ಡೆಲ್ಟಾ ರೂಪಾಂತರಿ ಕಂಟಕ: ವೈರಸ್​​​ ಜೊತೆ ಬದಲಾಗುತ್ತಿದೆ ರೋಗಲಕ್ಷಣಗಳು..

ಕೊರೊನಾ ವೈರಸ್ ಪ್ರಕರಣಗಳು ಕಡಿಮೆ ಸಂಖ್ಯೆಯಲ್ಲಿ ದಾಖಲಾಗುತ್ತಿದ್ದರೂ ಅದರ ರೂಪಾಂತರಿ ವೈರಸ್​ಗಳು ಇಂದಿಗೂ ಭೀತಿಗೆ ಕಾರಣವಾಗಿದೆ. ಈ ವೈರಸ್​ಗಳು ಹಲವು ರೀತಿಯ ರೋಗಲಕ್ಷಣಗಳನ್ನು ಹೊಂದಿದ್ದು, ಒಮ್ಮೆ ಕೊರೊನಾದಿಂದ ಗುಣಮುಖರಾದವರಲ್ಲಿ ಈ ರೂಪಾಂತರಿಗಳು ಮಾರಣಾಂತಿಕವಾಗುತ್ತಿವೆ.

ಕೋವಿಡ್ ವೈರಸ್ ಸ್ವತಃ ರೂಪಾಂತರಗೊಳ್ಳುತ್ತಿದ್ದು ಸ್ವಾಭಾವಿಕವಾಗಿಯೇ ಅದರ ಲಕ್ಷಣಗಳಲ್ಲೂ ಬದಲಾವಣೆಯಾಗುತ್ತಿದೆ. ಕೋವಿಡ್​​ನ ಮೊದಲ ಅಲೆ ಹಾಗೂ ಪ್ರಸ್ತುತ ಅಲೆಗಳ ನಡುವೆ ರೋಗಲಕ್ಷಣಗಳ ನಡುವೆ ಸಾಕಷ್ಟು ಬದಲಾವಣೆಯಾಗಿದೆ ಎಂದು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ. ಹಾಗಾದರೆ ನಾವು ತಿಳಿದು ಕೊಳ್ಳಬೇಕಾದ ಹೊಸ ಅಂಶಗಳು ಯಾವುವು?

ಕೋವಿಡ್ ಪ್ರಕರಣಗಳ ಸಂಖ್ಯೆಯಲ್ಲಿ ಇಳಿಕೆಯಾಗುತ್ತಿದ್ದರೂ, ವೈರಸ್​​ ಇನ್ನೂ ರೂಪಾಂತರಗೊಳ್ಳುತ್ತಿದೆ. ಜನರು ಮಾಸ್ಕ್​​, ಕೈ ಶುಚಿತ್ವ ಹಾಗೂ ಸಾಮಾಜಿಕ ಅಂತರವನ್ನು ತಮ್ಮ ದಿನಚರಿಯಲ್ಲಿ ಅಳವಡಿಸಿಕೊಳ್ಳದೇ ಇದ್ದರೆ ಮೂರನೇ ಅಲೆಗೆ ಸಿಲುಕಬೇಕಾಗುತ್ತದೆ.

ಬ್ರಿಟನ್​​ನಿಂದ ಒಂದು ರೂಪಾಂತರಿ, ದ.ಆಫ್ರಿಕಾದ ಒಂದು ರೂಪಾಂತರಿ ಹಾಗೂ ಭಾರತದ ಒಂದು ರೂಪಾಂತರಿ.. ಹೀಗೆ ಕೊರೊನಾವು ವಿವಿಧ ರೂಪಾಂತರವಾಗಿ ರೋಗಿಗಳಲ್ಲಿ ವಿವಿಧ ರೀತಿಯ ರೋಗಲಕ್ಷಣಗಳಿಗೆ ಕಾರಣವಾಗಿದೆ. ಆದರೆ ಡೆಲ್ಟಾ ರೂಪಾಂತರವು ಹಲವು ಬಗೆಯ ರೋಗ ಲಕ್ಷಣ ಹೊಂದಿದ್ದು, ಮಾರಣಾಂತಿಕವೂ ಹೌದು.

ವೈರಸ್ ರೂಪಾಂತರ ಏಕೆ?

ಕಳೆದ ಒಂದೂವರೆ ವರ್ಷದಿಂದಲೂ ವಿಶ್ವವನ್ನು ಈ ಕೊರೊನಾ ವೈರಸ್ ಕಾಡುತ್ತಿದೆ. ಅಂದಿನಿಂದ ಇಂದಿನವರೆಗೂ ರೂಪಾಂತರಗೊಳ್ಳುತ್ತಲೂ ಇದೆ. ಆರಂಭದಲ್ಲಿ ಜ್ವರ, ನೆಗಡಿ ಮತ್ತು ತಲೆನೋವು ಈ ವೈರಸ್​​ನ ಪ್ರಮುಖ ಲಕ್ಷಣವಾಗಿತ್ತು. ಆದರೀಗ ಬದಲಾಗುತ್ತಿರುವ ವೈರಸ್​​​ ಲಕ್ಷಣಗಳು ಹಲವು ರೋಗಿಗಳಲ್ಲಿ ಒಂದೇ ರೀತಿಯ ಲಕ್ಷಣ ಹೊಂದಿಲ್ಲ. ಈ ರೀತಿಯ ಲಕ್ಷಣ ಎದುರಾಗುವುದರಿಂದ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮದ ಪ್ರಭಾವ ಹೆಚ್ಚಾಗುತ್ತಿದೆ.

