ಜಿನೀವಾ: ಜಗತ್ತಿನಾದ್ಯಂತ ಮೂರನೇ ಒಂದರಷ್ಟು ಮಹಿಳೆಯರು ಪ್ರಸವದ ಬಳಿಕ ಖಿನ್ನತೆ, ಬೆನ್ನು ನೋವಿನಂತಹ ದೀರ್ಘಕಾಲದ ಆರೋಗ್ಯ ಸಮಸ್ಯೆ ಎದುರಿಸುತ್ತಿದ್ದಾರೆ ಎಂದು ಅಧ್ಯಯನ ತಿಳಿಸಿದೆ. ದಿ ಲ್ಯಾನ್ಸೆಟ್ ಗ್ಲೋಬಲ್ ಹೆಲ್ತ್ನಲ್ಲಿ ಪ್ರಕಟವಾದ ಅಧ್ಯಯನ ಅನುಸಾರ, ಮಗು ಜನಸಿದ ಬಳಿಕ ಪ್ರಸವ ಪೂರ್ವ ಸಮಸ್ಯೆಯಿಂದ ಮಹಿಳೆ ತಿಂಗಳು ಅಥವಾ ವರ್ಷಾಗಟ್ಟಲೇ ಬಳಲುತ್ತಾಳೆ. ಪ್ರತಿ ವರ್ಷ ಈ ರೀತಿ ಪರಿಸ್ಥಿತಿಯಿಂದ 40 ಮಿಲಿಯನ್ ಮಹಿಳೆಯರು ತೊಂದರೆಗೆ ಒಳಗಾಗುತ್ತಿದ್ದಾರೆ.
ಪ್ರಸವದ ಬಳಿಕ ಬೆನ್ನು ನೋವಿನಿಂದ ಶೇ 32ರಷ್ಟು, ಅಸಂಯಮದಿಂದ ಶೇ 19ರಷ್ಟು, ಮೂತ್ರದ ಅಸಂಯಮದಿಂದ ಶೇ 8-31ರಷ್ಟು, ಆತಂಕದಿಂದ ಶೇ 9ರಿಂದ 24ರಷ್ಟು, ಖಿನ್ನತೆಯಿಂದ ಶೇ 11ರಿಂದ 17ರಷ್ಟು, ಪೆರಿನಲ್ ನೋವಿನಿಂದ ಶೇ 11ರಷ್ಟು, ಮಗು ಜನನದ ಭಯ (ಟೊಕೊಫೋಬಿಯಾ)ದಿಂದ ಶೇ 6ರಿಂದ 15ರಷ್ಟು ಮತ್ತು ಎರಡನೇ ಬಂಜೆತನದಿಂದ ಶೇ 11ರಷ್ಟು ತಾಯಂದಿರು ಸಮಸ್ಯೆ ಅನುಭವಿಸುತ್ತಾರೆ.
ಅನೇಕ ಮಹಿಳೆಯರು ಪ್ರಸವದ ಬಳಿಕ ತಮ್ಮ ದೈನಂದಿನ ಜೀವನದಲ್ಲಿ ಭಾವನಾತ್ಮಕವಾಗಿ ಮತ್ತು ದೈಹಿಕವಾಗಿ ಬಳಲಿಕೆಯನ್ನು ಹೊಂದುತ್ತಾರೆ. ಆದರೂ ಅವುಗಳು ಹೆಚ್ಚಾಗಿ ಕಡಿಮೆ ಮೌಲ್ಯಯುತವಾಗಿವೆ, ಕಡಿಮೆ ಗುರುತಿಸಲ್ಪಟ್ಟಿದ್ದು, ಕಡಿಮೆ ವರದಿಯಾಗಿವೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಸೆಕ್ಸುಯಲ್ ಅಂಡ್ ರಿಪ್ರೊಡಕ್ಟಿವಿಟಿ ಹೆಲ್ತ್ ಅಂಡ್ ರಿಸರ್ಚ್ನ ಡಾ ಪಸಕ್ಯಾಲ್ ಅಲೊಟೆ ತಿಳಿಸಿದ್ದಾರೆ.
ತಾಯ್ತನದ ಹೊರತಾಗಿ ಮಹಿಳೆಯರು ತಮ್ಮ ಆರೋಗ್ಯ ಕಾಳಜಿ ಪೂರೈಸುವ ಮತ್ತು ಅಗತ್ಯ ರಕ್ಷಣೆ ಪಡೆಯುವ ಹಲವು ಸೇವೆಗಳನ್ನು ಪಡೆಯುತ್ತಾರೆ. ಹೆರಿಗೆಯಿಂದ ಬದುಕುಳಿಯುವುದು ಮಾತ್ರವಲ್ಲದೇ ಉತ್ತಮ ಆರೋಗ್ಯ ಮತ್ತು ಜೀವನದ ಗುಣಮಟ್ಟವನ್ನು ಆನಂದಿಸಬಹುದು ಎಂದಿದ್ದಾರೆ.
