ನವದೆಹಲಿ: ಕೋವಿಡ್ ಸೋಂಕಿನ ಉಪತಳಿಗಳಾದ ಓಮ್ರಿಕಾನ್ ಸೋಂಕು ಜನರನ್ನು ಹೆಚ್ಚು ಭಾದಿಸಿದ್ದಂತೂ ಸುಳ್ಳಲ್ಲ ಬಿಡಿ. ಈ ನಡುವೆ ಋತುಮಾನದ ಸೋಂಕುಗಳು ಕೂಡ ಸಾಕಷ್ಟು ಆತಂಕ ಮೂಡಿಸಿದ್ದವು. ಈ ಸೋಂಕಿಗೆ ತುತ್ತಾದವರಲ್ಲಿ ಸಾವಿನ ಪ್ರಮಾಣದ ಕುರಿತು ಇಸ್ರೇಲ್ನಲ್ಲಿ ಅಧ್ಯಯನ ನಡೆಸಲಾಗಿದೆ. ಅದರ ಅನುಸಾರ ಕೋವಿಡ್ನ ರೂಪಾಂತರ ತಳಿಯಾದ ಓಮ್ರಿಕಾನ್ ಋತುಮಾನದ ಸೋಂಕಾದ ಇನ್ಫ್ಲುಯೆಂಜಾಗಿಂತ ಮಾರಾಣಾಂತಿಕವಾಗಿದೆ ಎಂದು ತಿಳಿದು ಬಂದಿದೆ. ಆಸ್ಪತ್ರೆಯಲ್ಲಿ ದಾಖಲಾದ ಇನ್ಫ್ಲುಯೆಂಜಾ ಸೋಂಕಿತರಿಗಿಂತ ಓಮ್ರಿಕಾನ್ ಸೋಂಕಿತರ ಸಾವಿನ ಪ್ರಮಾಣ ಅಧಿಕವಾಗಿದೆ ಎಂದು ವರದಿ ತಿಳಿಸಿದೆ. ಆದರೂ ಕೂಡ ಓಮ್ರಿಕಾನ್ ಡೆಲ್ಟಾ ಮತ್ತು ಅಲ್ಫಾ ತಳಿಗೆ ಹೋಲಿಕೆ ಮಾಡಿದಾಗ ಈ ಸೋಂಕಿತರ ಸಾವಿನ ಪ್ರಮಾಣ ಕಡಿಮೆ ಇದೆ ಎಂದು ಸಂಶೋಧನೆಯಲ್ಲಿ ತಿಳಿಸಲಾಗಿದೆ. ಈ ಸಂಬಂಧ ಇಸ್ಟೇಲ್ನ ಬೆಲಿನಿಸನ್ ಆಸ್ಪತ್ರೆಯ ರಾಬಿನ್ ಮೆಡಿಕಲ್ ಸೆಂಟರ್‌ನ ಡಾ ಅಲಾ ಆಟಮ್ನಾ ಮತ್ತು ಅವರ ಸಹೋದ್ಯೋಗಿಗಳು ಅಧ್ಯಯನ ನಡೆಸಿದ್ದಾರೆ.
18 ವರ್ಷ ಮೇಲ್ಪಟ್ಟವರ ಪರಿಣಾಮ: ಈ ಅಧ್ಯಯನದಲ್ಲಿ ಇನ್ಫ್ಲುಯೆಂಜಾ ಸೋಂಕಿನಿಂದ 18 ವರ್ಷಕ್ಕಿಂತ ದಾಖಲಾದವರು ಮತ್ತು 2021-2022ರಲ್ಲಿ ಓಮ್ರಿಕಾನ್ ಸೋಕಿನಿಂದ ದಾಖಲಾದವರ ಮೇಲೆ ಅಧ್ಯಯನ ನಡೆಸಲಾಗಿದೆ. ಈ ವೇಳೆ, ಓಮ್ರಿಕಾನ್ ಸೋಂಕಿಗೆ ತುತ್ತಾದವರ ಸಾವಿನ ಪ್ರಮಾಣ ಶೇ 55ರಷ್ಟಿದೆ ಎಂದು ತಿಳಿದು ಬಂದಿದೆ. ಈ ಮೂಲಕ ಇನ್ಫ್ಲುಯೆಂಜಾ ಸೋಂಕಿಗಿಂದ ಓಮ್ರಿಕಾನ್ ಸೋಂಕಿತರ ಸಾವಿನ ಪ್ರಮಾಣ ಹೆಚ್ಚಿದೆ ಎಂದು ತಿಳಿಸಿದ್ದಾರೆ.