ಡೆಲ್ಟಾ ರೂಪಾಂತರದ ಲಕ್ಷಣಗಳು ಹೀಗಿವೆ..

ಡೆಲ್ಟಾ ರೂಪಾಂತರವು ಬ್ರಿಟನ್‌ನಲ್ಲಿ ವ್ಯಾಪಕವಾಗಿ ಹರಡಿದೆ. ಈ ರೂಪಾಂತರದಿಂದಾಗಿ ಜನರಲ್ಲಿ ರೋಗಲಕ್ಷಣಗಳನ್ನು ಪತ್ತೆ ಮಾಡಲು ಆರೋಗ್ಯ ಇಲಾಖೆ ಸ್ವಯಂ ವರದಿ ಮಾಡುವ ವ್ಯವಸ್ಥೆಯನ್ನು ಏರ್ಪಡಿಸಿದೆ. ಇಲ್ಲಿಯವರೆಗೆ ನೆಗಡಿಯೂ ಕೋವಿಡ್​ನ ಪ್ರಮುಖ ಲಕ್ಷಣವೆಂದು ಭಾವಿಸಲಾಗಿತ್ತು. ಆದರೆ ಈಗ, ಡೆಲ್ಟಾ ರೂಪಾಂತರದಲ್ಲಿ ಶೀತ ಮತ್ತು ಗಂಟಲು ನೋವು ಗೋಚರಿಸುತ್ತದೆ.

ಭಾರತ ಸೇರಿದಂತೆ ಸುಮಾರು 100 ದೇಶಗಳಲ್ಲಿ ಡೆಲ್ಟಾ ರೂಪಾಂತರವನ್ನು ಗುರುತಿಸಲಾಗಿದ್ದು, ಡೆಲ್ಟಾ ರೂಪಾಂತರದ ವಿರುದ್ಧ ಹೋರಾಡಲು ಯಾವ ಲಸಿಕೆಗಳು ಸೂಕ್ತವೆಂದು ನಾವು ತಿಳಿದುಕೊಳ್ಳಬೇಕಿದೆ.

ಕೋವಿಶೀಲ್ಡ್ ಮತ್ತು ಕೋವಾಕ್ಸಿನ್

ಕೋವಾಕ್ಸಿನ್ ಲಸಿಕೆ ಪಡೆದ ಜನರಿಂದ ರಕ್ತದ ಮಾದರಿ ಸಂಗ್ರಹಿಸಿ ಎರಡು ಅಧ್ಯಯನಗಳ ಫಲಿತಾಂಶಗಳ ಹೊರತೆಗೆಯಲಾಗಿದ್ದು, ಲಸಿಕೆ ರೋಗ ನಿರೋಧಕಗಳನ್ನು ಉತ್ಪಾದಿಸುತ್ತದೆ ಎಂಬುದು ತಿಳಿದುಬಂದಿದೆ. ಇದು SARS-CoV-2, B.1.1.7 (ಆಲ್ಫಾ) ಮತ್ತು B.1.617 (ಡೆಲ್ಟಾ) ರೂಪಾಂತರಗಳನ್ನು ಪರಿಣಾಮಕಾರಿಯಾಗಿ ಹೋರಾಡುತ್ತದೆ ಎಂದು ಎನ್‌ಐಹೆಚ್ ಹೇಳಿದೆ.

ಲಾ ಜೊಲ್ಲಾ ಇನ್‌ಸ್ಟಿಟ್ಯೂಟ್ ಫಾರ್ ಇಮ್ಯುನೊಲಾಜಿ (ಎಲ್‌ಜೆಐ) ಯ ಸಂಶೋಧಕರು ಈಗ ಡೆಲ್ಟಾ ರೂಪಾಂತರ (ಬಿ .1.617.2), ಎಟಾ (ಬಿ. 1.525), ಅಯೋಟಾ (ಬಿ .1.526), ಕಪ್ಪಾ (ಬಿ .1.617.1), ಲ್ಯಾಂಬ್ಡಾ (ಸಿ 37) ಮತ್ತು ಇತರೆ ರೂಪಾಂತರಗಳಾದ ಬಿ .1.526.1, ಬಿ .1.617.3, ಆರ್ 1 ಮತ್ತು ಬಿ .1.1.519. ಸೋಂಕಿಗೆ ಒಳಗಾದ ಜನರ ಅಧ್ಯಯನಕ್ಕೆ ಮುಂದಾಗಿದ್ದಾರೆ.