ಚಳಿಗಾಲದಲ್ಲಿ ಮಾಡಿಟ್ಟ ಪದಾರ್ಥಗಳು ಅರ್ಧಗಂಟೆಗೆಲ್ಲ ತಣ್ಣಗಾಗುತ್ತೆ. ಇಲ್ಲ ಅನೇಕ ಬಾರಿ ಊಟದ ಸಮಯಕ್ಕೆ ಬಿಸಿ ಅಡುಗೆ ಮಾಡಲು ಸಾಧ್ಯವಾಗದೇ ಮುಂಚೆಯೇ ಮಾಡಿ ಇಡುತ್ತೇವೆ. ಈ ಹಿನ್ನೆಲೆ ಊಟ ಮಾಡುವಾಗ ಬಿಸಿಯಾಗಿರುವ ಅಡುಗೆ ತಿನ್ನುವ ಇಚ್ಛೆಯಿಂದ ಅದನ್ನು ಮತ್ತೆ ಮತ್ತೆ ಬಿಸಿ ಮಾಡುತ್ತೇವೆ. ಆದರೆ, ಈ ರೀತಿ ಪದೇ ಪದೇ ಬಿಸಿ ಮಾಡುವುದು ಅಪಾಯ ಎನ್ನುತ್ತಾರೆ ಪೌಷ್ಟಿಕ ತಜ್ಞರು.
ಒಮ್ಮೆ ಅನ್ನವನ್ನು ಮಾಡಿ, ಉಳಿದಾಗ ಅದೇ ಪಾತ್ರೆಯಲ್ಲಿ ಮತ್ತೆ ಬಿಸಿ ಮಾಡುತ್ತೇವೆ. ಬೆಂದ ಅನ್ನವನ್ನು ಪದೇ ಪದೇ ಬಿಸಿ ಮಾಡಿ ತಿನ್ನುವ ಅಭ್ಯಾಸ ನಿಮಗೆ ಇದ್ದರೆ, ಅದನ್ನು ಮಾಡಬೇಡಿ. ಈ ವೇಳೆ ಬ್ಯಾಕ್ಟೀರಿಯಾ ವಿಷಕಾರಿಯಾದ ಟಾಕ್ಸಿನ್ ಅನ್ನು ಬಿಡುಗಡೆ ಮಾಡುತ್ತದೆ. ಜೊತೆಗೆ ಇದರಲ್ಲಿನ ಪೋಷಕಾಂಶಗಳು ಸಾಯುತ್ತವೆ.
ಹಸಿರು ತರಕಾರಿ ಮತ್ತು ಕ್ಯಾರೆಟ್ ಅನ್ನು ಸರಿಯಾಗಿ ಬೇಯಿಸದೇ ಮತ್ತೆ ಎರಡನೇ ಬಾರಿ ಅದನ್ನು ಬಿಸಿ ಮಾಡಿದರೆ, ಅದರಲ್ಲಿನ ಐರನ್, ಪೌಷ್ಟಿಕಾಂಶಗಳು ನಾಶವಾಗುತ್ತವೆ. ಇದರಿಂದ ನಮ್ಮ ದೇಹಕ್ಕೆ ಯಾವುದೇ ಪ್ರಯೋಜನ ಸಿಗುವುದಿಲ್ಲ. ಇದರಲ್ಲಿ ಬಿಡುಗಡೆಯಾಗುವ ಕಾರ್ಸಿನೋಜೆನಿಕ್ ಕ್ಯಾನ್ಸರ್ಗೆ ಕಾರಣವಾಗಬಹುದು. ಅಗತ್ಯವಿದ್ದರೆ, ನೀವು ಚೆನ್ನಾಗಿ ಕುದಿಸಿದ ನೀರಿನ ಪಾತ್ರೆಗೆ ತರಕಾರಿ ಹಾಕಿ, ಅದು ಬಿಸಿಯಾದ ಬಳಿಕ ಸೇವಿಸಬಹುದು.
ಮೊಟ್ಟೆಯನ್ನು ಕೂಡ ಬೇಯಿಸಿದ ತಕ್ಷಣಕ್ಕೆ ತಿನ್ನಬೇಕು. ಅದನ್ನು ಯಾವುದೇ ಕಾರಣಕ್ಕೆ ಹಾಗೇ ತುಂಬಾ ಸಮಯ ಬಿಡಬಾರದು. ತಕ್ಷಣಕ್ಕೆ ಅದನ್ನು ತಿನ್ನಲು ಸಾಧ್ಯವಾಗಲಿಲ್ಲ ಎಂದರೆ, ಅದರಲ್ಲಿನ ಪೋಷಕಾಂಶಗಳು ನಿಮಗೆ ಸಿಗುವುದಿಲ್ಲ. ಮೊಟ್ಟೆಯನ್ನು ಬೇಯಿಸಿ ಬಹಳ ಕಾಲ ಹಾಗೇ ಬಿಟ್ಟರೆ ಅದರಲ್ಲಿ ಯಥೇಚ್ಛವಾಗಿರುವ ನೈಟ್ರೋಜನ್ ಕ್ಯಾನ್ಸರ್ಕಾರಕ ಅಂಶ ಬಿಡುಗಡೆ ಮಾಡುತ್ತದೆ. ಅದೇ ರೀತಿ ಚಿಕನ್ ಅನ್ನು ಕೂಡ ಎರಡನೇ ಬಾರಿಗೆ ಬಿಸಿ ಮಾಡಿದರೆ, ಅದರಲ್ಲಿನ ಪ್ರೋಟಿನ್ ನಾಶವಾಗುತ್ತದೆ.
ಮಶ್ರೂಮ್ನಲ್ಲಿ ಕೂಡ ಯಥೇಚ್ಛವಾಗಿ ಪ್ರೋಟಿನ್ ಇದ್ದು, ಅದನ್ನು ಕೂಡ ಬೇಯಿಸಿದ ಕೂಡಲೇ ತಿನ್ನಬೇಕು. ಮಾಡಿದ ಅಡುಗೆಯನ್ನು ಸಂರಕ್ಷಿಸುವುದು ಮತ್ತು ಬಿಸಿಮಾಡುವುದು ಕೂಡ ಸರಿಯಲ್ಲ. ಈ ರೀತಿ ಮಾಡುವುದರಿಂದ ಪ್ರೊಟೀನ್ಗಳು ಹೋಗಿ ಆಕ್ಸಿಡೀಕೃತ ಸಾರಜನಕ ಮತ್ತು ಹಾನಿಕಾರಕ ಅಂಶಗಳು ಸೇರಿಕೊಳ್ಳುತ್ತವೆ. ಇದು ಜೀರ್ಣಕಾರಿ ಸಮಸ್ಯೆಗಳು ಮತ್ತು ಇತರ ಕಾಯಿಲೆಗಳಿಗೆ ಕಾರಣವಾಗಬಹುದು ಎನ್ನುತ್ತಾರೆ ಆಹಾರ ತಜ್ಞರು.
ಇದನ್ನೂ ಓದಿ: ಹಾರ್ಮೋನುಗಳ ವ್ಯತ್ಯಾಸದಿಂದ ಹಾಟ್ಫ್ಲ್ಯಾಷ್ ಅನುಭವಿಸುತ್ತೆ ದೇಹ..! ಏನಿದು ಹಾಟ್ಫ್ಲ್ಯಾಷ್?
