ನವದೆಹಲಿ: ಕೋವಿಡ್ 19ನ ಉಪತಳಿಯಾಗಿರುವ ಜೆಎನ್1 ಸೋಂಕಿನ ಪ್ರಕರಣಗಳ ಸಾಮಾನ್ಯ ಲಕ್ಷಣ ಕುರಿತು ಯುಕೆ ಆರೋಗ್ಯ ಅಧಿಕಾರಿಗಳು ತಿಳಿಸಿದ್ದಾರೆ. ಆತಂಕ ಮತ್ತು ನಿದ್ರೆಯಲ್ಲಿ ತೊಡಕು ಉಂಟಾಗುವುದು ಇದರ ಹೊಸ ಲಕ್ಷಣವಾಗಿದೆ ಎಂದು ವರದಿ ತಿಳಿಸಿದೆ.
ಜೆಎನ್1 ಎಂಬುದು ಓಮ್ರಿಕಾನ್ ವಂಶವಾಹಿನಿಯ ಸೋಂಕು ಆಗಿದ್ದು, ಕಳೆದ ಆಗಸ್ಟ್ನಲ್ಲಿ ಮೊದಲ ಬಾರಿಗೆ ಪತ್ತೆಯಾಗಿತ್ತು. ಸದ್ಯ 40 ದೇಶದಲ್ಲಿ ಇದು ಕಂಡುಬಂದಿದೆ. ಈ ಜೆಎನ್1 ಸೋಂಕು ವೇಗವಾಗಿ ಹರಡುವ ಹಿನ್ನೆಲೆ ಇದನ್ನು ಆಸಕ್ತಿ ರೂಪಾಂತರ ಎಂದು ವಿಶ್ವ ಆರೋಗ್ಯ ಸಂಸ್ಥೆ ವರ್ಗೀಕರಿಸಿದೆ. ಜೆಎನ್1 ಎಂಬುದು ಬಿಎ.2.86ರ ವಂಶವಾಹಿನಿಯಾಗಿದ್ದು, ಬಿಎ.2.86 ಹೋಲಿಕೆ ಮಾಡಿದಾಗ ಜೆಎನ್1 ಸ್ಪೈಜಕ್ ಪ್ರೋಟಿನ್ ಎಲ್455ಎಸ್ ರೂಪಾಂತರವನ್ನು ಹೊಂದಿದ್ದು, ಇದು ವೇಗವಾಗಿ ಹರಡುತ್ತದೆ. ಆದಾಗ್ಯೂ ಈ ತಳಿಯು ಯಾವುದೇ ಹೊಸ ಲಕ್ಷಣ ಅಥವಾ ಅಸಾಮಾನ್ಯ ಲಕ್ಷಣವನ್ನು ತೋರಿಸಿಲ್ಲ ಎಂದು ವರದಿ ತಿಳಿಸಿದೆ.
ಇಲ್ಲಿಯವರೆಗಿನ ಲಕ್ಷಣ ವರದಿಯಲ್ಲಿ ಈ ಸೋಂಕು ತಗುಲಿದವರಲ್ಲಿ ಶ್ವಾಸಕೋಶದ ಮೇಲ್ಭಾಗದಲ್ಲಿ ಸೋಂಕು ಕಂಡು ಬಂದಿದೆ. ಇದರಿಂದ ಜ್ವರ, ಕೆಮ್ಮು, ಗಂಟಲು ನೋವು, ಮೈಕೈ ನೋವು ಮತ್ತು ಮೂಗು ಸೋರುವಿಕೆಯಂತಹ ಲಕ್ಷಣಗಳನ್ನು ಕಾಣಬಹುದಾಗಿದೆ. ಆದರೆ ಇತ್ತೀಚಿನ ದತ್ತಾಂಶದ ಪ್ರಕಾರ, ಯುಜೆಯ ಆಫೀಸ್ ಫಾರ್ ನ್ಯಾಷನಲ್ ಸ್ಟಾಟಿಸ್ಟಿಕ್ಸ್ (ಒಎನ್ಎಸ್) ಇದರ ಎರಡು ಲಕ್ಷಣವನ್ನು ಪತ್ತೆ ಮಾಡಿದೆ. ಅದುವೇ ನಿದ್ರೆಯಲ್ಲಿ ತೊಡಕು ಮತ್ತು ಆತಂಕ.
ನವೆಂಬರ್ ಆರಂಭದಲ್ಲಿ ಯುಕೆಯಲ್ಲಿ ಶೇ 10ಕ್ಕೂ ಹೆಚ್ಚು ಮಂದಿಯಲ್ಲಿ ಕೋವಿಡ್ ಇದ್ದು, ಅವರಲ್ಲಿ ಆತಂಕ ಅಥವಾ ಹೆಚ್ಚಿನ ಚಿಂತೆಗಳನ್ನು ಕಾಣಬಹುದು ಆಗಿದೆ ಎಂದು ಒಎನ್ಎಸ್ ಚಳಿಗಾಲದ ಕೋವಿಡ್ ವರದಿಯಲ್ಲಿ ತಿಳಿಸಿದೆ.
