ನವದೆಹಲಿ: ಸರಿಯಾದ ಆಹಾರವನ್ನು ಆಯ್ಕೆ ಮಾಡಿಕೊಳ್ಳುವ ಮೂಲಕ ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು. ಯಾವ ಆಹಾರವನ್ನು ಸೇವಿಸುತ್ತೀರಾ ಅದೇ ನಿಮ್ಮ ದೇಹ ಹೀರಿಕೊಳ್ಳುತ್ತದೆ. ಸೇವಿಸುವ ಆಹಾರ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಮೇಲೆ ಕೂಡ ಪರಿಣಾಮ ಬೀರುತ್ತದೆ. ಪೌಷ್ಟಿಕಾಂಶ ಮತ್ತು ಸಮತೋಲಿತ ಡಯಟ್ ಆರೋಗ್ಯಯುತ ತೂಕ ನಿರ್ವಹಣೆ ಜೊತೆಗೆ ಡಯಾಬಿಟಿಸ್, ಕ್ಯಾನ್ಸರ್, ಆತಂಕ ಮತ್ತು ಹೃದಯ ಸಮಸ್ಯೆ ಅಪಾಯವನ್ನು ಕಡಿಮೆ ಮಾಡುತ್ತದೆ.
ಹೋಲಿಸ್ಟಿಕ್ ಹೆಲ್ತ್ ಕೋಚ್ನ ಅಜಾರ್ ಅಲಿ ಸಯ್ಯದ್ ಪ್ರಕಾರ, ಆಹಾರವನ್ನು ಪೌಷ್ಟಿಕಾಂಶ ಮತ್ತು ಟೇಸ್ಟಿ ಆಹಾರವನ್ನು ಆಯ್ಕೆ ಮಾಡಿಕೊಳ್ಳುವುದು ಅವಶ್ಯ. ಆಹಾರದಲ್ಲಿ ವರ್ಣರಂಜಿತವಾಗಿ ರೈನ್ಬೋ (ಕಾಮನ ಬಿಲ್ಲು) ಬಣ್ಣ ಬಳಕೆ ಮಾಡಬಹುದು. ರೈನ್ ಬೊ ಡಯಟ್ ಮೂಲಕ ತರಹೇವಾರಿ ಆಹಾರಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಆರೋಗ್ಯಯುತ ಡಯಟ್ನಲ್ಲಿ ಹಣ್ಣು ಮತ್ತು ತರಕಾರಿ ಭಾಗವಾಗಿರಬೇಕು. ಇದು ಪೌಷ್ಟಿಕಾಂಶವನ್ನು ಯಥೇಚ್ಛವಾಗಿ ಹೊಂದಿರುತ್ತದೆ. ಫೈಬರ್, ವಿಟಮಿನ್ ಎ, ವಿಟಮಿನ್ ಸಿ, ವಿಟಮಿನ್ ಇ, ಜಿಂಕ್, ಪ್ರಾಸ್ಪಾರಸ್, ಮೆಗ್ನಿಷಿಯಂ ಸೇರಿದಂತೆ ಹಲವು ಅಂಶಗಳು ಸೇರಿರಬೇಕು. ಹಣ್ಣು ಮತ್ತು ತರಕಾರಿಗಳನ್ನು ಹೆಚ್ಚಿನ ನೀರಿನ ಅಂಶವಿದ್ದು, ಇವು ದೇಹವನ್ನು ನಿರ್ಜಲೀಕರಣಗೊಳ್ಳದಂತೆ ತಡೆಯುತ್ತದೆ.
