ನವದೆಹಲಿ: ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುವುದು ತುಸು ತ್ರಾಸದಾಯಕವೇ. ಅದರಲ್ಲೂ ಆರೋಗ್ಯಕರ ಡಯಟ್ ವಿಚಾರದಲ್ಲಿ ಪೋಷಕಾಂಶಯುಕ್ತ ಆಹಾರದ ಆಯ್ಕೆ ಸವಾಲೇ ಸರಿ. ಇದಕ್ಕೆ ಕಾರಣ ಅಸಮಂಜಸ ಹೊತ್ತಿನಲ್ಲಿ ಕೆಲಸ ಮಾಡುವುದು. ಇದು ಹೃದಯಬಡಿತದ ಮೇಲೆ ಪರಿಣಾಮ ಬೀರುತ್ತದೆ.
ರಾತ್ರಿ ಪಾಳಿಯ ಕೆಲಸಕ್ಕೂ ಮುನ್ನ ಸೂಕ್ತ ಆಹಾರಗಳ ಆಯ್ಕೆ ಅತ್ಯಗತ್ಯ. ಹೆಚ್ಚು ಭಾರವಲ್ಲದ, ಪೋಷಕಾಂಶಯುಕ್ತ ಸರಿಯಾದ ಆಹಾರಗಳು ದೇಹಕ್ಕೆ ಶಕ್ತಿದಾಯಕ ಮತ್ತು ಸಾಮರ್ಥ್ಯ ನೀಡುತ್ತವೆ. ನೀವು ಮಾಡುವ ಕೆಲಸಕ್ಕೆ ಬೆಂಬಲ ಒದಗಿಸುತ್ತವೆ. ಈ ಕೆಳಗಿನ 5 ಆಹಾರಗಳು ರಾತ್ರಿ ಪಾಳಯದ ಡಯಟ್ಗೆ ಸಹಾಯಕಾರಿ ಎನ್ನುತ್ತಾರೆ ಡಾ.ರೋಹಿಣಿ ಪಾಟೀಲ್.
1. ಹಣ್ಣು, ಬೀಜಗಳು: ಬಾದಾಮಿ, ವಾಲ್ನಟ್ ಮತ್ತು ಚಿಯಾ, ಫ್ಲೆಕ್ಸ್ ಬೀಜಗಳು ಪ್ರೊಟೀನ್, ಆರೋಗ್ಯಯುತ ಕೊಬ್ಬು ಮತ್ತು ಫೈಬರ್ ಅಂಶ ಹೊಂದಿವೆ. ಇದು ಸುಸ್ಥಿರ ಶಕ್ತಿಯನ್ನು ಬಿಡುಗಡೆ ಮಾಡಿ, ರಾತ್ರಿ ಪಾಳಿಯಲ್ಲಿ ಹೆಚ್ಚು ಗಮನಹರಿಸಿ, ಕೆಲಸ ಮಾಡಲು ಉತ್ತೇಜಕ. ಇದಕ್ಕೆ ಯಾವುದೇ ರೀತಿಯ ಸಿದ್ಧತೆ ಬೇಕಿಲ್ಲ. ಸಾಂಪ್ರದಾಯಿಕ ಸ್ನಾಕ್ ಆಯ್ಕೆಯ ಅವಕಾಶವನ್ನು ಇದು ನೀಡುತ್ತದೆ.
2. ಕ್ಯಾರೆಟ್, ಸೌತೆಕಾಯಿ: ಸೌತೆಕಾಯಿ ಮತ್ತು ಕ್ಯಾರೆಟ್ ಕಡಿಮೆ ಕ್ಯಾಲೋರಿ ಹೊಂದಿವೆ. ಇವು ನಿಮ್ಮನ್ನು ನಿರ್ಜಲೀಕರಣಕ್ಕೆ ಒಳಗಾಗಿಸುವುದಿಲ್ಲ. ವಿಟಮಿನ್ ಮತ್ತು ಮಿನರಲ್ಸ್‌ನಿಂದ ಸಮೃದ್ಧವಾಗಿವೆ. ನಿಮ್ಮ ತಿನ್ನುವ ಬಯಕೆಗೂ ಕಡಿವಾಣ ಹಾಕುತ್ತದೆ. ಯೋಗರ್ಟ್ ಜೊತೆಗೂ ಇವುಗಳನ್ನು ಸೇವಿಸಬಹುದು. ದೇಹವನ್ನು ಹೈಡ್ರೇಟೆಡ್ ಆಗಿರಿಸುವ ಜೊತೆಗೆ ರಾತ್ರಿ ಪಾಳಿಯಲ್ಲಿ ತಾಜಾತನದಿಂದಿರಿಸಲು ಸಹಾಯಕ.
