ವಾಷಿಂಗ್ಟನ್: ಇಂದು ಹದಿ ಹರೆಯದ ಮಕ್ಕಳ ಅತಿ ಹೆಚ್ಚು ಕಾಲವನ್ನು ಸ್ಮಾರ್ಟ್ಫೋನ್ನೊಂದಿಗೆ ಕಳೆಯುತ್ತಿದ್ದಾರೆ. ಈ ವೇಳೆ ಅವರು ಕೂರುವ ಭಂಗಿಯಿಂದ ಬೆನ್ನು ನೋವು ಮತ್ತಿತರ ಸಮಸ್ಯೆಗೆ ಗುರಿಯಾಗಬಹುದು ಎಂದು ಅಧ್ಯಯನವೊಂದು ತಿಳಿಸಿದೆ. ಎಫ್ಎಪಿಇಎಸ್ಪಿ ಧನ ಸಹಾಯದಿಂದ ಈ ಅಧ್ಯಯನ ನಡೆಸಲಾಗಿದೆ. ಈ ಕುರಿತು ಸೈಂಟಿಫಿಕ್ ಜರ್ನಲ್ ಹೆಲ್ತ್ಕೇರ್ನಲ್ಲಿ ಪ್ರಕಟವಾಗಿದೆ. ಮೊಬೈಲ್ ವೀಕ್ಷಣೆಯ ಭಂಗಿ ಬೆನ್ನು ಮೂಳೆ ಅಪಾಯಕ್ಕೆ ಗುರಿ ಮಾಡುತ್ತದೆ. ಉದಾಹರಣೆಗೆ ದಿನಕ್ಕೆ ಮೂರು ಗಂಟೆಗಳಿಗಿಂತ ಹೆಚ್ಚು ಕಾಲ ಸ್ಮಾರ್ಟ್ ವೀಕ್ಷಣೆ ಮಾಡುವುದರಿಂದ ಕಣ್ಣುಗಳು ಮತ್ತು ಮಲಗುವ ಭಂಗಿ ಮೇಲೆ ಪರಿಣಾಮ ಬೀರುತ್ತದೆ.
ಎದೆಗೂಡಿನ ಬೆನ್ನು ಹುರಿ ನೋವಿನ (ಟಿಎಸ್ಸಿ) ಮೇಲೆ ಈ ಅಧ್ಯಯನ ಗುರಿಯಾಗಿಸಲಾಗಿದೆ. ಈ ಎದೆಗೂಡಿನ ಬೆನ್ನು ಹುರಿ ಎದೆಯ ಹಿಂದೆ ಇರುತ್ತದೆ. ಇದು ಭಜದ ಮೂಳೆ ಮತ್ತು ಕತ್ತಿನ ಕೆಳಗಿನಿಂದ ಸೊಂಟದ ಬೆನ್ನುಮೂಳೆಯ ಆರಂಭದವರೆಗೆ ವಿಸ್ತರಿಸುತ್ತದೆ. ಈ ಅಧ್ಯಯನಕ್ಕಾಗಿ ಸಾವೊ ಪಾಲೊ ರಾಜ್ಯದ ಮಧ್ಯ ವಯಸ್ಸಿನ ಮಕ್ಕಳ ಮೇಲೆ ಅಂದರೆ 14 ರಿಂದ 18 ವರ್ಷದವರನ್ನು ಅಧ್ಯಯನಕ್ಕೆ ಒಳಪಡಿಸಲಾಗಿದೆ. ಸುಮಾರು 1,628 ಮಕ್ಕಳು ಈ ಅಧ್ಯಯನದಲ್ಲಿ ಭಾಗಿಯಾಗಿದ್ದು, 2018ರಲ್ಲಿ 1,393 ಮಂದಿ ಪ್ರಶ್ನಾವಳಿಗಳನ್ನು ಪೂರ್ಣ ಮಾಡಿದ್ದಾರೆ. ವಿಶ್ಲೇಷಣೆಯಲ್ಲಿ ಒಂದು ವರ್ಷ ಶೇ 38.4ರಷ್ಟು ಹರಡುವಿಕೆ ಮತ್ತು ಒಂದು ವರ್ಷ 10.1ರಷ್ಟು ಘಟನೆಗಳಲ್ಲಿ ಭಾರ ಗಣನೆಗೆ ಬಂದಿದೆ. ಅದರಲ್ಲೂ ಹುಡುಗರಿಗಿಂತ ಹುಡುಗಿಯರು ಹೆಚ್ಚು ಪರಿಣಾಮಕ್ಕೆ ಗುರಿಯಾಗಿದ್ದಾರೆ.