ಹೀಗಿದೆ ಕೋವಿಡ್ ಲಕ್ಷಣ: ಸಾಮಾನ್ಯ ಕೋವಿಡ್ 19ನ ಲಕ್ಷಣಗಳು ಹೀಗಿವೆ. ಮೂಗು ಸೋರುವಿಕೆ ಶೆ 31.1, ಕೆಮ್ಮು ಶೇ 22.9ರಷ್ಟು, ತಲೆನೋವು ಶೇ 20.1, ಆಯಾಸ ಶೇ 19.6, ಸ್ನಾಯು ನೋವು ಶೇ 15.8ರಷ್ಟು, ಗಂಟಲು ಕೆರೆತ ಶೇ 13.2, ನಿದ್ರೆಗೆ ತೊಡಕು ಶೇ 10.8ರಷ್ಟು ಮತ್ತು ಆತಂಕ ಶೇ 10.5ರಷ್ಟು ಎಂದು ದತ್ತಾಂಶ ತಿಳಿಸಿದೆ.
ಇನ್ನು ಇದರಲ್ಲಿ ರುಚಿ ಮತ್ತು ಗ್ರಹಣ ಶಕ್ತಿ ಕಳೆದು ಕೊಳ್ಳುವುದು ಸಾಮಾನ್ಯವಾಗಿದ್ದು, ಯುಕೆಯಲ್ಲಿ ಶೇ 2-3ರಷ್ಟು ಪ್ರಕರಣದಲ್ಲಿ ಈ ಲಕ್ಷಣ ಪತ್ತೆ ಆಗಿದೆ. ಆದರೆ, ಒಬ್ಬ ವ್ಯಕ್ತಿಯು ಈ ಹಿಂದೆ ವರದಿ ಮಾಡಿದ ಲಕ್ಷಣ ಸೇರಿದಂತೆ ಕೆಲವು ಅಥವಾ ಎಲ್ಲಾ ರೋಗ ಲಕ್ಷಣಗಳನ್ನು ಅನುಭವಿಸುತ್ತಾನೆಯೇ ಎಂಬುದು ಅವರ ಆರೋಗ್ಯ ಮತ್ತು ಇಮ್ಯುನಿಟಿ ಮೇಲೆ ಅವಲಂಬಿತವಾಗಿದೆ.
ಜಾಗತಿಕವಾಗಿ ಕೋವಿಡ್ ಸೋಂಕಿನ ಏರಿಕೆ ಸಂದರ್ಭದಲ್ಲಿ ಈ ಸಂಶೋಧನಾ ವರದಿ ಬಂದಿದೆ. ವಿಶ್ವ ಆರೋಗ್ಯ ಸಂಸ್ಥೆ ಪ್ರಕಾರ, ಕಳೆದೊಂದು ತಿಂಗಳಿನಿಂದ ಜಾಗತಿಕವಾಗಿ ಕೋವಿಡ್ 19 ಪ್ರಕರಣದಲ್ಲಿ ಶೇ 52ರಷ್ಟು ಹೆಚ್ಚಾಗಿದೆ. ಇದರಿಂದ ಆಸ್ಪತ್ರೆಗಳಲ್ಲಿ ಮತ್ತು ಐಸಿಯುಗಳಲ್ಲಿ ರೋಗಿಗಳ ಸಂಖ್ಯೆ ಹೆಚ್ಚಾಗಿದ್ದು, ಸೋಂಕಿನಿಂದ ಜಾಗತಿಕ ಸಾವಿನ ಸಂಖ್ಯೆ ಏರಿಕೆ ಕಂಡಿದೆ.
ಈ ನಡುವೆ ಭಾರತದಲ್ಲಿ ಕೂಡ ಮಂಗಳವಾರ ಕೇಂದ್ರ ಆರೋಗ್ಯ ಸಚಿವಾಲಯ ಬಿಡುಗಡೆ ಮಾಡಿದ ಮಾಹಿತಿ ಅನುಸಾರ ಕಳೆದ 24 ಗಂಟೆಯಲ್ಲಿ ಹೊಸದಾಗಿ 573 ಕೋವಿಡ್ ಪ್ರಕರಣ ಕಂಡು ಬಂದಿದ್ದು, 2 ಸಾವು ವರದಿ ಆಗಿದೆ. ಸದ್ಯ ದೇಶದಲ್ಲಿ 4,565 ಸಕ್ರಿಯ ಕೋವಿಡ್ ಪ್ರಕರಣಗಳಿದ್ದು, ಜೆಎನ್.1 197 ಪ್ರಕರಣ ವರದಿಯಾಗಿದೆ. (ಐಎಎನ್ಎಸ್)
ಇದನ್ನೂ ಓದಿ: ದೇಶಾದ್ಯಂತ 24 ಗಂಟೆಗಳಲ್ಲಿ 573 ಹೊಸ ಕೋವಿಡ್ ಪ್ರಕರಣ ಪತ್ತೆ; 2 ಸಾವು
