ಹೈದರಾಬಾದ್: ಲಾಕ್‌ಡೌನ್, ನಿರ್ಬಂಧಗಳು ಮತ್ತು ಕೆಲಸದ ಬದಲಾವಣೆಗಳೊಂದಿಗೆ, ಜನರು ತಮ್ಮ ಜೀವನದಲ್ಲಿ ಸ್ವಲ್ಪ ಸಾಮಾನ್ಯತೆಯನ್ನು ಕಂಡುಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. ಬಿಕ್ಕಟ್ಟು ಗಾಢವಾಗುತ್ತಿದ್ದಂತೆ, ಮಿಶ್ರ ಭಾವನೆಗಳು, ಹತಾಶೆಯ ಭಾವನೆಗಳು, ಭಯ, ಅಭದ್ರತೆ, ಒತ್ತಡ, ಮತ್ತು ಮಹಿಳೆಯರಿಗೆ ಹೆಚ್ಚುವರಿ ಆರೈಕೆಯ ಜವಾಬ್ದಾರಿಗಳಿವೆ. ಮನೆಯಲ್ಲಿಯೇ ಇರುವಾಗ, ಸ್ವ-ಆರೈಕೆ ಮತ್ತು ಯೋಗಕ್ಷೇಮ ನಿರ್ವಹಿಸುತ್ತಾ ಲವಲವಿಕೆಯಿಂದ ಇರುವುದು ಮುಖ್ಯ.
ಹೀಗಾಗಿ ಸ್ವ ಆರೈಕೆಗಾಗಿ ಪಿಡಿ ಹಿಂದೂಜಾ ಆಸ್ಪತ್ರೆಯ ಕನ್ಸಲ್ಟೆಂಟ್ ಸೈಕಿಯಾಟ್ರಿಸ್ಟ್ ವಸಂತ್ ಮುಂದ್ರಾ ಕೆಲವು ಸಲಹೆಗಳನ್ನು ಹಂಚಿಕೊಂಡಿದ್ದಾರೆ.
ದೈಹಿಕವಾಗಿ ಸದೃಢರಾಗಿರಿ:
ದೈಹಿಕವಾಗಿ ಸದೃಢರಾಗಿದ್ದರೆ, ಉತ್ತಮವಾದ ಮನಸ್ಥಿತಿ ಹೊಂದುವ ಸಾಧ್ಯತೆಯಿದೆ. ಆದ್ದರಿಂದ ಸಕ್ರಿಯರಾಗಿರಿ. ವ್ಯಕ್ತಿಯ ಲವಲವಿಕೆಗೆ ಬೆಳಗ್ಗೆ ಸೂರ್ಯನ ಬೆಳಕು ಅತ್ಯಗತ್ಯ. ಎದ್ದು ಸ್ವಲ್ಪ ಸೂರ್ಯನ ಬೆಳಕನ್ನು ಪಡೆಯಿರಿ. ಅದು ಮನೆಯೊಳಗೆ ಇರಲಿ, ಟೆರೇಸ್‌ನಿಂದ, ಕಾರಿಡಾರ್‌ನಿಂದ ಅಥವಾ ಬಹುಶಃ ಎಲ್ಲೋ ಒಂದು ಕಾಂಪೌಂಡ್‌ನಲ್ಲಿರಲಿ, ಬೆಳಿಗ್ಗೆ ಸೂರ್ಯನ ಬೆಳಕನ್ನು ಪಡೆಯಿರಿ.