ಅಪಾಯದ ಅಂಶ: ಜಗತ್ತಿನಾದ್ಯಂತ ಟಿಎಸ್ಬಿ ಎಂಬುದು ವಿಭಿನ್ನ ವಯೋಮಾನದ ಗುಂಪಿನವರಿಗೆ ಸಾಮಾನ್ಯವಾಗಿದೆ. ಇದು ವಯಸ್ಕರಲ್ಲಿ ಶೇ 15ರಿಂದ 35 ರಷ್ಟು ಹರಡಿದರೆ ಮಕ್ಕಳು ಮತ್ತು ಹದಿ ಹರೆಯದವರಲ್ಲಿ ಶೇ 13ರಿಂದ 35ರಷ್ಟು ಹರಡುತ್ತದೆ. ಕೋವಿಡ್ ಸಮಯದಲ್ಲಿ ಹೆಚ್ಚಿನ ಎಲೆಕ್ಟ್ರಾನಿಕ್ ಸಾಧನಗಳ ಬಳಕೆ ಈ ಸಮಸ್ಯೆಯನ್ನು ಹೆಚ್ಚಿಸಿದೆ. ಟಿಎಸ್ಪಿ ದೈಹಿಕ, ಶಾರೀರಿಕ, ಮಾನಸಿಕ ಮತ್ತು ನಡವಳಿಕೆ ಅಪಾಯ ಹೊಂದಿದೆ. ಬೆನ್ನುಮೂಳೆಯ ಆರೋಗ್ಯದ ಮೇಲೆ ದೈಹಿಕ ಚಟುವಟಿಕೆ, ಕುಳಿತುಕೊಳ್ಳುವ ಅಭ್ಯಾಸಗಳು ಮತ್ತು ಮಾನಸಿಕ ಅಸ್ವಸ್ಥತೆಗಳ ಪರಿಣಾಮ ಹೊಂದಿದೆ.
ಶಾಲಾ ವಿದ್ಯಾರ್ಥಿಗಳು, ಶಿಕ್ಷಕರು, ಸಿಬ್ಬಂದಿ ಮತ್ತು ಪೋಷಕರೊಂದಿಗೆ ಈ ಅಧ್ಯಯನವನ್ನು ಬಳಸಿಕೊಂಡು ಮಾಹಿತಿ ನೀಡಬಹುದು ಎಂದು ಅಧ್ಯಯನದ ಪ್ರಮುಖ ಲೇಖಕರಾಗಿರುವ ಅಲ್ಬರ್ಟೊ ಡೆ ವಿಟ್ಟಾ ತಿಳಿಸಿದ್ದಾರೆ. ಮಕ್ಕಳ ಆರೋಗ್ಯ ಶಿಕ್ಷಣ ಸೇರಿದಂತೆ ವೈಯಕ್ತಿಕ ಮತ್ತು ಸಾಮೂದಾಯಿಕ ಆರೋಗ್ಯದ ಅಪಾಯಗಳನ್ನು ಗುರುತಿಸುವಲ್ಲಿ ಶಾಲೆಗಳ ಪಾತ್ರವೂ ಮುಖ್ಯವಾಗುತ್ತದೆ. ಈ ಹಿನ್ನೆಲೆ ಆರೋಗ್ಯ ಕಾಳಜಿ ಅಭ್ಯಾಸಗಳನ್ನು ರೂಢಿಸಿಕೊಳ್ಳುವುದು ಅವಶ್ಯ ಎಂದು ಸಲಹೆ ನೀಡಲಾಗಿದೆ.
ಪ್ರೌಢಶಾಲಾ ವಿದ್ಯಾರ್ಥಿಗಳಲ್ಲಿ ಟಿಎಸ್ಪಿ ಅಪಾಯಕಾರಿ ಅಂಶಗಳ ಕುರಿತು ಮಾಹಿತಿ ನೀಡುವುದು ಮುಖ್ಯವಾಗಿದೆ ಏಕೆಂದರೆ ಬೆನ್ನುನೋವಿನೊಂದಿಗೆ ಮಕ್ಕಳು ಮತ್ತು ಹದಿಹರೆಯದವರು ಹೆಚ್ಚು ನಿಷ್ಕ್ರಿಯರಾಗಿದ್ದಾರೆ. ಇದರಿಂದ ಅವರ ಶೈಕ್ಷಣಿಕ ಪ್ರಗತಿ ಕುಂಠಿತವಾಗುತ್ತಿದ್ದು, ಮಾನಸಿಕ ಸಮಸ್ಯೆ ಹೆಚ್ಚುತ್ತಿದೆ. ಇನ್ನು ಈ ಅಧ್ಯಯನದಲ್ಲಿ ಬೆನ್ನು ಮತ್ತು ಕುತ್ತಿಗೆ ನೋವಿಗಿಂತ ಟಿಎಸ್ಪಿ ಅಧ್ಯಯನಗಳನ್ನು ನಡೆಸಲಾಗಿದೆ.
ಇದನ್ನೂ ಓದಿ: ಮಕ್ಕಳ ವಿಷಯದಲ್ಲಿ ತುಂಬಾ ಕಟ್ಟುನಿಟ್ಟಾಗಬೇಡಿ; ಮಗುವಿನ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರತ್ತೆ