3. ಮೊಟ್ಟೆ: ಪೋಷಕಾಂಶದ ಸಮೃದ್ಧ ಆಗರ ಮೊಟ್ಟೆ. ಇದರಲ್ಲಿ ಉನ್ನತ ಮಟ್ಟದ ಪ್ರೊಟೀನ್, ಅಗತ್ಯ ಅಮಿನೋ ಆಮ್ಲ ಮತ್ತು ಬಿ 12ನಂತಹ ವಿಟಮಿನ್ಗಳಿವೆ. ಶಕ್ತಿಗಳನ್ನು ಹಲವು ವಿಧಗಳಲ್ಲಿ ಬಿಡುಗಡೆ ಮಾಡುತ್ತದೆ. ರಾತ್ರಿ ಸಮಯದಲ್ಲಿ ಹೆಚ್ಚು ಭಾರವಲ್ಲದ, ಆಹಾರ ಸೇವನೆಯಲ್ಲಿ ಮೊಟ್ಟೆಯ ಆಯ್ಕೆ ಅತ್ಯುತ್ತಮ.
4. ಎನರ್ಜಿ ಬಾರ್ಗಳು: ಎನರ್ಜಿ ಬಾರ್ಗಳು ವಿಶೇಷವಾಗಿ ಶಕ್ತಿಯ ತಕ್ಷಣದ ಮೂಲಗಳು. ಪ್ರೊಟೀನ್ ಮತ್ತು ಕಾರ್ಬೋಹೈಡ್ರೇಟ್ಗಳಿಂದ ಕೂಡಿದ್ದು, ಕೆಲವೊಮ್ಮೆ ವಿಟಮಿನ್ ಮತ್ತು ಮಿನರಲ್ಸ್ಗಳಿರುತ್ತವೆ. ಈ ಬಾರ್ಗಳನ್ನು ಆಯ್ಕೆ ಮಾಡುವಾಗ ಕಡಿಮೆ ಸಕ್ಕರೆಯ ಸಂಪೂರ್ಣ ಆಹಾರ ಸಾಮಗ್ರಿಗಳ ಸಮತೋಲನ ಕಾಯ್ದುಕೊಳ್ಳಬೇಕು.
5. ಡಾರ್ಕ್ ಚಾಕೋಲೆಟ್: ಡಾರ್ಕ್ ಚಾಕೋಲೆಟ್ಗಳು ಆ್ಯಂಟಿಆಕ್ಸಿಡೆಂಟ್ಸ್, ಫ್ಲವೊನಾಯ್ಡ್ಸ್ ಮತ್ತು ಸಣ್ಣ ಮಟ್ಟದ ಕೆಫೀನ್ ಅಂಶ ಹೊಂದಿರುತ್ತವೆ. ಇದರ ಸೇವನೆಯಿಂದ ಏಕಾಗ್ರತೆ ಅಭಿವೃದ್ಧಿಯೊಂದಿಗೆ ಮೂಡ್ ಉತ್ತಮಗೊಳಿಸುತ್ತದೆ. ಸಕ್ಕರೆಯುಕ್ತ ಸ್ನಾಕ್ಸ್ ಮತ್ತು ಡೆಸಾರ್ಟ್ಗಳಿಗೆ ಇದೊಂದು ಉತ್ತಮ ಪರ್ಯಾಯ. ಡಾರ್ಕ್ ಚಾಕೋಲೆಟ್ನಲ್ಲಿ ಹೆಚ್ಚಿನ ಕೋಕೊ ಅಂಶವಿದ್ದು, ಆರೋಗ್ಯ ಪ್ರಯೋಜನ ಹೊಂದಿದೆ.
ರಾತ್ರಿ ಪಾಳಿಯಲ್ಲಿ ಉತ್ತಮ ಯೋಗಕ್ಷೇಮದೊಂದಿಗೆ ಉತ್ಪಾದಕತೆಯ ನಿರ್ವಹಣೆಯಲ್ಲಿ ಸಮತೋಲಿತ ಡಯಟ್ ಕಾಯ್ದುಕೊಳ್ಳಬೇಕಿರುತ್ತದೆ. ಹೀಗಾಗಿ ಸರಿಯಾದ ಆಹಾರ ಸೇವನೆ ಶಕ್ತಿ ಮತ್ತು ನಿಮ್ಮನ್ನು ಎಚ್ಚರದಿಂದಿರಲು ಸಹಾಯ ಮಾಡುತ್ತದೆ. (ಐಎಎನ್ಎಸ್)
ಇದನ್ನೂ ಓದಿ: ಹೆಚ್ಚು ವಾಕಿಂಗ್ ಮಾಡುವ ಮಹಿಳೆಯರಲ್ಲಿ ಸ್ಥೂಲಕಾಯ ಕಡಿಮೆ...
