ಕಡಿಮೆ ಕ್ಯಾಲೋರಿ ಪಾನೀಯ, ಆಹಾರಗಳಿಂದಲೂ ಸಂಭವಿಸಬಹುದು ಹೃದಯಾಘಾತ - ಪಾರ್ಶ್ವವಾಯು!

ಕಡಿಮೆ ಕ್ಯಾಲೋರಿ, ಕಾರ್ಬೊಹೈಡ್ರೇಟ್​ ಆಹಾರಗಳು ಹೃದಯ ಸಮಸ್ಯೆ ಮತ್ತು ಪಾರ್ಶ್ವವಾಯು ಸಮಸ್ಯೆಗೆ ಕಾರಣವಾಗಬಹುದು ಎಂದು ಅಧ್ಯಯನವೊಂದು ಹೇಳಿದೆ.

ನ್ಯೂಯಾರ್ಕ್​( ಅಮೆರಿಕ): ಇತ್ತೀಚಿನ ವರ್ಷಗಳಲ್ಲಿ ಹೃದಯ ಸಂಬಂಧಿತ ಸಮಸ್ಯೆಗಳು ಹೆಚ್ಚಾಗುತ್ತಿದ್ದು, ಈ ಬಗ್ಗೆ ಕಾಳಜಿವಹಿಸುವುದು ಅಗತ್ಯವಾಗಿದೆ. ಆತಂಕದ ವಿಷಯ ಎಂದರೆ, ಎಲ್ಲಾ ವಯೋಮಾನದವರಲ್ಲಿ ಹೃದಯದ ಸಮಸ್ಯೆಗಳು ಕಾಡುತ್ತಿದೆ. ಈ ಹಿನ್ನೆಲೆ ಈ ಬಗ್ಗೆ ಪ್ರತಿಯೊಬ್ಬರು ಕಾಳಜಿವಹಿಸುವುದು ಅವಶ್ಯವಾಗಿದೆ. ಸುಮಾರು ಶೇ 51ರಷ್ಟು ನಾಗರಿಕರು ತಮ್ಮ ಆಪ್ತ ವಲಯದ ಜನರಲ್ಲಿ ಅನೀಕ್ಷಿತ ಹೃದಯಾಘಾತ ಅಥವಾ ಬ್ರೈನ್​ ಸ್ಟ್ರೋಕ್​, ರಕ್ತ ಹೆಪ್ಪುಗಟ್ಟುವಿಕೆ, ನರಗಳ ಸಮಸ್ಯೆ, ಕ್ಯಾನ್ಸರ್ ನಂತಹ ತುರ್ತು ಆರೋಗ್ಯ ಸ್ಥಿತಿಗೆ ಕಳೆದೆರಡು ವರ್ಷದಿಂದ ಗುರಿಯಾಗುತ್ತಿದ್ದಾರೆ ಎಂದು ಸಂಶೋಧನೆಗಳು ತಿಳಿಸಿವೆ. ಹೃದ್ರೋಗ ಶಾಸ್ತ್ರಜ್ಞರ ಪ್ರಕಾರ ಜೀವನಶೈಲಿಯಿಂದಲೂ ರೋಗ ಕಾಣಿಸಿಕೊಳ್ಳಲಿದೆ. ಇದರಲ್ಲಿ ಆಹಾರ ಕೂಡ ಪ್ರಮುಖ ಪಾತ್ರವಹಿಸುತ್ತದೆ ಎಂಬುದನ್ನು ಅಧ್ಯಯನದ ವೇಳೆ ಕಂಡುಕೊಳ್ಳಲಾಗಿದೆ.

