ವಾಷಿಂಗ್ಟನ್: ರಷ್ಯಾದ ಬಾವಲಿಗಳಲ್ಲಿ ಹೊಸ SARS-COV-2 ತರಹದ ವೈರಸ್ ಪತ್ತೆಯಾಗಿದೆ. ಇದು ಮನುಷ್ಯರಿಗೆ ತಗಲುವ ಸಾಧ್ಯತೆ ಇದ್ದು, ಪ್ರಸ್ತುತ ಇರುವ ಕೋವಿಡ್ -19 ಲಸಿಕೆಗಳು ಇದರ ವಿರುದ್ಧ ಹೋರಾಡುವ ಶಕ್ತಿ ಹೊಂದಿಲ್ಲ ಎಂದು ಅಧ್ಯಯನವೊಂದು ತಿಳಿಸಿದೆ. ಅಮೆರಿಕ ವಾಷಿಂಗ್ಟನ್ ಸ್ಟೇಟ್ ಯೂನಿವರ್ಸಿಟಿ (ಡಬ್ಲ್ಯುಎಸ್ಯು) ಯ ಸಂಶೋಧಕರ ತಂಡವು ಖೋಸ್ಟಾ -2 ಹೆಸರಿನ ಬ್ಯಾಟ್ ವೈರಸ್ನಿಂದ ಸ್ಪೈಕ್ ಪ್ರೋಟೀನ್ಗಳನ್ನು ಕಂಡು ಹಿಡಿದಿದೆ.
ಈ ವೈರಸ್ ಮನುಷ್ಯರ ಜೀವಕೋಶಗಳಿಗೆ ಪ್ರವೇಶಿಸಲು ಮತ್ತು ಸೋಂಕು ಹರಡಲು ಸ್ಪೈಕ್ ಪ್ರೋಟೀನ್ನನ್ನು ಬಳಸುತ್ತದೆ. ಖೋಸ್ಟಾ -2 ಮತ್ತು ಸಾರ್ಸ್-ಕೋವ್ -2 ಎರಡೂ ಸರ್ಬೆಕೋವೈರಸ್ ಎಂದು ಕರೆಯಲ್ಪಡುವ ಕೊರೊನಾ ವೈರಸ್ಗಳ ಒಂದೇ ಉಪ-ವರ್ಗಕ್ಕೆ ಸೇರಿವೆ.
ಲಸಿಕಾ ಅಭಿಯಾನ ಅಗತ್ಯ: ನಮ್ಮ ಸಂಶೋಧನೆಯು ಏಷ್ಯಾದ ಹೊರಗಿನ ವನ್ಯಜೀವಿಗಳಲ್ಲಿ ಹಬ್ಬುತ್ತಿರುವ ಸರ್ಬೆಕೋವೈರಸ್, ಖೋಸ್ಟಾ -2 ವೈರಸ್ ಕಂಡುಬಂದ ಪಶ್ಚಿಮ ರಷ್ಯಾದಂತಹ ಸ್ಥಳಗಳಲ್ಲಿಯೂ ನಡೆಯುತ್ತಿದೆ. ಇದು ಜಾಗತಿಕ ಆರೋಗ್ಯಕ್ಕೆ ಅಪಾಯವನ್ನು ಉಂಟುಮಾಡಬಹುದು. ಅಲ್ಲದೇ SARS-COV-2 ವಿರುದ್ಧ ನಡೆಯುತ್ತಿರುವ ಲಸಿಕೆ ಅಭಿಯಾನಕ್ಕೆ ಸಹ ಕಾರಣವಾಗಿದೆ ಎಂದು ಮೈಕೆಲ್ ಲೆಟ್ಕೊ ಹೇಳಿದರು.
ಲಸಿಕೆ ಅಭಿವೃದ್ಧಿ ಅವಶ್ಯಕ: PLOS ಜರ್ನಲ್‌ನಲ್ಲಿ ಪ್ರಕಟವಾದ ಈ ಶೋಧನೆಯು, ಸರ್ಬೆಕೋವೈರಸ್ನಿಂದ ರಕ್ಷಿಸಿಕೊಳ್ಳಲು ಸಾರ್ವತ್ರಿಕ ಲಸಿಕೆಯನ್ನು ಅಭಿವೃದ್ಧಿಪಡಿಸುವ ಅಗತ್ಯ ಎತ್ತಿ ತೋರಿಸುತ್ತದೆ. ಕೆಲವರು ಲಸಿಕೆಯನ್ನು ಕಂಡು ಹಿಡಿಯುತ್ತಿದ್ದಾರೆ. ಅದು ಕೇವಲ SARS-2 ನ ಮುಂದಿನ ರೂಪಾಂತರದಿಂದ ರಕ್ಷಿಸುವುದಲ್ಲದೇ, ಸರ್ಬೆಕೋವೈರಸ್ನಿಂದಲೂ ನಮ್ಮನ್ನು ರಕ್ಷಿಸುತ್ತದೆ ಎಂದು ಲೆಟ್ಕೊ ಹೇಳಿದರು.
