿನ ಅಪಾಯವನ್ನು ತಡೆಯಬಹುದು. ಈ ಸಂಬಂಧ ವಾಟರ್​ ಪಾರ್ಕ್​ ನಿರ್ವಹಣೆ ತಂಡ ಕೂಡ ಮುನ್ನೆಚ್ಚರಿಕೆ ಕ್ರಮ ವಹಿಸಬೇಕಾಗುತ್ತದೆ. ವಾಟರ್​ ಪಾರ್ಕ್​ ಅನ್ನು ನಿಯಮಿತವಾಗಿ ಸ್ವಚ್ಛಗೊಳಿಸುವುದು, ಈಜುಕೊಳಗಳ ಶುಚಿತ್ವ, ಸ್ಲೈಡ್ಸ್​ ಮತ್ತು ಸ್ಲಾಶ್​ ಪ್ಯಾಡ್ಸ್​ಗಳ ಶುಚಿತ್ವ ಕಾಪಾಡುವ ಮೂಲಕ ಮುಂಜಾಗ್ರತೆ ವಹಿಸಬೇಕು.

ಪಾರ್ಕ್​ ಸಂಬಂದ ತಜ್ಞರು ನೀಡಿರುವ ಶಿಫಾರಸುಗಳನ್ನು ಫಲಕಗಳಲ್ಲಿ ಪ್ರಕಟಿಸಬೇಕು. ಕಿವಿಯ ರಕ್ಷಣೆಗೆ ಮುಂಜಾಗ್ರತೆಗೆ ಭೇಟಿ ನೀಡಿದವರಿಗೆ ಸೂಚನೆ ನೀಡಬೇಕು. ಈ ರೀತಿ ಜಾಗೃತಿ ಮತ್ತು ಮುನ್ನೆಚ್ಚರಿಕೆ ಕ್ರಮವನ್ನು ಅನುಸರಿಸುವ ಮೂಲಕ ಭೇಟಿ ನೀಡಿದವರು ಮತ್ತು ನಿರ್ವಹಣೆ ತಂಡ ಬೇಸಿಗೆ ದಿನವನ್ನು ಮತ್ತಷ್ಟು ಮೋಜು ಭರಿತವಾಗಿಸಬಹುದು.

ಇದನ್ನೂ ಓದಿ: Child Labour: 10ರಲ್ಲಿ ಒಂದು ಮಗು ಇಂದಿಗೂ ಬಾಲ ಕಾರ್ಮಿಕ ವ್ಯವಸ್ಥೆಗೆ ಬಲಿ