ಹೈದರಾಬಾದ್: ಋತುಚಕ್ರ ಎಂಬುದು ಪ್ರತಿ ಯುವತಿ, ಮಹಿಳೆಯರ ಜೀವನದಲ್ಲಿ ತಡೆಗಟ್ಟಲಾಗದ ಭಾಗವಾಗಿದೆ. ಅಷ್ಟೇ ಅಲ್ಲದೆ, ಇದು ಅವರಲ್ಲಿ ಒತ್ತಡ, ಹಾರ್ಮೋನ್ ಬದಲಾವಣೆ, ಪೋಷಕಾಂಶದ ಕೊರತೆ, ಅಧಿಕ ಸ್ರಾವ ಮತ್ತು ತೀವ್ರತರದ ಭಾವನೆ ಅನುಭವಗಳು ಕೂಡ ಈ ಸಮಯದಲ್ಲಿ ಭಾದಿಸುವುದು ಸುಳ್ಳಲ್ಲ. ಇಂತಹ ಸಮಸ್ಯೆಗಳಿಗೆ ಪರಿಹಾರ ಕಾಣಲು ಈ ಸಂದರ್ಭದಲ್ಲಿ ಮಹಿಳೆಯರ ಸಮತೋಲಿತ ಆಹಾರ ಸೇವನೆ ಅಗತ್ಯವಿದೆ. ಈ ನಿಟ್ಟಿನಲ್ಲಿ ಈ ಸಮಯದಲ್ಲಿ ನಿಮ್ಮ ಡಯಟ್ನಲ್ಲಿ ಈ ಆಹಾರ ಸೇವಿಸುವುದನ್ನು ಮರೆಯಬೇಡಿ.
ಹಸಿರು ತರಕಾರಿಗಳು: ಇದರಲ್ಲಿ ಸಮೃದ್ದವಾದ ಮಿನರಲ್ಸ್, ಐರನ್, ಮೆಗ್ನಿಶಿಯಂ, ಪೊಟ್ಯಾಷಿಯಂ ಮತ್ತು ಜಿಂಕ್ ಅಂಶವನ್ನು ಹೊಂದಿದೆ. ಇದು ಋತುಚಕ್ರದ ನೋವನ್ನು ಕಡಿಮೆ ಮಾಡಲಿದ್ದು, ರಕ್ತ ಹೀನತೆ ನಿರ್ವಹಣೆ ಮಾಡುವಲ್ಲಿ ಪರಿಣಾಮಕಾರಿಯಾಗಿದೆ. ಆಹಾರದಲ್ಲಿನ ಹಸಿರು ತರಕಾರಿಗಳು ಮಿದುಳನ್ನು ಶಾಂತಗೊಳಿಸಿ ಈ ಅವಧಿಯಲ್ಲಿ ವಿಶ್ರಾಂತಿ ನೀಡುತ್ತದೆ.
ಬಾಳೆಹಣ್ಣು: ಆಲಸ್ಯ ದೇಹಕ್ಕೆ ತಕ್ಷಣಕ್ಕೆ ಶಕ್ತಿ ಒದಗಿಸುವಲ್ಲಿ ಶಕ್ತಿ ನೀಡುತ್ತದೆ. ಇದರಲ್ಲಿ ಪೋಟಾಶಿಯಂ ಅಂಶ ಇದ್ದು, ಇದು ಹೊಟ್ಟೆಯಲ್ಲಿನ ನೀರಿನ ಸಂಗ್ರಹಣಾ ಅಂಶವನ್ನು ನಿರ್ವಹಣೆ ಮಾಡಲು ಸಹಾಯ ಮಾಡುತ್ತದೆ. ಇದರಿಂದ ದೇಹ ನಿರ್ಜಲೀಕರಣಗೊಳ್ಳುವುದನ್ನು ತಡೆಯುತ್ತದೆ. ಹೆಚ್ಚುವರಿಯಾಗಿ ಇದರಲ್ಲಿನ ಟ್ರೈಪ್ಟೊಫೊನ್ ಸೆರೊಟೊನಿನ್ ಅನ್ನು ಉತ್ತೇಜಿಸುತ್ತದೆ.
ಡಾರ್ಕ್ ಚಾಕೋಲೆಟ್: ಋತುಚಕ್ರದಲ್ಲಿ ಹಾರ್ಮೋನ್ ಬದಲಾವಣೆ ಹೆಚ್ಚು. ಇದು ದೇಹದಲ್ಲಿನ ಪ್ರೊಜೆಸ್ಟ್ರೊನ್ ಕಡಿಮೆ ಮಾಡಿ, ಈಸ್ಟ್ರೋಜಿನ್ ಅನ್ನು ಹೆಚ್ಚಿಸುತ್ತದೆ. ಇದು ಸಕ್ಕರೆ ಮಟ್ಟ ಕಡಿಮೆ ಮಾಡುತ್ತದೆ. ಡಾರ್ಕ್ ಚಾಕೋಲೆಟ್ ಸೇವೆ ಮಾಡುವುದರಿಂದ ಈ ಸಮಯದಲ್ಲಿ ಆಗುವ ಮನಸ್ಥಿತಿ ಬದಲಾವಣೆ ನಿರ್ವಹಣೆ ಮಾಡುತ್ತದೆ.
ಯೋಗರ್ಟ್: ಋತುಚಕ್ರದ ವೇಳೆ ಯೋಗರ್ಟ್ (ಮೊಸರು) ಸೂಪರ್ಫುಡ್ ಆಗಿದೆ. ಇದರಲ್ಲಿ ಕ್ಯಾಲ್ಸಿಯಂ ಹೊಟ್ಟೆ ನೋವು ಕಡಿಮೆ ಮಾಡಿ, ಮನಸ್ಥಿತಿ ಬದಲಾವಣೆಯನ್ನು ಪರಿಣಾಮಕಾರಿ ನಿರ್ವಹಣೆ ಮಾಡುತ್ತದೆ ಇದು ಋತುಚಕ್ರದ ಯೋಗಕ್ಷೇಮಕ್ಕೆ ಕಾರಣ ಆಗುತ್ತದೆ.
ಋತು ಚಕ್ರದ ಸಮಯದಲ್ಲಿ ದೈಹಿಕ ಮತ್ತು ಭಾವನೆಗಳು ಸವಾಲಾಗಿದ್ದು, ಇದನ್ನು ಪರಿಣಾಕಾರಿಯಾಗಿ ನಿರ್ವಹಣೆ ಮಾಡುವಲ್ಲಿ ಆಹಾರದ ಆಯ್ಕೆಗಳು ಗಮನಾರ್ಹವಾಗಿವೆ ಎಂದು ಆರೋಗ್ಯ ವೃತ್ತಿಪರರು ತಿಳಿಸಿದ್ದಾರೆ. ಈ ಆಹಾರಗಳು ಈ ಸಮಯದಲ್ಲಿ ಕಾಡುವ ನೋವು ಮತ್ತು ಇತರ ಸಮಸ್ಯೆಗಳನ್ನು ಕಡಿಮೆ ಮಾಡುವಲ್ಲಿ ಸಮರ್ಥವಾಗಿದ್ದು, ಆರೋಗ್ಯ ನಿರ್ವಹಣೆ ಮಾಡುವಲ್ಲಿ ಸಹಾಯ ಮಾಡುತ್ತದೆ.
ಇದನ್ನೂ ಓದಿ: ಋತುಚಕ್ರದ ಸಮಯದಲ್ಲಿ ಕಾಡುವ ನೋವಿಗೆ ಇಲ್ಲಿದೆ ಪರಿಹಾರ!
