ಲಾಸ್ ಏಂಜಲೀಸ್: ಪರೋಕ್ಷ ಧೂಮಪಾನ ಕೂಡ ಚರ್ಮ ರೋಗಕ್ಕೆ ಕಾರಣವಾಗುತ್ತದೆ ಎಂಬ ಅಂಶ ಸಂಶೋಧನೆಯಿಂದ ಬಯಲಾಗಿದೆ. ಧೂಮಪಾನಿಗಳು ಬಿಡುವ ಹೊಗೆ ಸೇವಿಸಿದ ವ್ಯಕ್ತಿಗಳಲ್ಲಿ ಈ ಪರೋಕ್ಷ ಧೂಮಪಾನ ಅಥವಾ ಥರ್ಡ್ ಹ್ಯಾಂಡ್ ಸ್ಮೋಕ್ ಗಂಭೀರ ಪರಿಣಾಮ ಬೀರುತ್ತಿದೆ.
ಅಮೆರಿಕದ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ನಡೆಸಿದ ಸಂಶೋಧನೆಯಲ್ಲಿ ಈ ಅಂಶ ಬಯಲಾಗಿದೆ. ಧೂಮಪಾನಿಗಳು ಬಿಡುವ ಹೊಗೆ ಸೇವನೆಯಿಂದ ಡರ್ಮಟೈಟಿಸ್ ಮತ್ತು ಸೋರಿಯಾಸಿಸ್‌ನಂತಹ ಚರ್ಮ ರೋಗಗಳ ಅಪಾಯವಿದೆ. ಧೂಮಪಾನಿಗಳು ಬಿಡುವ ಹೊಗೆಗಳು ಧೂಳಿನ ಹಾನಿಕಾರಕ ಅವಶೇಷಗಳನ್ನು ಸಂಗ್ರಹಿಸುತ್ತದೆ. ಧೂಳಿನಲ್ಲಿ ಈ ಅಂಶಗಳು ಶಾಶ್ವತವಾಗಿ ಇರುತ್ತದೆ. ಈ ಧೂಳಿನ ಕಣಗಳು ಮೂರನೇ ವ್ಯಕ್ತಿ ಉಸಿರಾಡಿದಾಗ ಮೇಲಿನ ಸಮಸ್ಯೆಗಳು ಕಂಡು ಬರುತ್ತದೆ.
ಚರ್ಮ ರೋಗ ಮಾತ್ರವಲ್ಲದೇ, ಇವು ಕ್ಯಾನ್ಸರ್, ಹೃದ್ರೋಗ ಸೇರಿದಂತೆ ಗಂಭೀರ ಕಾಯಿಲೆಗೆ ಕಾರಣವಾಗಬಹುದು ಎಂದು ಸಂಶೋಧನೆ ತಿಳಿಸಿದೆ.
ಇದನ್ನೂ ಓದಿ: ಬಿಪಿಎಲ್ ಲೀಗ್ ವೇಳೆ ಮೈದಾನದಲ್ಲಿ ಸಿಗರೇಟ್ ಸೇದಿದ ಆಫ್ಘಾನ್ ಕ್ರಿಕೆಟಿಗ
