ಉದ್ದದ ಬಲಶಾಲಿ ಕೂದಲು ನಿಮ್ಮದಾಗಬೇಕೇ? ಈ ನೈಸರ್ಗಿಕ ಪದಾರ್ಥಗಳಿಂದ ಆರೈಕೆ ಮಾಡಿ ಸಾಕು!

ನೈಸರ್ಗಿಕ ವಿಧಾನಗಳನ್ನು ಬಳಸಿ ಕೂದಲಿಗೆ ಸರಳ ಆರೈಕೆ ಮಾಡುವ ಮೂಲಕ ಕೂದಲಿನ ಆರೋಗ್ಯ ಕಾಪಾಡಬಹುದಾಗಿದೆ

ಹೈದರಾಬಾದ್​: ಕೂದಲು ಉದುರುವುದು ಮತ್ತು ತೆಳ್ಳಗೆ ಆಗುವುದು ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯವಾಗಿದ್ದು, ಬಹುತೇಕರನ್ನು ಕಾಡುವ ಸಮಸ್ಯೆಯಾಗಿದೆ. ಆಧುನಿಕ ಜೀವನಶೈಲಿ, ಮಾಲಿನ್ಯ ಮತ್ತು ಕೂದಲಿನ ಆರೈಕೆ ಉತ್ಪನ್ನದಲ್ಲಿರುವ ರಾಸಾಯನಿಕಗಳು ಕೂದಲಿನ ಗುಣಮಟ್ಟ ಕಡಿಮೆಯಾಗಲು ಪ್ರಮುಖ ಕಾರಣವಾಗುತ್ತದೆ. ಇದರಿಂದ ಕೂದಲಿಗೆ ಹಾನಿಯಾಗಿ ಅದು ಉದುರುವಂತೆ ಆಗುತ್ತದೆ. ಈ ಎಲ್ಲ ಕಾರಣಗಳಿಂದಾಗಿ ಅನೇಕ ಮಹಿಳೆಯರು ನೈಸರ್ಗಿಕ ವಿಧಾನದ ಮೂಲಕ ಕೂದಲಿನ ಬೆಳವಣಿಗೆ ಮುಂದಾಗುತ್ತಾರೆ. ಈ ರೀತಿಯ ನೈಸರ್ಗಿಕ ವಿಧಾನಗಳನ್ನು ಬಳಸಿ ಕೂದಲಿಗೆ ಸರಳ ಆರೈಕೆ ಮಾಡುವ ಮೂಲಕ ಕೂದಲಿನ ಆರೋಗ್ಯ ಕಾಪಾಡಬಹುದಾಗಿದೆ

ಬೆಟ್ಟದ ನೆಲ್ಲಿಕಾಯಿ

ನೆಲ್ಲಿಕಾಯಿ: ಭಾರತೀಯರಲ್ಲಿ ಸಾಮಾನ್ಯವಾಗಿ ಆಮ್ಲಾ ಎಂದು ಜನಪ್ರಿಯವಾಗಿರುವ ಈ ವಸ್ತು, ಕೂದಲಿನ ಬೆಳವಣಿಗೆಯಲ್ಲಿ ಬಹಳ ಪ್ರಮುಖ ಪಾತ್ರ ವಹಿಸುತ್ತಿದೆ. ಇದು ಕೂದಲಿನ ಕಿರು ಚೀಲಗಳನ್ನು ಬಲಗೊಳಿಸುತ್ತದೆ. ಇದರಿಂದ ಕೂದಲು ಉದುರುವುದು ತಡೆಯಲು ಸಹಾಯ ಮಾಡುತ್ತದೆ. ಈ ಆಮ್ಲವನ್ನು ಕೂದಲಿಗೆ ವಿವಿಧ ರೀತಿಯಲ್ಲಿ ಹಾಕಬಹುದಾಗಿದ್ದು, ಜೊತೆಗೆ ಇದರ ಸೇವನೆ ಕೂಡ ಉತ್ತಮ ಪರಿಣಾಮ ಬೀರುತ್ತದೆ. ಇದರಲ್ಲಿನ ಆ್ಯಂಟಿ ಬ್ಯಾಕ್ಟಿರೀಯಾ ಅಂಶಗಳು ಕೂದಲಿನಲ್ಲಿ ಏಳುವ ಹೊಟ್ಟಿನ ಸಮಸ್ಯೆಗೆ ಮುಕ್ತಿ ನೀಡುತ್ತದೆ.

ಆಲೋವೆರಾ

ಆಲೋವೆರಾ: ಅಧಿಕ ಔಷಧ ಮತ್ತ ಪ್ರಯೋಜನ ಇರುವ ಈ ಆಲೋವೆರಾ ಚರ್ಮ ಮತ್ತು ಕೂದಲಿನ ಆರೈಕೆಗೆ ಅತ್ಯವಶ್ಯಕವಾಗಿದೆ. ಈ ಆಲೋವೆರಾದ ರಸವನ್ನು ನೇರವಾಗಿ ತಲೆ ಕೂದಲಿನ ಬುಡಕ್ಕೆ ಹೆಚ್ಚುವುದರಿಂದ ಕೂದಲನ್ನು ಬಲಶಾಲಿ ಮತ್ತು ದಡ್ಡವಾಗಿ ಮಾಡಬಹುದು. ಆಲೋವೆರಾವನ್ನು ಅನೇಕ ಸೌಂದರ್ಯ ವರ್ಷಗಳಾಗಿ ಕೂಡ ಬಳಕೆ ಮಾಡಲಾಗುವುದು. ತ್ವಚೆಯ ಮಾಶ್ಚರೈಸರ್​ ಕಾಪಾಡಲು ಇದು ಅವಶ್ಯಕವಾಗಿದೆ.