ದಿನಚರಿಯನ್ನು ಅನುಸರಿಸಿ:
ದಿನಚರಿ ಯಾವಾಗಲೂ ಬದಲಾವಣೆಯನ್ನು ನಿಭಾಯಿಸಲು ನಮಗೆ ಸಹಾಯ ಮಾಡುತ್ತದೆ. ಆರೋಗ್ಯಕರ ಆಹಾರ ಪದ್ಧತಿ, ವ್ಯಾಯಾಮ, ಉತ್ತಮ ನಿದ್ರೆ ಮತ್ತು ಧ್ಯಾನ ಅಥವಾ ವ್ಯಾಯಾಮಗಳನ್ನು ನಿಮ್ಮ ದಿನಚರಿಯಲ್ಲಿ ಸೇರಿಸಿ. ಇದು ಒತ್ತಡದ ಮಟ್ಟವನ್ನು ಕಡಿಮೆ ಮಾಡುತ್ತದೆ.
ಮನಸ್ಸೇ ಹಣ:
ಮನಸ್ಸು ಸರಿಯಾಗಿದ್ದರೆ, ಜೀವನವೂ ಸರಾಗವಾಗಿ ಸಾಗುತ್ತದೆ. ಹೀಗಾಗಿ ಮನಸ್ಸೇ ಹಣ ಎಂದು ಹೇಳಲಾಗುತ್ತದೆ. ಕೊರೊನಾ ವೈರಸ್ ಕುರಿತು ಆತಂಕವಿದ್ದರೆ, ಮನೆಯವರೊಂದಿಗೆ ಮಾತನಾಡಿ ಆತಂಕ ದೂರಗೊಳಿಸಿ. ಭಯ, ಕೋಪ, ಅಸೂಯೆ, ಆತಂಕವನ್ನು ತ್ಯಜಿಸಿ ಮನಸ್ಸಿನ ಆರೋಗ್ಯ ಕಾಪಾಡಿಕೊಳ್ಳಿ.
ನೈಜ ಮಾಹಿತಿ ಪಡೆಯಿರಿ:
ಜಾಗೃತಿ ಮತ್ತು ಜಾಗರೂಕರಾಗಿರುವುದು ಬಹಳ ಮುಖ್ಯ. ಆದರೆ ಎಲ್ಲ ಮೂಲೆಗಳಿಂದ ಬರುವ ಸುದ್ದಿ ಮತ್ತು ಮಾಹಿತಿಯ ಮಿತಿಮೀರಿದ ಪ್ರಮಾಣವು ನಿಮ್ಮನ್ನು ತುಂಬಾ ವಿಚಲಿತರನ್ನಾಗಿಸಬಹುದು ಮತ್ತು ಭಾವನಾತ್ಮಕವಾಗಿ ಬರಿದಾಗಿಸಬಹುದು. ಕೊರೊನಾ - ಸಂಬಂಧಿತ ಸುದ್ದಿಗಳು ಸುಳ್ಳು ಸುದ್ದಿಗಳೆಡೆಗೆ ಗಮನ ಹರಿಸದಿರಿ.
ಆಗಾಗ ವಿರಾಮ ತೆಗೆದುಕೊಳ್ಳಿ:
ಕಚೇರಿ ಕೆಲಸ, ಮನೆಕೆಲಸ, ಮಕ್ಕಳಿಗಾಗಿ ಆನ್‌ಲೈನ್ ಶಾಲಾ ತರಗತಿಗಳು ಮತ್ತು ಇನ್ನೂ ಹೆಚ್ಚಿನದನ್ನು ನಿರ್ವಹಿಸುತ್ತಾ, ಎಲ್ಲದರ ಮಧ್ಯೆ ಆಗಾಗ ವಿರಾಮ ತೆಗೆದುಕೊಳ್ಳುವುದು ಮುಖ್ಯವಾಗಿದೆ.