ಇದನ್ನೂ ಓದಿ: ಇಮ್ಯುನೊ ಡಿಫಿಷಿಯನ್ಸಿ ಕಾಯಿಲೆ ಇರುವ ಮಕ್ಕಳು ಕೋವಿಡ್‌ನಿಂದ ಹೆಚ್ಚು ಅಪಾಯ
ದುರಾದೃಷ್ಟವೆಂದರೇ, ಪ್ರಸ್ತುತ ಅನೇಕ ಲಸಿಕೆಗಳನ್ನು ನಿರ್ದಿಷ್ಟ ವೈರಸ್‌ಗಳಿಗೆ ಮಾತ್ರ ವಿನ್ಯಾಸಗೊಳಿಸಲಾಗಿದೆ. ಇದು ಮನುಷ್ಯರಿಗೆ ಸೋಂಕು ತಗುಲುವ ದೊಡ್ಡ ಅಪಾಯವನ್ನು ಉಂಟುಮಾಡುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ನೂರಾರು ಸರ್ಬೆಕೊವೈರಸ್ಗಳು ಪತ್ತೆಯಾಗಿವೆ. ಪ್ರಮುಖವಾಗಿ ಏಷ್ಯಾದ ಬಾವಲಿಗಳಲ್ಲಿ, ಬಹುಪಾಲು ವೈರಸ್ಗಳು ಮನುಷ್ಯರಿಗೆ ಸೋಂಕು ತಗುಲಿಸುವ ಸಾಮರ್ಥ್ಯ ಹೊಂದಿಲ್ಲ. 2020 ರ ಉತ್ತರಾರ್ಧದಲ್ಲಿ ರಷ್ಯಾದ ಬಾವಲಿಗಳಲ್ಲಿ ಖೋಸ್ಟಾ -1 ಮತ್ತು ಖೋಸ್ಟಾ -2 ವೈರಸ್ಗಳು ಪತ್ತೆಯಾಗಿವೆ.
ಖೋಸ್ಟಾ 2 ದಿಂದ ಅಪಾಯ ಹೆಚ್ಚು: ಖೋಸ್ಟಾ -1 ಮನುಷ್ಯರಿಗೆ ಕಡಿಮೆ ಅಪಾಯವನ್ನುಂಟು ಮಾಡಿದೆ ಎಂದು ಸಂಶೋಧಕರು ಹೇಳುತ್ತಾರೆ. ಆದರೆ ಖೋಸ್ಟಾ -2 ದಿಂದ ಕೆಲವರು ತೊಂದರೆಗೊಳಗಾಗಿದ್ದಾರೆ. SARS-COV-2 ನಂತೆ, ಖೋಸ್ಟಾ -2 ತನ್ನ ಸ್ಪೈಕ್ ಪ್ರೋಟೀನ್ ಅನ್ನು ಜೀವಕೋಶಗಳಿಗೆ ಸೋಂಕು ತಗುಲಿಸಲು ಬಳಸಬಹುದು. ಪ್ರಸ್ತುತ ಲಸಿಕೆಗಳು ಹೊಸ ವೈರಸ್ನಿಂದ ರಕ್ಷಿಸುತ್ತವೆಯೇ ಎಂದು ನಿರ್ಧರಿಸಲು ತಂಡವು ಮುಂದಾಗಿದೆ. ಕೋವಿಡ್ -19 ಗಾಗಿ ಲಸಿಕೆ ಹಾಕಿಸಿಕೊಂಡ ಜನರ ರಕ್ತದ ಮಾದರಿ ತೆಗೆದುಕೊಂಡು ಪರೀಕ್ಷಿಸಿದಾಗ, ಇದು ಖೋಸ್ಟಾ -2 ಅನ್ನು ತಡೆಯುವುದಿಲ್ಲ ಎಂಬುದನ್ನು ಸಂಶೋಧಕರು ಕಂಡುಕೊಂಡಿದ್ದಾರೆ.
ಖೋಸ್ಟಾ -2 ಎಸ್‌ಎಆರ್‌ಎಸ್-ಕೋವ್ -2 ನಂತಹ ಎರಡನೇ ವೈರಸ್‌ನೊಂದಿಗೆ ಮರುಸಂಯೋಜನೆ ಆಗುವ ಅಪಾಯವಿದೆ. SARS-2 ಮನುಷ್ಯರಿಂದ ವನ್ಯಜೀವಿಗಳಿಗೆ ಹಬ್ಬುವ ಸಾಮರ್ಥ್ಯವನ್ನು ಹೊಂದಿದೆ.