ಉತ್ಸಾಹಭರಿತ ಮತ್ತು ಆರೋಗ್ಯಕ್ಕಾಗಿ ವರ್ಣರಂಜಿತವಾಗಿ ಆಹಾರ ಸೇವನೆ ಮಾಡುವುದು ಅವಶ್ಯ. ನೈಸರ್ಗಿಕವಾಗಿರುವ ಬಣ್ಣ ಬಣ್ಣದ ತರಕಾರಿ, ಹಣ್ಣುಗಳು ದೇಹವನ್ನು ಪೋಷಿಸುವ ಜೊತೆಗೆ ರಕ್ಷಣೆಯನ್ನು ನೀಡುತ್ತದೆ. ಉದಾಹರಣೆಗೆ ಹಳದಿ ಮತ್ತು ಕಿತ್ತಾಳೆ ಹಣ್ಣುಗಳಲ್ಲಿ ಕೆರಾಟಿನ್ ಅಂಶವಿರುತ್ತದೆ. ಹಸಿರು ತರಕಾರಿಯನ್ನು ಕ್ಲೋರೊಫಿಲ್ ಮತ್ತು ಕೆಂಪು ಮತ್ತು ನೇರಳೆ ಆಹಾರದಲ್ಲಿ ಆಂಥೋಸಯಾನಿನಗಳು ಇರುತ್ತವೆ. ಬಣ್ಣಗಳು ದೇಹದಲ್ಲಿ ಕೆಲವು ನಿರ್ದಿಷ್ಟ ಪಾತ್ರಗಳನ್ನು ನಿರ್ವಹಿಸುತ್ತದೆ. ಈ ಹಿನ್ನೆಲೆ ಡಯಟ್ನಲ್ಲಿ ಅವುಗಳನ್ನು ಸೇರಿಸುವುದು ಅಗತ್ಯವಾಗಿದೆ ಎನ್ನುತ್ತಾರೆ ಅಜಾರ್ ಆಲಿ ಸಯ್ಯದ್
ತಜ್ಞರ ಪ್ರಕಾರ, ದಿನದಲ್ಲಿ ಕನಿಷ್ಠ ಪಕ್ಷ ಮೂರರಿಂದ ನಾಲ್ಕು ವಿಧದ ಹಣ್ಣು ಮತ್ತು ತರಕಾರಿಯನ್ನು ಸೇವನೆ ಮಾಡುವುದರಿಂದ ಕಡಿಮೆ ಕ್ಯಾಲೋರಿ, ಫ್ಯಾಟ್ ಮತ್ತು ಸಕ್ಕರೆ ಕಡಿಮೆ ಪ್ರಮಾಣದಲ್ಲಿ ದೊರಕುತ್ತದೆ. ಫೈಬರ್ ಅಂಶವೂ ಹೆಚ್ಚಿದ್ದು, ಆರೋಗ್ಯಯುತ ಪಾಲಿಫೆನೊಲಸ್ ಸಿಗುವುದರಿಂದ ತೂಕ ನಷ್ಟಕ್ಕೆ ಕಾರಣವಾಗುತ್ತದೆ. ಜೊತೆಗೆ ಸಿಹಿ ತಿನ್ನುವ ಬಯಕೆಯಾಗದಂತೆ ಕಾಪಾಡುತ್ತದೆ.
ಹಣ್ಣುಗಳನ್ನು ತಿನ್ನುವುದರಿಂದ ಜಂಕ್ಫುಡ್ಗಳಲ್ಲಿ ಶೇಖರವಾಗುವ ಹೆಚ್ಚಿನ ಕ್ಯಾಲೋರಿ ನಷ್ಟವನ್ನು ಮಾಡಬಹುದಾಗಿದೆ. ಇದು ತೂಕ ನಷ್ಟದಲ್ಲಿ ಇದು ನಿರ್ಣಾಯಕವಾಗಿದೆ. ಬಾಳೆಹಣ್ಣು, ಅವಕೋಡಾ, ಸಿಹಿ ಜೋಳ, ದ್ರಾಕ್ಷಿ, ಖರ್ಜೂ, ಪಿಗ್ ಮತ್ತು ತೆಂಗಿನ ಕಾಯಿಯಂತಹ ಕೆಲವು ಹಣ್ಣು ಮತ್ತು ತರಕಾರಿಗಳು ಹೆಚ್ಚಿನ ಕ್ಯಾಲೋರಿ ಮತ್ತು ಫ್ಯಾಟ್ ಹೊಂದಿರುತ್ತದೆ.
