ಬೆಂಗಳೂರು: ಕಳೆದ ಮೂರು ವರ್ಷಗಳ ಹಿಂದೆ ಕಾಣಿಸಿಕೊಂಡಿದ್ದ ಕೋವಿಡ್ 19 ಸಾಂಕ್ರಾಮಿಕ ರೋಗ ಇನ್ಮುಂದೆ ಸಾರ್ವಜನಿಕ ಆರೋಗ್ಯ ತುರ್ತು ಪರಿಸ್ಥಿತಿಯಲ್ಲ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಘೋಷಿಸಿದೆ.
2019ರ ಅಂತ್ಯದಲ್ಲಿ ಕಾಣಿಸಿಕೊಂಡ ಕೋವಿಡ್ 19 ಸೋಂಕು 2020ರಲ್ಲಿ ಜಗತ್ತಿನಲ್ಲಿ ತಲ್ಲಣ ಸೃಷ್ಟಿಸಿತು. ಈ ವೇಳೆ ಇದನ್ನು ಅಂತರಾಷ್ಟ್ರೀಯ ಕಾಳಜಿಯ ಸಾರ್ವಜನಿಕ ಆರೋಗ್ಯ ತುರ್ತುಪರಿಸ್ಥಿತಿ ಎಂದು ಘೋಷಿಸಲಾಗಿದೆ. ಬಳಿಕ ಆರು ವಾರಗಳ ನಂತರ ಇದನ್ನು ಸಾಂಕ್ರಾಮಿಕ ರೋಗ ಎನ್ನಲಾಯಿತು. ಅಲ್ಲದೇ, ಆ ಸಮಯದಲ್ಲಿ 763 ಮಿಲಿಯನ್ ಮಂದಿ ಸೋಂಕಿಗೆ ಒಳಗಾಗಿ, ಜಾಗತಿಕವಾಗಿ 6.9 ಮಿಲಿಯನ್ಗಿಂತಲೂ ಹೆಚ್ಚು ಜನರು ಸಾವನ್ನಪ್ಪಿದರು.
ಸೋಂಕಿನ ಇಳಿಕೆ ಹಿನ್ನಲೆ ನಿರ್ಧಾರ: ಕೋವಿಡ್-19 ಸಾವುಗಳು, ತೀವ್ರ ನಿಗಾ ಘಟಕ ಸೇರಿದಂತೆ, ಆಸ್ಪತ್ರೆಗೆ ದಾಖಲಾಗುವ ಸೋಂಕಿತರ ಸಂಖ್ಯೆ ಮತ್ತು ಅಧಿಕ ಜನರಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತಿರುವ ಹಿನ್ನಲೆ ಕೋವಿಡ್ 19 ಅನ್ನು ಸಾರ್ವಜನಿಕ ಆರೋಗ್ಯ ತುರ್ತುಪರಿಸ್ಥಿತಿಯಿಂದ ತೆಗೆದು ಹಾಕಲು ಶಿಫಾರಸು ಮಾಡಲಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಮಹಾ ನಿರ್ದೇಶಕ ಟೆಡ್ರೊಸ್ ಅಧಾನಮ್ ಘೆಬ್ರಿಯೆಸಸ್ ತಿಳಿಸಿದ್ದಾರೆ.
ಇಂಟರ್ನ್ಯಾಷನಲ್ ಹೆಲ್ತ್ ರೆಗ್ಯುಲೇಷನ್ಸ್ (2005) ತುರ್ತು ಸಮಿತಿಯ 15 ಸಭೆಯಲ್ಲಿ ಈ ಕುರಿತು ತಿಳಿಸಲಾಗಿದೆ. ಈ ವೇಳೆ ಕೋವಿಡ್ 19 ಅನ್ನು ದೀರ್ಘಕಾಲೀನ ನಿರ್ವಹಣೆಗೆ ಇದು ಪರಿವರ್ತನೆಯ ಸಮಯವಾಗಿದೆ. ಕಳೆದೊಂದು ವರ್ಷದಿಂದ ಸಾಂಕ್ರಾಮಿಕವೂ ಇಳಿಮುಖವಾಗಿದೆ ಎಂದು ಕೂಡ ತಿಳಿಸಿದ್ದಾರೆ.