ಕೃತಕ ಸಿಹಿಕಾರಕದ ಪರಿಣಾಮ: ಹೃದಯದ ಆರೋಗ್ಯ ಕಾಳಜಿವಹಿಸುವಲ್ಲಿ ಆಹಾರ ಕ್ರಮ ಕೂಡ ಪ್ರಮುಖವಾಗಿದೆ. ಕಡಿಮೆ ಕ್ಯಾಲೋರಿ, ಕಾರ್ಬೊಹೈಡ್ರೇಟ್​ ಆಹಾರಗಳು ಹೃದಯ ಸಮಸ್ಯೆ ಮತ್ತು ಪಾರ್ಶ್ವವಾಯು ಸಮಸ್ಯೆಗೆ ಕಾರಣವಾಗುತ್ತದೆ ಎಂದು ವರದಿ ತಿಳಿಸಿದೆ. ಕೃತಕ ಸಿಹಿಕಾರಕಗಳು, ಕಡಿಮೆ ಕ್ಯಾಲೋರಿಯ ಪಾನೀಯ ಮತ್ತು ಆಹಾರಗಳು ಹೃದಯಾಘಾತ, ಪಾರ್ಶ್ವವಾಯು ಅಥವಾ ಸಾವಿಗೆ ಕಾರಣವಾಗುತ್ತದೆ ಎಂದು ಅಧ್ಯಯನ ಎಚ್ಚರಿಸಿದೆ.

ಎರಿಥ್ರಿಟಾಲ್ ಸಕ್ಕರೆಯಂತೆ ಶೇಕಡಾ 70 ರಷ್ಟು ಸಿಹಿಯಾಗಿರುತ್ತದೆ. ಇದು ಮೆಕ್ಕೆಜೋಳ ಹುದುಗುವಿಕೆಯಲ್ಲಿ ಉತ್ಪತ್ತಿಯಾಗುತ್ತದೆ. ಕೃತಕ ಹಣ್ಣುಗಳನ್ನು ಸಿಹಿಗೊಳಿಸಲು ಅಥವಾ ಕಡಿಮೆ ಕ್ಯಾಲೋರಿ ಉತ್ಪನ್ನಗಳಿಗೆ ದೊಡ್ಡ ಪ್ರಮಾಣದಲ್ಲಿ ಸೇರಿಸಲು ಇದನ್ನು ಬಳಸಲಾಗುತ್ತದೆ. ಬೊಜ್ಜು ಹೊಂದಿರುವ, ಡಯಾಬೀಟಿಸ್​ ಅಥವಾ ಮೆಟಾಬಾಲಿಕ್​ ಸಿಂಡ್ರೋಮ್​ ಹೊಂದಿರುವವರಿಗೆ ಸಕ್ಕರೆ ಅಂಶ ನಿರ್ವಹಣೆಗೆ ಟೇಬಲ್​ ಸಿಹಿಗಳಿಗೆ ಪರ್ಯಾಯವಾಗಿ ಕೃತಕ ಸಿಹಿಕಾರಕಗಳನ್ನು ಬಳಕೆ ಮಾಡಲು ಮುಂದಾಗುತ್ತಾರೆ.

ಎರಿಥ್ರಿಟಾಲ್​ ಸೇವನೆ: ಎರಿಥ್ರಿಟಾಲ್ ದೇಹದಿಂದ ಕಳಪೆಯಾಗಿ ಚಯಾಪಚಯಗೊಳ್ಳುತ್ತದೆ. ಇದು ರಕ್ತಕ್ಕೆ ಸೇರುತ್ತದೆ. ಜೊತೆಗೆ ಇದು ಮೂತ್ರದಲ್ಲಿ ಉಳಿಯುತ್ತದೆ. ಮಾನವನ ದೇಹ ನೈಸರ್ಗಿಕವಾಗಿ ಕಡಿಮೆ ಮಟ್ಟದ ಎರಿಥ್ರಿಟಾಲ್​ ಉತ್ಪತ್ತಿ ಮಾಡುತ್ತಿದೆ. ಹೀಗಾಗಿ ಹೆಚ್ಚಿನ ಮಟ್ಟದ ಸೇವನೆ ದೇಹದಲ್ಲಿ ಶೇಖರಣೆಗೊಳ್ಳುತ್ತದೆ. ಅಮೆರಿಕದ ಕ್ಲೇವೆಲ್ಯಾಂಡ್​ ಕ್ಲಿನಿಕ್​ ಸಂಶೋಧನೆ ಪ್ರಕಾರ, ಈ ಎರಿಥ್ರಿಟಾನ್​ ರಕ್ತ ಅಥವಾ ಮರೆಯಾಗಿರುವ ಪ್ಲೆಟ್ಲೇಟ್​ಗಳಲ್ಲಿ ಕಾಣಬಹುದು. ಇದರು ಯಾವುದೇ ರೀತಿಯ ಹೆಪ್ಪುಗಟ್ಟುವಿಕೆಗೆ ಕೂಡ ಕಾರಣವಾಗುತ್ತದೆ.