ಸಕಾರಾತ್ಮಕ ಜನ ನಿಮ್ಮೊಂದಿಗಿರಲಿ:
ನಿಮ್ಮನ್ನು ಉನ್ನತಿಗೇರಿಸುವ ಸಮುದಾಯಗಳ ಭಾಗವಾಗಿರಿ. ನಿಮ್ಮನ್ನು ಪ್ರೇರೇಪಿಸುವ, ವಿನೋದಮಯವಾಗಿರುವ ಮತ್ತು ನೀವು ಇಷ್ಟಪಡುವ ರೀತಿಯಲ್ಲಿ ಇರಲು ಅನುಮತಿಸುವ ಜನರೊಂದಿಗೆ ಸಂಪರ್ಕ ಸಾಧಿಸಿ. ನಿರಂತರವಾಗಿ ನಕಾರಾತ್ಮಕತೆ ವ್ಯಕ್ತಪಡಿಸುವ ಜನರಿಂದ ದೂರವಿರಿ.
ಕೃತಜ್ಞತೆಯನ್ನು ಅಭ್ಯಾಸ ಮಾಡಿ:
ಕೃತಜ್ಞತೆಯ ದೈನಂದಿನ ಅಭ್ಯಾಸವು ವ್ಯಕ್ತಿಯ ಜೀವನದಲ್ಲಿ ಹೇಗೆ ಬದಲಾಗಬಹುದು ಎಂಬುದನ್ನು ಸಂಶೋಧನೆ ಸಾಬೀತುಪಡಿಸಿದೆ. ಇದು ದೈಹಿಕ ಮತ್ತು ಮಾನಸಿಕ ಆರೋಗ್ಯವನ್ನು ಸುಧಾರಿಸುತ್ತದೆ ಮತ್ತು ಜೀವನಕ್ಕೆ ಆನಂದವನ್ನು ನೀಡುತ್ತದೆ. ಇದರಿಂದಾಗಿ ಸ್ವಯಂ ಮತ್ತು ಇತರರೊಂದಿಗೆ ಸಂಬಂಧವನ್ನು ಸುಧಾರಿಸುತ್ತದೆ.
ಹವ್ಯಾಸವನ್ನು ಪುನರುಜ್ಜೀವನಗೊಳಿಸಿ:
ವಾರಕ್ಕೊಮ್ಮೆ ನಿಮ್ಮ ಹವ್ಯಾಸದಲ್ಲಿ ಪಾಲ್ಗೊಳ್ಳಿ ಮತ್ತು ಅದು ನಿಮ್ಮ ಜೀವನಕ್ಕೆ ಎಷ್ಟು ಉಪಕಾರಿಯಾಗುತ್ತದೆ ಎಂಬುದನ್ನು ನೋಡಿ. ಅದು ನೃತ್ಯ, ಚಿತ್ರಕಲೆ, ಸಂಗೀತ ಅಥವಾ ಓದು ಆಗಿರಲಿ ಆ ಹವ್ಯಾಸಕ್ಕೆ ನಿಮ್ಮ ಸಮಯವನ್ನು ನೀಡಿ
ಸಕಾರಾತ್ಮಕ ಯೋಗಕ್ಷೇಮಕ್ಕಾಗಿ ಇನ್ನೂ ಕೆಲವು ಸಲಹೆಗಳು ಹೀಗಿವೆ:
ಕೋಪಗೊಂಡಾಗ ಅತಿಯಾಗಿ ವರ್ತಿಸಬೇಡಿ, ಸುಲಭವಾಗಿ ಅವಮಾನಿಸದಿರಲು ಪ್ರಯತ್ನಿಸಿ, ಇತರ ವ್ಯಕ್ತಿಯ ಅಭಿಪ್ರಾಯವನ್ನು ಗೌರವಿಸಿ, ದಿನವೂ ವ್ಯಾಯಾಮ ಮಾಡಿ, ಆಹಾರವನ್ನು ಆನಂದಿಸಿ, ಸಕಾರಾತ್ಮಕ ವಿಷಯವನ್ನು ವೀಕ್ಷಿಸಿ, ಸಂಭಾಷಣೆಗಳನ್ನು ಆನಂದಿಸಿ ಮತ್ತು ಸ್ನೇಹಿತರೊಂದಿಗೆ ಸಂಪರ್ಕದಲ್ಲಿರಿ.
