ವಾಷಿಂಗ್ಟನ್: ಟೈಪ್ 2 ಡಯಾಬೀಟಿಸ್ ಹೊಂದಿರುವವರು ಪ್ಲಸೆಬೊ ಪಾನೀಯಗಿಂತ ಅದೇ ರೀತಿಯ ಹುದುಗಿಸಿದ ಟೀ ಆದ ಕೊಂಬುಚಾ ಪಾನೀಯವನ್ನು ನಾಲ್ಕು ವಾರಗಳ ಕಾಲ ಸೇವನೆ ಮಾಡುವುದರಿಂದ ಅವರ ರಕ್ತದ ಗ್ಲುಕೋಸ್ ಮಟ್ಟ ಶೀಘ್ರವಾಗಿ ಕಡಿಮೆಯಾಗಿರುವುದು ಕಂಡು ಬಂದಿದೆ ಎಂದು ಅಧ್ಯಯನ ತಿಳಿಸಿದೆ. ಈ ಸಂಬಂಧ ಜಾರ್ಜ್ಟೌನ್ ಯುನಿವರ್ಸಿಟಿ ಸ್ಕೂಲ್ ಆಫ್ ಹೆಲ್ತ್, ನೆಬ್ರಶ್ಕಾ-ಲಿನ್ಕಾಯಿನ್ ಮತ್ತು ಮೆಡ್ಸ್ಟಾರ್ ಹೆಲ್ತ್ ಸಂಶೋಧಕರು ಕ್ಲಿನಿಕಲ್ ಟ್ರಯಲ್ ಅನ್ನು ನಡೆಸಿದ್ದಾರೆ.
ಈ ಸಂಬಂಧ 12 ಮಂದಿಯ ಪೈಲಟ್ ಅಧ್ಯಯನ ನಡೆಸಲಾಗಿದ್ದು, ಈ ಅಧ್ಯಯನವೂ ಮಧುಮೇಹಿಗಳಲ್ಲಿ ಕಡಿಮೆ ರಕ್ತದ ಸಕ್ಕರೆ ಮಟ್ಟದಲ್ಲಿ ಪೋಷಕಾಂಶದ ಮಧ್ಯಂತರವನ್ನು ತಿಳಿಸಿದೆ. ಈ ಅಧ್ಯಯನವನ್ನು ಪ್ರಾಂಟಿರಿಯರ್ಸ್ ಇನ್ ನ್ಯೂಟ್ರಿಷನ್ನಲ್ಲಿ ತಿಳಿಸಲಾಗಿದೆ.
ಕೊಂಬುಚಾ ಎಂಬುದು ಬ್ಯಾಕ್ಟೀರಿಯಾ ಮತ್ತು ಯೀಸ್ಟ್ಗಳಿಂದ ಹುದುಗಿಸಿದ ಟೀ ಆಗಿದ್ದು, ಇದನ್ನು ಕ್ರಿ ಪೂ 200ರಲ್ಲಿ ಸೇವಿಸಲಾಗುತ್ತಿತ್ತು. 1990ರ ವರೆಗೆ ಅಮೆರಿಕದಲ್ಲಿ ಇದು ಪ್ರಖ್ಯಾತಿಗೊಳ್ಳಲಿಲ್ಲ. ಇದು ರೋಗ ನಿರೋಧಕ ಶಕ್ತಿಯನ್ನು ಅಭಿವೃದ್ಧಿಪಡಿಸುತ್ತದೆ. ಜೊತೆಗೆ ಆಹಾರ ಸೇವಿಸುವ ಬಯಕೆಯನ್ನು ಮತ್ತು ಊರಿಯುತವನ್ನು ಕಡಿಮೆ ಮಾಡುತ್ತದೆ. ಆದರೆ, ಇದಕ್ಕೆ ಸಂಬಂಧಿಸಿದ ಸಾಕ್ಷ್ಯಾಧಾರಗಳು ಸೀಮಿತವಾಗಿದೆ.
ಕೆಲವು ಪ್ರಯೋಗಾಲಯಗಳು ಮತ್ತು ರೊಡೆಂಟ್ ಅಧ್ಯಯನಗಳಲ್ಲಿ ಕೊಂಬುಚಾ ಭರವಸೆಯನ್ನು ಮೂಡಿಸಿದೆ. ಮಧುಮೇಹ ಹೊಂದಿರದ ಜನರಲ್ಲಿ ಈ ಕೊಂಬುಚು ರಕ್ತದ ಸಕ್ಕರೆ ಅಂಶವನ್ನು ಕಡಿಮೆ ಮಾಡಿರುವ ಕುರಿತು ಸಣ್ಣ ಅಧ್ಯಯನ ನಡೆಸಲಾಗಿದೆ. ಆದರೆ ಇದೇ ಮೊದಲ ಬಾರಿಗೆ ಮಧುಮೇಹಿಗಳಲ್ಲಿ ಕೊಂಬುಚು ಪರಿಣಾಮ ಕುರಿತು ಮೊದಲ ಕ್ಲಿನಿಕಲ್ ಟ್ರಯಲ್ ನಡೆಸಲಾಗಿದೆ ಎಂದು ಅಧ್ಯಯನಕಾರರಾದ ಡಾನ್ ಮೆರೆಂಸ್ಟೈನ್ ತಿಳಿಸಿದ್ದಾರೆ. ಈ ಅಧ್ಯಯನ ಕುರಿತು ಹೆಚ್ಚಿನ ಭರವಸೆದಾಯಕ ಅಧ್ಯಯನ ನಡೆಸಬೇಕಿದೆ ಎಂದಿದ್ದಾರೆ.