ಈ ಸಂಬಂದ 4 ಸಾವಿರ ಅಮೆರಿಕ ಮತ್ತು ಯುರೋಪರನ್ನು ಅಧ್ಯಯನಕ್ಕೆ ಒಳಪಡಿಸಲಾಗಿದ್ದು, ಈ ಅಧ್ಯಯನವನ್ನು ನೇಚರ್​ ಮೆಡಿಸಿನ್​ ಜರ್ನಲ್​ನಲ್ಲಿ ಪ್ರಕಟಿಸಲಾಗಿದೆ. ಅನೇಕ ಸಂಸ್ಕರಣಾ ಆಹಾರ ಮತ್ತು ಕೃಕತ ಸಿಹಿಕಾರಕ ಪಾನೀಯದಲ್ಲಿ ಎರಿಥ್ರಿಟಾಲ್​ ಅಂಶವನ್ನು ಕಾಣಬಹುದಾಗಿದೆ. ಇವುಗಳನ್ನು ಸೇವಿಸಿದ ಭಾಗಿದಾರರಲ್ಲಿ ರಕ್ತದ ಮಟ್ಟ ಹೆಚ್ಚಿರುವುದನ್ನು ಗಮನಿಸಬಹುದಾಗಿದೆ. ಇದು ರಕ್ತದ ಹೆಪ್ಪುಗಟ್ಟುವಿಕೆ ಅಪಾಯಕ್ಕೆ ಕಾರಣವಾಗುತ್ತದೆ ಎಂದು ಸಂಶೋಧನೆ ಫಲಿತಾಂಶ ತಿಳಿಸಿದೆ.

ಸಾಮಾನ್ಯವಾಗಿ ಕೃತಕ ಸಿಹಿಕಾರಕಗಳ ದೀರ್ಘಕಾಲೀನ ಪರಿಣಾಮಗಳನ್ನು ಪರೀಕ್ಷಿಸಲು ಹೆಚ್ಚಿನ ಸುರಕ್ಷತಾ ಅಧ್ಯಯನಗಳನ್ನು ನಡೆಸುವುದು ಮುಖ್ಯವಾಗಿದೆ. ನಿರ್ದಿಷ್ಟವಾಗಿ ಹೃದಯಾಘಾತ ಮತ್ತು ಪಾರ್ಶ್ವವಾಯು, ಹೃದಯರಕ್ತನಾಳದ ಕಾಯಿಲೆಗೆ ಹೆಚ್ಚಿನ ಅಪಾಯದಲ್ಲಿರುವ ಜನರಲ್ಲಿ ಎರಿಥ್ರಿಟಾಲ್ ಅಪಾಯ ಹೆಚ್ಚಿದೆ.

ಇದನ್ನೂ ಓದಿ: ಅಧಿಕ ತೂಕ ಹೊಂದಿದ್ದರೆ ಸಾವಿನ ಅಪಾಯ ಶೇ 90 ರಷ್ಟು ಹೆಚ್ಚಾಗಬಹುದು: ಅಧ್ಯಯನ