ಈ ಅಧ್ಯಯನ 12 ವರ್ಷಗಳ ಕಾಲ ಅಧ್ಯಯನ ನಡೆಸಿದ ವಿಮರ್ಶೆಯನ್ನು ಹೊಂದಿದೆ. ವಿಶ್ಲೇಷಿಸಿದ 32 ಆದ್ಯತೆಯ ಪರಿಸ್ಥಿತಿಗಳಲ್ಲಿ ಶೇ 40ರಷ್ಟು ಪರಿಣಾಮಕಾರಿ ಚಿಕಿತ್ಸೆಯನ್ನು ಬೆಂಬಲಿಸಲು ಯಾವುದೇ ಇತ್ತೀಚಿನ ಉನ್ನತ ಗುಣಮಟ್ಟದ ಮಾರ್ಗಸೂಚಿಗಳಿಲ್ಲ ಎಂದು ತೋರಿಸಿದೆ.
ಅಧ್ಯಯನವು ಮಹಿಳೆಯರು ಮತ್ತು ಯುವತಿಯರಿಗೆ ಗರ್ಭಾವಸ್ಥೆಗೆ ಮುನ್ನ ದೀರ್ಘಕಾಲದ ಆರೋಗ್ಯದ ಅವಶ್ಯಕತೆ ಬೇಕಿದೆ ಎಂದಿದ್ದಾರೆ. ಅವರ ಸಾಮಾನ್ಯ ಸಮಸ್ಯೆಗಳನ್ನು ಆರೋಗ್ಯ ಸೇವೆಗಳ ಮೂಲಕ ಗುರುತಿಸುವುದಕ್ಕೆ ಇದೇ ವೇಳೆ ಕರೆ ನೀಡಿದ್ದಾರೆ. ಇವುಗಳಲ್ಲಿ ಹೆಚ್ಚಿನವೂ ಪ್ರಸವ ಪೂರ್ವ ಸೇವೆ ಪ್ರದೇಶವನ್ನು ಮೀರಿ ಸಂಭವಿಸುತ್ತದೆ ಎಂದಿದ್ದಾರೆ.
ಗರ್ಭಾವಸ್ಥೆ ಮತ್ತು ಪ್ರಸವದ ಬಳಿಕ ಅವರಿಗೆ ಉತ್ತಮ ಆರೈಕೆ ನೀಡುವ ಮೂಲಕ ಸಮಸ್ಯೆಗಳನ್ನು ತಡೆಗಟ್ಟುವ ನಿರ್ಣಾಯಕ ಅಂಶವಾಗಿದೆ. ಅಲ್ಲದೇ ಇದು ಅಪಾಯ ತಪ್ಪಿಸಲು ಮತ್ತು ಪ್ರಸವದ ಬಳಿಕ ಕಾಡುವ ಸಮಸ್ಯೆ ನಿವಾರಣೆಗೆ ಸಹಾಯ ಮಾಡುತ್ತದೆ ಎಂದಿದ್ದಾರೆ
ಅಮೆರಿಕದಲ್ಲಿ ಸುಮಾರು 100,000 ಜನರ ಮೇಲೆ ಪರಿಣಾಮ ಬೀರುವ ಆನುವಂಶಿಕ ರಕ್ತದ ಅಸ್ವಸ್ಥತೆಗಳ ಗುಂಪಾಗಿದೆ. ಇದು ಆಫ್ರಿಕನ್ ಅಮೆರಿಕನ್ನರಲ್ಲಿ ಹೆಚ್ಚು ಸಾಮಾನ್ಯವಾಗಿದೆ ಮತ್ತು ಕಡಿಮೆ ಪ್ರಚಲಿತದಲ್ಲಿರುವಾಗ, ಎಫ್ಡಿಎ ಪ್ರಕಾರ ಹಿಸ್ಪಾನಿಕ್ ಅಮೆರಿಕನ್ನರ ಮೇಲೆ ಪರಿಣಾಮ ಬೀರುತ್ತದೆ. ಕುಡಗೋಲು ಕಣ ಕಾಯಿಲೆಯ ಪ್ರಾಥಮಿಕ ಸಮಸ್ಯೆ ಹಿಮೋಗ್ಲೋಬಿನ್‌ನಲ್ಲಿನ ರೂಪಾಂತರವಾಗಿದೆ. (ಐಎಎನ್ಎಸ್)
ಇದನ್ನೂ ಓದಿ: ಗರ್ಭಾವಸ್ಥೆಯ ಊರಿಯೂತ ಮಕ್ಕಳಲ್ಲಿ ಆತಂಕ, ಖಿನ್ನತೆಗೆ ಕಾರಣವಾಗಬಹುದು: ಅಧ್ಯಯನ