ನಮ್ಮ ಅಧ್ಯಯನದಲ್ಲಿ ಭಾಗಿದಾರರಿಗೆ ಏನನ್ನು ತಿನ್ನಬೇಕು ಎಂದು ಹೇಳುವುದಿಲ್ಲ. ನಾವು ಕ್ರಾಸ್ಓವರ್ ವಿನ್ಯಾಸ ಮಾಡಿದ್ದು, ವ್ಯಕ್ತಿಗಳ ಡಯಟ್ನಲ್ಲಿನ ವಿಭಿನ್ನತೆ ಪರಿಣಾಮವನ್ನು ಮಿತಿ ಮಾಡಿದೆವು. ಈ ಕ್ರಾಸ್ಓವರ್ ವಿನ್ಯಾಸದಲ್ಲಿ ಒಂದು ಗುಂಪು ನಾಲ್ಕು ವಾರಗಳ ಕಾಲ ಪ್ರತಿ ನಿತ್ಯ ಕೊಂಬುಚುವನ್ನು ಸೇವಿಸಿದರೆ, ಮತ್ತೊಂದು ಗುಂಪು ಪ್ಲೇಸ್ಬೊ ಸೇವನೆ ಮಾಡಿದ್ದಾರೆ. ಎರಡು ತಿಂಗಳ ಬಳಿಕ ಈ ಪಾನೀಯಗಳ ದೈಹಿಕ ಪರಿಣಾಮವನ್ನು ಗಮನಿಸಲಾಗಿದೆ. ಈ ವೇಳೆ ಕೊಂಬುಚ ರಕ್ತದ ಗ್ಲುಕೋಸ್ ಮಟ್ಟವನ್ನು ಕಡಿಮೆ ಮಾಡಿದೆ. ಇದೇ ವೇಳೆ ಪ್ಲೆಸೆಬೊ ಅಂತಹ ಗಮನಾರ್ಹ ಬದಲಾವಣೆ ಮಾಡದಿರುವುದು ಕಂಡು ಬಂದಿದೆ.
ಸಂಶೋಧಕರು ಕೂಡ ಕುಂಬುಚಾದಲ್ಲಿನ ಹುದುಗಿಸಿದ ಮೈಕ್ರೋ ಆರ್ಗನಿಸಮನ್ ಅಂಶ ಕೂಡ ಹೆಚ್ಚು ಪರಿಣಾಮಕಾರಿಯಾಗಿದೆ ಎಂದಿದ್ದಾರೆ. ಈ ಪಾನೀಯವು ಲ್ಯಾಕ್ಟಿಕ್ ಆ್ಯಸಿಡ್ ಬ್ಯಾಕ್ಟೀರಿಯಾ, ಎಸೆಟಿಕ್ ಆ್ಯಸಿಡ್ ಬ್ಯಾಕ್ಟೀರಿಯಾ ಮತ್ತು ಡೆಕ್ಕೆರಾ ಎಂಬ ಯೀಸ್ಟ್ ಅನ್ನು ಒಳಗೊಂಡಿದೆ. ಈ ಫಲಿತಾಂಶವನ್ನು ಆರ್ಎನ್ಎ ಜೀನ್ ಸೀಕ್ವೇನ್ಸಿಂಗ್ನೊಂದಿಗೆ ದೃಢಪಡಿಸಲಾಗಿದೆ. ಅಧ್ಯಯನದಲ್ಲಿ ವಾಷಿಂಗ್ಟನ್ ಡಿಸಿಯಲ್ಲಿ ವಾಣಿಜ್ಯ ಉತ್ಪಾದನೆಯ ಕ್ರಾಪ್ಟ್ ಕೊಂಬುಚಾವನ್ನು ಬಳಸಿಕೊಳ್ಳಲಾಗಿದೆ. ಇದು ಬ್ರಿಂಡ್ಲೆ ಬಾಕ್ಸರ್ ಕೊಂಬುಚುನ ಪುನರ್ ಬ್ರಾಂಡಿಂಗ್ ಆಗಿದೆ.
ಇದನ್ನೂ ಓದಿ: ಬೊಜ್ಜು ವಿರೋಧಿ ಔಷಧ ಬಳಕೆಯಿಂದ ಹೊಟ್ಟೆ ಸಮಸ್ಯೆ; ಕಾನೂನು ಮೊಕದ್ದಮೆ ಹೂಡಿದ ರೋಗಿ
