ನವದೆಹಲಿ: ಬ್ಯಾಕ್, ಗ್ರೀನ್ ಮತ್ತು ಊಲಾಂಗ್ ಟೀ ಕುಡಿಯುವವರಿಗೆ ಟೈಪ್ 2 ಡಯಾಬಿಟೀಸ್ ಆಗುವ ಅಪಾಯ ಕಡಿಮೆ ಇರುತ್ತದೆ ಎಂಬುದು ಸಂಶೋಧನೆಯಲ್ಲಿ ಕಂಡು ಬಂದಿದೆ. ಈ ಸಂಶೋಧನೆಗೆ ಎಂಟು ದೇಶದ ಒಂದು ಮಿಲಿಯನ್ಗಿಂತಲೂ ಹೆಚ್ಚು ಜನರನ್ನು ಬಳಸಿಕೊಳ್ಳಲಾಗಿದೆ. ಸ್ವೀಡನ್‌ನ ಸ್ಟಾಕ್‌ಹೋಮ್‌ನಲ್ಲಿ ನಡೆದ ವಾರ್ಷಿಕ ಸಭೆಯಲ್ಲಿ ಯುರೋಪಿಯನ್ ಅಸೋಸಿಯೇಷನ್ ಫಾರ್ ದಿ ಸ್ಟಡಿ ಆಫ್ ಡಯಾಬಿಟಿಸ್ (EASD) ಸಂಸ್ಥೆ ಈ ಸಂಶೋಧನೆ ಪ್ರಸ್ತುತ ಪಡಿಸಿದೆ.
ದಿನಕ್ಕೆ ಕನಿಷ್ಠ ನಾಲ್ಕು ಕಪ್ ಚಹಾ ಕುಡಿಯುವುದು ಸರಾಸರಿ 10 ವರ್ಷಗಳ ಅವಧಿಯಲ್ಲಿ ಟೈಪ್ 2 ಡಯಾಬಿಟೀಸ್ನ 17 ಪ್ರತಿಶತ ಅಪಾಯ ಕಡಿಮೆ ಆಗಲಿದೆ ಎಂದು ಸೂಚಿಸಿದೆ. ಊಲಾಂಗ್ ಚಹಾವು ಸಾಂಪ್ರದಾಯಿಕ ಚೀನೀ ಚಹಾವಾಗಿದ್ದು, ಗ್ರೀನ್ ಮತ್ತು ಬ್ಲಾಕ್ ಟೀ ತಯಾರಿಸಲು ಬಳಸುವ ಅದೇ ಸಸ್ಯದಿಂದ ತಯಾರಿಸಲಾಗುತ್ತದೆ.
ಈ ಮೂರು ಚಹಾಗಳಲ್ಲಿ ಹೆಚ್ಚಿನ ವ್ಯತ್ಯಾಸ ಕಂಡು ಬರುವುದಿಲ್ಲ. ಕಪ್ಪು ಅಥವಾ ಬ್ಲಾಕ್ ಟೀಯ ಎಲೆಗಳನ್ನು ಹೆಚ್ಚು ಅಂದರೆ ಕಪ್ಪಾಗುವವರೆಗೆ ಆಕ್ಸಿಡೈಸ್ ಮಾಡಲಾಗುತ್ತದೆ. ಗ್ರೀನ್ ಟೀ ಕಡಿಮೆ ಪ್ರಮಾಣದಲ್ಲಿ ಆಕ್ಸಿಡೈಸ್ ಮಾಡಲಾಗುತ್ತದೆ ಮತ್ತು ಊಲಾಂಗ್ ಚಹಾವನ್ನು ಭಾಗಶಃ ಆಕ್ಸಿಡೀಕರಣಗೊಳ್ಳುತ್ತದೆ. ಹೀಗಾಗಿ ಮೂರು ಚಹಾವು ಟೈಪ್ 2 ಡಯಾಬಿಟೀಸ್ ಆಗುವ ಅಪಾಯ ಕಡಿಮೆ ಮಾಡುತ್ತದೆ.
ಇದನ್ನೂ ಓದಿ : ನಿಮಗೆ ತುಂಬಾ ಆಯಾಸವೇ?: ಪೌಷ್ಟಿಕಾಂಶಯುಕ್ತ ಆಹಾರ ಇದಕ್ಕೆ ಮದ್ದು
