ಲಂಡನ್: ನಮ್ಮಲ್ಲಿ ಬಹುತೇಕ ಮಂದಿ ಮೂರನೇ ಎರಡರಷ್ಟು ಸಮಯವನ್ನು ಮನೆಯಲ್ಲಿಯೇ ಕಳೆಯುತ್ತಾರೆ. ಮನೆಯಲ್ಲಿ ಇದ್ದ ಮಾತ್ರಕ್ಕೆ ಅವರು ಮಾಲಿನ್ಯಕ್ಕೆ ಒಳಗಾಗುವುದಿಲ್ಲ ಎಂದು ಅರ್ಥವಲ್ಲ. ಮನೆಯಲ್ಲಿ ಅಡುಗೆ ಬೇಯಿಸುವಾಗ ಉಂಟಾಗುವ ಸುಡುವ, ಹುರಿದ ಹೊಗೆಗಳಿಂದಾಗಿ ಅಪಾಯಕಾರಿ ವಾಯು ಮಾಲಿನ್ಯಕ್ಕೆ ಅವರು ಒಳಗಾಗುತ್ತಾರೆ. ಸುಟ್ಟ ಅಡುಗೆ ಸೂಕ್ಷ್ಮ ಕಣಗಳನ್ನು ಬಿಡುಗಡೆ ಮಾಡುತ್ತದೆ. ಇದು ಹೆಚ್ಚಿನ ಮಾಲಿನ್ಯ ಉಂಟುಮಾಡುತ್ತದೆ.
ಮನೆಯಲ್ಲಿ ರೋಸ್ಟ್ ಮಾಡಿದ ಅಡುಗೆ ತಯಾರಿಸುವಾಗ ನೀವು ದೆಹಲಿಗಿಂತ ಕೆಟ್ಟ ಹವಾಮಾನಕ್ಕೆ ತೆರೆದುಕೊಳ್ಳುತ್ತೀರಿ ಎಂದು ಸಂಶೋಧನೆ ತಿಳಿಸಿದೆ. ಇಂತಹ ಅಡುಗೆಯ ವಾಸನೆಗಳನ್ನು ಸೇವಿಸಿದಾಗ ಇದರಲ್ಲಿನ ಕಣಗಳು ಹೃದಯ ಮತ್ತು ಶ್ವಾಸಕೋಶಕ್ಕೆ ಪರಿಣಾಮ ಬೀರಬಹುದು. ಅಲ್ಲದೇ ಅಸ್ತಮಾ ಗುಣಲಕ್ಷಣಕ್ಕೆ ಕಾರಣವಾಗಬಹುದು. ಶ್ವಾಸಕೋಶ ಸೋಂಕಿಗೆ ಇದು ಕೊಡುಗೆ ನೀಡುವುದರ ಜೊತೆಗೆ ಹೃದಯಾಘಾತದ ಅಪಾಯವನ್ನು ಇದು ಹೆಚ್ಚಿಸುತ್ತದೆ. 2019ರಲ್ಲಿ ದೀರ್ಘಕಾಲಿಕ ಮನೆಯಲ್ಲಿನ ಮಾಲಿನ್ಯವು 2.3 ಮಿಲಿಯನ್ ಜನರ ಸಾವಿಗೆ ಕಾರಣವಾಗಿದೆ.
ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡುವ ಮಾರ್ಗವಾಗಿ ಅನೇಕ ದೇಶಗಳು ತಮ್ಮ ವಸತಿ ವ್ಯವಸ್ಥೆಯನ್ನು ಬದಲಾಯಿಸುತ್ತಿವೆ. ಐರಿಶ್ ಸರ್ಕಾರ, ದಶಕಗಳ ಬಳಿಕ ಅರ್ಧಕ್ಕೂ ಹೆಚ್ಚು ಮಿಲಿಯನ್ ಮನೆಗಳನ್ನು ಮರು ಹೊಂದಿಸುವುದಾಗಿ ತಿಳಿಸಿದೆ. ಇದರ ಅನುಸಾರ ಮನೆಗಳಲ್ಲೂ ಉತ್ತಮ ವಾಯು ಗುಣಮಟ್ಟ ಹೆಚ್ಚಿಸುವುದು ಮತ್ತು ಶಕ್ತಿಯ ಬಳಕೆ ಕಡಿಮೆ ಮಾಡಲಾಗುವುದು.
ಆದಾಗ್ಯೂ, ಈ ಮರುಹೊಂದಿಸುವಿಕೆ ಮನೆಗಳಲ್ಲಿ ಹೆಚ್ಚು ಗಾಳಿ ಆಡುವುದಿಲ್ಲ. ಇದಕ್ಕೆ ಗಾಳಿಯಾಡುವಂತೆ ಸರಿಯಾಗಿ ನಿರ್ವಹಣೆ ಮಾಡಬೇಕಿದೆ. ಸೂಕ್ತ ಗಾಳಿಯಾಡುವ ವ್ಯವಸ್ಥೆ ಇದ್ದರೆ, ಇದರಿಂದ ಅಡುಗೆ ಸಂದರ್ಭದಲ್ಲಿ ಉಂಟಾಗುವ ಮಾಲಿನ್ಯದಿಂದ ತಪ್ಪಿಸಬಹುದು. ಪಶ್ಚಿಮ ಯುರೋಪ್ನ ಮನೆಗಳು ದೀರ್ಘಕಾಲದ ನೈಸರ್ಗಿಕ ಗಾಳಿಯಾಡುವಿಕೆಯ ವ್ಯವಸ್ಥೆಯನ್ನು ಹೊಂದಿವೆ. ಇಂತಹ ಮನೆಗಳಿಗೆ ಸಣ್ಣ ಹೊಂದಾಣಿಕೆ ಅವಶ್ಯಕವಾಗಿದೆ.