ಆಲಿವ್​ ಎಣ್ಣೆ

ಆಲಿವ್​ ಎಣ್ಣೆ: ಇದು ಕೂಡ ಕೂದಲಿಗೆ ನೈಸರ್ಗಿಕ ಕಂಡಿಷನರ್​ ಆಗಿ ಕಾರ್ಯ ನಿರ್ವಹಿಸುತ್ತದೆ. ಇದು ಒರಟು ಕೂದಲನ್ನು ಮೃದುವಾಗಿ ಮಾಡುತ್ತದೆ. ಇದು ಪೋಷಕಾಂಶದ ಆಗರವಾಗಿದ್ದು, ಕೂದಲು ಸೇರಿದಂತೆ ಒಟ್ಟಾರೆ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಆಲಿವ್​ ಎಣ್ಣೆ ರಾಸಾಯನಿಕಗಳಿಂದ ಹಾನಿಗೊಂಡ ಕೂದಲನ್ನು ರಕ್ಷಣೆ ಮಾಡುತ್ತದೆ. ಇದನ್ನು ಬುಡಕ್ಕೆ ನೇರವಾಗಿ ಹಾಕುವುದರಿಂದ ಆಲಿವ್​ ಎಣ್ಣೆ ದಟ್ಟ ಕೂದಲ ಬೆಳವಣಿಗೆಗೆ ಸಹಾಯಕಾರಿಯಾಗುತ್ತದೆ. ಇದು ಕೂದಲಿಗೆ ಮಾಶ್ಚರೈಸರ್​ ಒದಗಿಸಿ, ಮೃದುಗೊಳಿಸುತ್ತದೆ.

ತೆಂಗಿನ ಎಣ್ಣೆ

ತೆಂಗಿನ ಎಣ್ಣೆ: ತೆಂಗಿನ ಎಣ್ಣೆ ಕೂಡ ಆರೋಗ್ಯಯುತವಾಗಿದೆ. ಇದು ಕೂದಲಿನ ಪ್ರೋಟಿನ್​ ನಷ್ಟವನ್ನು ತಡೆಯುತ್ತದೆ. ಕೂದಲಿನ ಸ್ವಚ್ಚತೆಗೆ ಅರ್ಧ ಗಂಟೆ ಮುಂಚೆ ತೆಂಗಿನ ಎಣ್ಣೆಯನ್ನು ಹಚ್ಚುವುದರಿಂದ ಹೆಚ್ಚಿನ ಪ್ರಯೋಜನ ಸಿಗುತ್ತದೆ. ತೆಂಗಿನ ಎಣ್ಣೆಗೆ ಒಂದೆರಡು ನಿಂಬೆ ಹನಿಗಳನ್ನು ಹಾಕಿ ಕೂದಲಿಗೆ ಹಚ್ಚುವುದರಿಂದ ಇದು ಕೂದಲನ್ನು ಬಲಗೊಳಿಸಿ, ಉತ್ತಮ ಬೆಳವಣಿಗೆಗೆ ಸಹಾಯ ಮಾಡುತ್ತದೆ.

ಮೊಟ್ಟೆ

ಮೊಟ್ಟೆ: ಪ್ರೋಟಿನ್​ ಸಮೃದ್ಧ ಗುಣವೊಂದಿರುವ ಮೊಟ್ಟೆಯೂ ಕೂದಲಿನ ಮೃದುತ್ವಕ್ಕೆ ಹೆಚ್ಚು ಪರಿಣಾಮಕಾರಿಯಾಗಿದೆ. ಇದು ನೈಸರ್ಗಿಕವಾಗಿ ಕೂದಲಿನ ಕಂಡಿಷನರ್​ ಆಗಿ ವರ್ತಿಸುತ್ತದೆ. ವಾರದಲ್ಲಿ ಒಂದೆರಡು ದಿನ ಇದನ್ನು ಬಳಕೆ ಮಾಡುವುದರಿಂದ ಕೂದಲಿನ ವಿನ್ಯಾಸ ಮತ್ತು ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಮೊಟ್ಟೆಯನ್ನು ಹಚ್ಚಿನ ಅರ್ಧಗಂಟೆ ಬಳಿಕ ಶ್ಯಾಂಪೂವಿನಿಂದ ಕೂದಲನ್ನು ಸ್ವಚ್ಛಗೊಳಿಸಬೇಕು.

ಇದನ್ನೂ ಓದಿ: Benefits of Amla.. ಆಮ್ಲಾ ಆರೋಗ್ಯಕ್ಕೆ ಹೇಗೆ ಪ್ರಯೋಜನಕಾರಿ; ವೈದ್ಯರ ವಿವರಣೆ ಇಲ್ಲಿದೆ..