ಪಾಟ್ ಮಾರಿಗೋಲ್ಡ್ ಕೇವಲ ಅಲಂಕಾರಿನ ಪುಷ್ಪವಲ್ಲ: ಇದರಲ್ಲಿದೆ ಚರ್ಮದ ಯವ್ವನ ಕಾಪಾಡುವ ಗುಣ

ಪಾಟ್ ಮಾರಿಗೋಲ್ಡ್ ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ಕ್ಯಾಲೆಡುಲ ಅಫಿಷಿನಾಲಿಸ್ (Calendula officinalis) ಹೂಬಿಡುವ ಸಸ್ಯವಾಗಿದೆ. ಕ್ಯಾಲೆಡುಲವು ಮನೆಯ ತೋಟಗಳಲ್ಲಿ ಜನಪ್ರಿಯ ಅಲಂಕಾರಿಕ ಸಸ್ಯವಾಗಿದೆ. ಅದ್ಭುತವಾದ ಆಕರ್ಷಣೆಯ ಎಳೆಗಳು ಈ ಹೂವಿನಲ್ಲಿದೆ. ಉತ್ತಮವಾದ ಗಿಡಮೂಲಿಕೆಗಳ ಸುಗಂಧ ದ್ರವ್ಯಗಳನ್ನು ಇದರಿಂದ ಹೆಚ್ಚಾಗಿ ತಯಾರಿಸಲಾಗುತ್ತದೆ.

ಪಾಟ್ ಮಾರಿಗೋಲ್ಡ್ ಎಂದರೆ ಕೇವಲ ಅದೊಂದು ಹೂವು ಅಂತಾ ಅಂದುಕೊಡಿರೋರೆ ಹೆಚ್ಚು. ಹೌದು ಅದು ಹೂವೇ ಆದರೆ, ಅದರ ಗುಣಲಕ್ಷಣಗಳ ವಿಷಯಕ್ಕೆ ಬಂದರೆ ಅದೊಂದು ಔಷದ. ಈ ಕಾರಣಕ್ಕೆ ಇದು ಮೌಲ್ಯಯುಳ್ಳ ಬೇಡಿಕೆಯುಕ್ತ ಹೂವು. ಬನ್ನಿ ಇದರ ಬಗ್ಗೆ ತಿಳಿಯೋಣ.

ಪಾಟ್ ಮಾರಿಗೋಲ್ಡ್ ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ಕ್ಯಾಲೆಡುಲ ಅಫಿಷಿನಾಲಿಸ್ (Calendula officinalis) ಹೂಬಿಡುವ ಸಸ್ಯವಾಗಿದೆ. ಕ್ಯಾಲೆಡುಲವು ಮನೆಯ ತೋಟಗಳಲ್ಲಿ ಜನಪ್ರಿಯ ಅಲಂಕಾರಿಕ ಸಸ್ಯವಾಗಿದೆ. ಅದ್ಭುತವಾದ ಆಕರ್ಷಣೆಯ ಎಳೆಗಳು ಈ ಹೂವಿನಲ್ಲಿದೆ. ಉತ್ತಮವಾದ ಗಿಡಮೂಲಿಕೆಗಳ ಸುಗಂಧ ದ್ರವ್ಯಗಳನ್ನು ಇದರಿಂದ ಹೆಚ್ಚಾಗಿ ತಯಾರಿಸಲಾಗುತ್ತದೆ. ಅಷ್ಟೆ ಅಲ್ಲ ಹೂವಿನ ಎಲೆಗಳು, ದಳಗಳು ಮತ್ತು ಬೀಜಗಳಿಂದ ತಯಾರಿಸಿದ ಸಾರವನ್ನು ಆಯುರ್ವೇದ ಮತ್ತು ಚೈನೀಸ್ ಔಷಧಗಳಲ್ಲಿ ದೀರ್ಘಕಾಲದಿಂದ ಬಳಸಿಕೊಂಡು ಬರಲಾಗುತ್ತಿದೆ.

ಇನ್ನು ಪಾಶ್ಚಿಮಾತ್ಯ ವೈದ್ಯಕೀಯದಲ್ಲಿ ಈ ಹೂವನ್ನು ಹುಣ್ಣುಗಳನ್ನು ಗುಣಪಡಿಸಲು, ಸ್ನಾಯು ಸೆಳೆತ ತಡೆಗಟ್ಟಲು ಮತ್ತು ಜ್ವರ ನಿಯಂತ್ರಣ ಮಾಡಲು ಬಳಸಲಾಗುತ್ತದೆ. ಇದು ಸೂಕ್ಷ್ಮ ಚರ್ಮಕ್ಕೆ ವಿಶೇಷವಾಗಿ ತುಂಬಾ ಅನುಕೂಲಕರ. ಭಾರತದಲ್ಲಿನ ಪ್ರಮುಖ ತ್ವಚೆಯ ಬ್ರ್ಯಾಂಡ್‌ನ ಶೈಕ್ಷಣಿಕ ಘಟಕದ ವ್ಯವಸ್ಥಾಪಕ ರಜತ್ ಮಾಥುರ್ ಅವರು ಈ ಹೂವಿನಲ್ಲಿರುವ ಕೆಲವು ಪ್ರಮುಖ ಪ್ರಯೋಜನಗಳನ್ನು ತಿಳಿಸಿದ್ದಾರೆ.