ಇದೀಗ ಜನರು ಕೋವಿಡ್-19ಕ್ಕಿಂತ ಮುಂಚೆ ಇದ್ದ ಜೀವನಶೈಲಿಗೆ ಮರಳುತ್ತಿದ್ದಾರೆ. ಈ ಹಿನ್ನಲೆ ಇನ್ನು ಮುಂದೆ ಕೋವಿಡ್ 19 ಅನ್ನು ಸಾರ್ವಜನಿಕ ಆರೋಗ್ಯ ತುರ್ತು ಸ್ಥಿತಿಯಿಂದ ಅಂತ್ಯಗೊಳಿಸಲು ತಂಡ ಶಿಫಾರಸು ಮಾಡಿದ್ದು, ಅದನ್ನು ನಾವು ಸ್ವೀಕರಿಸುತ್ತಿರುವುದಾಗಿ ಪತ್ರಿಕಾಗೋಷ್ಟಿಯಲ್ಲಿ ತಿಳಿಸಿದರು.
ಕೋವಿಡ್ 19 ಹೊರತಾಗಿ ಎಚ್ಐವಿಯಂತಹ ಸಾಂಕ್ರಾಮಿಕ ಸ್ಥಿತಿ ಮುಂದುವರೆಯುತ್ತದೆ ಎಂದು ಇದೇ ವೇಳೆ ತಿಳಿಸಿದ್ದಾರೆ. ಕೋವಿಡ್ 19 ಆರಂಭವಾದ ಬಳಿಕ ಸೋಂಕಿನಲ್ಲಿ ರೂಪಾಂತರಗಳು ಕಂಡು ಬಂದಿದ್ದು, ಓಮ್ರಿಕಾನ್, XBB.1.15 ಮತ್ತು XBB.1.15 ಸೋಂಕು ಹಲವರ ಸಾವಿಗೆ ಕಾರಣವಾಗಿದ್ದರೂ, ಇದೀಗ ಈ ಸೋಂಕು ಇಳಿಕೆ ಕಂಡಿದೆ.
ಲಸಿಕೆ ಮದ್ದು: ಎಪ್ರಿಲ್ನಲ್ಲಿ ಕೊನೆಯವಾರದಲ್ಲಿ ಕೋವಿಡ್ ಸೋಂಕಿಗೆ ಜಾಗತಿಕವಾಗಿ 3,500 ಮಂದಿ ಸಾವನ್ನಪ್ಪಿದ್ದಾರೆ. ಕೋವಿಡ್ ವಿರುದ್ದ ಹೋರಾಡಲು ಈಗಾಗಲೇ ಹಲವು ಲಸಿಕೆಗಳನ್ನು ಕಂಡು ಹಿಡಿಯಲಾಗಿದೆ. ಎರಡು ಮತ್ತು ಬೋಸ್ಟರ್ ಡೋಸ್ ಲಸಿಕೆಯನ್ನು ನೀಡುವ ಮೂಲಕ ಜನರನ್ನು ಸೋಂಕಿನ ವಿರುದ್ಧ ಹೋರಾಡಲು ಅಣಿಗೊಳಿಸಲಾಗಿದೆ. ಈ ನಡುವೆಯೂ ಜಾಗತಿಕವಾಗಿ ಬಿಲಿಯನ್ಗಿಂತ ಹೆಚ್ಚು ಜನರು ಲಸಿಕೆ ಪಡೆದಿಲ್ಲ.
ವಿಶ್ವ ಆರೋಗ್ಯ ಸಂಸ್ಥೆಯ ಅನುಸಾರ ಕೋವಿಡ್ 19 ಪ್ರಕರಣಗಳ ವರದಿ ಗಮನಾರ್ಹವಾಗಿ ಕುಸಿದಿದೆ. ಕೆಲವು ಪ್ರದೇಶಗಳ ಮಧ್ಯಸ್ಥಿಗೆಯಲ್ಲಿ ಇದು ಮುಂದುವರೆದಿದೆ ಎಂಬುದು ಕಳವಳಕಾರಿಯಾಗಿದೆ. ಏತನ್ಮಥ್ಯೆ, ಅನೇಕ ದೇಶಗಳು ಕೋವಿಡ್ ತುರ್ತು ಪರಿಸ್ಥಿತಿಯನ್ನು ಅಂತ್ಯಗೊಳಿಸಿದೆ. ಅಮೆರಿಕ ಕೂಡ ಮೇ 11ರಿಂದ ಕೋವಿಡ್ ತುರ್ತು ಪರಿಸ್ಥಿತಿಯನ್ನು ಕೈ ಬಿಡುತ್ತಿದೆ.
ಇದನ್ನೂ ಓದಿ: ಅಮೆರಿಕದಲ್ಲಿ ವಾರದಲ್ಲಿ 10 ಸಾವಿರ ಮಕ್ಕಳಲ್ಲಿ ಕೋವಿಡ್ ಪ್ರಕರಣ