ಸೋಂಕಿತರ ಸಾವಿನ ಪ್ರಮಾಣ: ಇನ್ಫ್ಲುಯೆಂಜಾ ಮತ್ತು ಕೋವಿಡ್-19 ಎರಡೂ ಸೋಂಕುಗಳು ಉಸಿರಾಟದ ವ್ಯವಸ್ಥೆ ಮೇಲೆ ಪರಿಣಾಮ ಬೀರುತ್ತದೆ. ಈ ಸಂಬಂಧ ಹೆಚ್ಚಿನ ಅಧ್ಯಯನ ನಡೆಲು ಆಸ್ಪತ್ರೆಗಳಲ್ಲಿ ದಾಖಲಾದ ರೋಗಿಗಳ ವೈದ್ಯಕೀಯ ಫಲಿತಾಂಶ ಪಡೆಯಲಾಗಿದೆ. ಈ ವೇಳೆ, ಆಸ್ಪತ್ರೆಗೆ ದಾಖಲಾದ ಸೋಂಕಿತರಲ್ಲಿ 63 ಮಂದಿ ಸಾವನ್ನಪ್ಪಿದ್ದಾರೆ. ಇದರಲ್ಲಿ ಇನ್ಫ್ಲುಯೆಂಜಾ ಸೋಂಕಿತರು 19 ಮಂದಿ ಇದ್ದರೆ, 44 ಮಂದಿ ಓಮ್ರಿಕಾನ್ ಸೋಂಕಿತರು ಆಗಿದ್ದಾರೆ
ಅನೇಕ ಸಮಸ್ಯೆಗಳು ಗೋಚರ: ಓಮ್ರಿಕಾನ್ ಸೋಂಕಿತರು ಹೆಚ್ಚಿನ ಕೊಮಾರ್ಬಿಡಿಟಿ ಸ್ಕೋರ್ ಹೊಮದಿದ್ದರು. ಇವರಿಗೆ ದೈನಂದಿನ ಚಟುವಟಿಕೆ ನಿರ್ವಹಣೆಯಲ್ಲಿ ಸಹಾಯದ ಅಗತ್ಯ ಕಂಡು ಬಂದಿದೆ. ಜೊತೆಗೆ ಇವರಲ್ಲಿ ಅಧಿಕರ ರಕ್ತದ ಒತ್ತಡ ಮತ್ತು ಮಧುಮೇಹ ಹೊಂದಿರುವ ಸಾಧ್ಯತೆ ಇದೆ. ಇನ್ನು ಇನ್ಫ್ಲುಯೆಂಜಾ ಸೋಂಕಿನಿಂದ ಆಸ್ಪತ್ರೆಗೆ ದಾಖಲಾದವರಲ್ಲಿ ಅಸ್ತಮಾ ಸಾಮಾನ್ಯವಾಗಿದೆ.
ಋತುಮಾನದ ಇನ್ಫ್ಲುಯೆಂಜಾಗಿಂತ ಓಮ್ರಿಕಾನ್ ಪ್ರಕರಣದಲ್ಲಿ ಉಸಿರಾಟದ ತೊಂದರೆ, ಆಮ್ಲಜನಕದ ಕೊರತೆ ಕಂಡು ಬಂದಿದೆ. ಓಮ್ರಿಕಾನ್ ರೋಗಿಗಳ ಸಾವಿಗೆ ಪ್ರಮುಖ ಕಾರಣವೆಂದರೆ, ಅವರಲ್ಲಿ ಮಧುಮೇಹ ಮತ್ತು ದೀರ್ಘಕಾಲದ ಮೂತ್ರಪಿಂಡ ಕಾಯಿಲೆಯಂತಹ ಪ್ರಮುಖ ರೋಗಗಳು ಕಂಡು ಬಂದಿದ್ದು, ಅವರ ವಯಸ್ಸು ಕೂಡ ಪ್ರಮುಖ ಪಾತ್ರವಹಿಸಿದೆ ಎಂದು ವೈದ್ಯರಾದ ಆಟಮ್ನಾ ತಿಳಿಸಿದ್ದಾರೆ.
ಇದನ್ನೂ ಓದಿ: ವಾಯುಮಾಲಿನ್ಯಕ್ಕೆ ತುತ್ತಾದವರ ಮೇಲೆ ಕೋವಿಡ್ ಲಸಿಕೆ ಹೆಚ್ಚು ಪರಿಣಾಮ ಬೀರದು: ಅಧ್ಯಯನ