ಮನೆಯಲ್ಲಿ ಗಾಳಿಯಾಡುವಿಕೆ: ಮನೆಗಳ ಮರು ಹೊಂದಿಸುವಿಕೆಯಲ್ಲಿ ತಾಂತ್ರಿಕ ಗಾಳಿಯಾಡುವ ವ್ಯವಸ್ಥೆಯನ್ನು ಅಳವಡಿಸಬೇಕಿದೆ. ಇದು ಅಡುಗೆ ಮನೆಯಲ್ಲಿನ ಕುಕ್ಕರ್ ಹುಡ್ ಅಥವಾ ಬಾತ್ ರೂಂನಲ್ಲಿನ ಫ್ಯಾನ್ ರೀತಿ. ಆದರೆ ಕೆಲವು ಮನೆಯಲ್ಲಿ ಸಂಪೂರ್ಣ ಸೇವಾ ತಾಪಮಾನ, ಏರ್ ಕಂಡೀಷನ್ ವ್ಯವಸ್ಥೆಯನ್ನು ಹೊಂದಿರುವುದರಿಂದ ಇದು ಕೂಲಿಂಗ್ ಮಾಡಲಿದೆ.
ಅಡುಗೆ ಮನೆಯ ಮಾಲಿನ್ಯ ಕಡಿಮೆ ಮಾಡುವುದು ಹೇಗೆ: ಅನೇಕ ಸರಳ ಸಲಹೆಗಳನ್ನು ಜನರು ಪಾಲನೆ ಮಾಡುವ ಮೂಲಕ ಜನರು ಅಡುಗೆ ಸಂದರ್ಭದಲ್ಲಿನ ಕಳಪೆ ವಾಯು ಗುಣಮಟ್ಟವನ್ನು ಕಡಿಮೆ ಮಾಡಬಹುದು. ಆಹಾರ ಸುಟ್ಟಾಕ್ಷಣ ಅಳವಡಿಸಿರುವ ಹಬ್ಗಳು ಕೆಲಸ ಮಾಡಲು ಮುಂದಾಗುತ್ತದೆ. ಈ ವೇಳೆ ಮಾಲಿನ್ಯಗಳ ಕಣಗಳು ನಿಮ್ಮನ್ನು ಮಾಲಿನ್ಯಕ್ಕೆ ಒಡ್ಡಿಕೊಳ್ಳುವಂತೆ ಮಾಡುತ್ತದೆ.
ಹೀಗಾಗಿ ಅಡುಗೆ ಮಾಡುವ ಮುನ್ನವೇ, ಈ ಕುಕ್ಕರ್ ಹುಡ್ ಅನ್ನು ಆನ್ ಮಾಡಬೇಕು. ಅಡುಗೆಯಾದ ಬಳಿಕವೂ 10-15 ನಿಮಿಷ ಬಳಿಕ ಆಫ್ ಮಾಡಬೇಕು. ಈ ರೀತಿ ಸಣ್ಣ ನಿರ್ದಿಷ್ಟ ವಿಷಯಗಳಿಗೆ ಗಮನ ಹರಿಸುವುದರಿಂದ ಸುಲಭವಾಗಿ ನಿರ್ವಹಣೆ ಮಾಡಬಹುದು. ಇದರಿಂದ ಹೆಚ್ಚು ಮಾಲಿನ್ಯಗಳಿಂದ ಪರಿಹಾರ ಕಾಣಬಹುದು. ಪಿಎಂ2.5 ಸೆನ್ಸಾರ್ ಹೊಂದಿರುವ ಕುಕ್ಕರ್ ಹುಡ್ಗಳು ಅಪಾಯವನ್ನು ಕಡಿಮೆ ಮಾಡುತ್ತದೆ. ಈ ಸೆನ್ಸಾರ್ ಮಾಲಿನ್ಯ ಮಟ್ಟ ಎಚ್ಚರಿಕೆ ನೀಡುವ ಮೂಲಕ ಹೂಡ್ನ ಸುಲಭ ನಿಯಂತ್ರಣಕ್ಕೆ ಅವಕಾಶ ನೀಡುತ್ತದೆ. ಇದನ್ನು ನಿರ್ದಿಷ್ಟ ಸಮಯದಲ್ಲಿ ಆನ್ ಮಾಡಬೇಕಿದೆ. ಅಷ್ಟೇ ಅಲ್ಲದೇ ಇದನ್ನು ಪರಿಶೀಲನೆ ಮತ್ತು ನಿರ್ವಹಣೆ ಮಾಡುವುದು ಕೂಡ ಅವಶ್ಯವಾಗಿದೆ. ಕಾರ್ ಅಥವಾ ಬಾಯ್ಲರ್ ನಂತೆ ವೆಂಟಿಲೇಷನ್ ವ್ಯವಸ್ಥೆಯನ್ನು ಪ್ರತಿವರ್ಷ ಸರಿಯಾಗಿ ಕಾರ್ಯ ನಿರ್ವಹಿಸುತ್ತಿದೆಯಾ ಎಂಬುದನ್ನು ಪರಿಶೀಲನೆ ಮಾಡಬೇಕು.
ಇದನ್ನೂ ಓದಿ: ಮಕ್ಕಳ ಅತ್ಯುತ್ತಮ ರೋಗ ನಿರೋಧಕ ವ್ಯವಸ್ಥೆಗೆ ಪೋಷಕರ ಈ ಪ್ರಯತ್ನ ಅವಶ್ಯಕ