ಈ ಹಣ್ಣುಗಳು ಮತ್ತು ತರಕಾರಿಗಳು ಹೆಚ್ಚಿನ ಕ್ಯಾಲೋರ ಹೊಂದಿದ್ದರೂ ಸಹ, ಅದನ್ನು ಕೈ ಬಿಡುವ ಅವಶ್ಯಕತೆ ಇರುವುದಿಲ್ಲ. ಕಾರಣ, ಅವುಗಳು ಇನ್ನೂ ಹಲವಾರು ಪೋಷಕಾಂಶಗಳ ಅಮೂಲ್ಯ ಮೂಲವಾಗಿದೆ. ಜೊತೆಗೆ ಅವು ಹೆಚ್ಚಿನ ನಾರಿನಂಶ ಹೊಂದಿದ್ದು ಹೆಚ್ಚಿನ ಸಹಾಯ ಮಾಡುತ್ತದೆ. ಇದರಿಂದ ಕೊಬ್ಬಿನ ಮತ್ತು ಸಕ್ಕರೆಯ ಆಹಾರವನ್ನು ಸೇವಿಸುವ ಸಾಧ್ಯತೆ ಕಡಿಮೆ.
ತರಕಾರಿಗಳನ್ನು ಹಬೆಯಲ್ಲಿ ಬೇಯಿಸಿ ತಿನ್ನಲು ಪ್ರಯತ್ನಿಸಿ, ಇದಕ್ಕೆ ಕಡಿಮೆ ಕ್ಯಾಲರಿ ಅಡುಗೆ ವಸ್ತುಗಳನ್ನು ಸೇರಿಸಿ. ಜೊತೆಗೆ ಹರ್ಬ್ ಮತ್ತು ಮಸಾಲೆ ಬೆರಿಸಿ. ಹೆಚ್ಚಿನ ಬೇಯಿಸುವ ವಿಧಾನದಿಂದ ಅದರ ಕ್ಯಾಲೋರಿ ನಷ್ಟವಾಗುತ್ತದೆ. ಹುರಿಯುವುದರಲ್ಲಿ ಕೂಡ ಇದೇ ರೀತಿ ಆಗುತ್ತದೆ. ಹೆಚ್ಚುವರಿ ಸಕ್ಕರೆ, ಸಿರಪ್, ಕ್ರೀಮ್ ಸಾಸ್‌ಗಳು ಎಚ್ಚರಿಕೆಯಿಂದ ಮಾಡಬೇಕು.
ನೀವು ಈಗಾಗಲೇ ಆಹಾರ ಸೇವಿಸಿದ್ದು, ಅದಕ್ಕೆ ಹೆಚ್ಚುವರಿಯಾಗಿ ಹಣ್ಣು ಮತ್ತು ತರಕಾರಿಗಳನ್ನು ಸೇವನೆ ಮಾಡಲು ಹೋದಾಗ ಅದು ಕ್ಯಾಲೋರಿ ಹೆಚ್ಚಳ ಮತ್ತು ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ. ಈ ಹಿನ್ನೆಲೆ ಡಯಟ್ ಯೋಜನೆಗೆ ತಕ್ಕಂತೆ ಅವುಗಳನ್ನು ಸೇರಿಸಿ, ಬಳಸಿ.
ಇದನ್ನೂ ಓದಿ: ಆರೋಗ್ಯಯುತ ಆಹಾರ ಆಯ್ಕೆ ಜೊತೆಗೆ ಅದನ್ನು ಸರಿಯಾದ ವಿಧಾನದಲ್ಲಿ ಬೇಯಿಸುವುದು ಅವಶ್ಯ