ಉರಿಯೂತಕ್ಕೆ ವಿದಾಯ ಹೇಳಿ: ಉರಿಯೂತವು ಚರ್ಮಕ್ಕೆ ಸಾಕಷ್ಟು ಹಾನಿಯನ್ನುಂಟು ಮಾಡುತ್ತದೆ. ಈ ಹೂವು ಉರಿಯೂತದ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಪರಿಣಾಮಗಳನ್ನು ಹೊಂದಿರುವ ನೈಸರ್ಗಿಕ ಔಷಧವಾಗಿದೆ. ಇದು ಮೊಡವೆ, ಬಿಸಿಲು, ರೊಸಾಸಿಯಾ, ಸೋರಿಯಾಸಿಸ್, ಎಸ್ಜಿಮಾ, ಅಥವಾ ಕಾಲಜನ್ ಸ್ಥಗಿತದಿಂದ ಉಂಟಾಗುವ ಚರ್ಮದ ಕಿರಿಕಿರಿಯನ್ನು ನಿವಾರಿಸುತ್ತದೆ. ಕ್ಯಾಲೆಡುಲದಲ್ಲಿ ಕಂಡುಬರುವ ಫ್ಲೇವನಾಯ್ಡ್‌ಗಳು, ಸಪೋನಿನ್‌ಗಳು ಮತ್ತು ಟ್ರೈಟರ್‌ಪೆನಾಯ್ಡ್‌ಗಳು ಉರಿಯೂತದ ನಿಯಂತ್ರಣ ಗುಣಲಕ್ಷಣಗಳನ್ನು ಹೊಂದಿವೆ.

ಚರ್ಮದ ಕೆರೆತಕ್ಕೆ ರಾಮಬಾಣ : ಸೂಕ್ಷ್ಮ, ಎಣ್ಣೆಯುಕ್ತ ಅಥವಾ ಮೊಡವೆ ಪೀಡಿತ ಚರ್ಮಕ್ಕೆ ಕ್ಯಾಲೆಡುಲ ಉತ್ತಮ ಔಷಧವಾಗಿದೆ. ಇದು ಕಪ್ಪು ಕಲೆಗಳು, ಕಲೆಗಳು, ಮೊಡವೆಗಳು ಮತ್ತು ಮೊಡವೆ ಕಲೆಗಳನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ. ತುಂಬಾ ನಯವಾದ ಚರ್ಮ ರೂಪುಗೊಳ್ಳಲು ಸಹಕಾಯಕಾರಿ.

ಚರ್ಮದಲ್ಲಿ ತೇವಾಂಶತೆ: ತ್ವಚೆಯನ್ನು ಹೈಡ್ರೀಕರಿಸುವಲ್ಲಿ ವಿಫಲವಾದರೆ ತುರಿಕೆಯಿಂದ ಸುಕ್ಕುಗಳು ಪ್ರಾರಂಭವಾಗುತ್ತವೆ ಹಾಗೆ ವಿವಿಧ ಚರ್ಮದ ಸಮಸ್ಯೆಗಳು ಸಹ ಉಂಟಾಗಬಹುದು. ಆದರೆ, ಈ ಹೂವು ಚರ್ಮವನ್ನು ತೇವಗೊಳಿಸಲು ಉತ್ತಮ ಮಾರ್ಗವಾಗಿದೆ. ಕ್ಯಾಲೆಡುಲ ಎಣ್ಣೆಯು ಇದಕ್ಕೆ ಹೆಚ್ಚು ಪರಿಣಾಮಕಾರಿ. ಇದು ತ್ವರಿತವಾಗಿ ಚರ್ಮ ಪ್ರವೇಶಿಸಲು ಮತ್ತು ಆಳವಾದ ಪದರಗಳನ್ನು ಹೈಡ್ರೇಟ್ ಮಾಡಲು ಅನುಕೂಲಕರವಾಗಲಿದೆ.

ಕಾಲಜನ್ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ: ಕಾಲಜನ್ ಚರ್ಮದ ವಿನ್ಯಾಸ ಹೆಚ್ಚಿಸುವ ಪ್ರಮುಖ ಪ್ರೋಟೀನ್ ಆಗಿದೆ. ಚರ್ಮ ಗಾಯವನ್ನ ಗುಣಪಡಿಸುವ ಪ್ರಕ್ರಿಯೆಯಲ್ಲಿ ಗ್ಲೈಕೊಪ್ರೋಟೀನ್‌ಗಳು, ನ್ಯೂಕ್ಲಿಯೊಪ್ರೋಟೀನ್‌ಗಳು ಮತ್ತು ಕಾಲಜನ್‌ನ ಚಯಾಪಚಯವನ್ನು ವೇಗಗೊಳಿಸುವ ಸಾಮರ್ಥ್ಯದಿಂದಾಗಿ ಕ್ಯಾಲೆಡುಲವನ್ನು ಸೌಂದರ್ಯವರ್ಧಕ ತ್ವಚೆ ಉತ್ಪನ್ನಗಳಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ. ಇದು ಬಹಳಷ್ಟು ಉತ್ಕರ್ಷಣ ನಿರೋಧಕಗಳನ್ನು ಹೊಂದಿರುತ್ತದೆ ಮತ್ತು ಸ್ವತಂತ್ರ ರಾಡಿಕಲ್​ಗಳನ್ನು ತಟಸ್ಥಗೊಳಿಸುತ್ತದೆ. ಸುಕ್ಕುಗಳು, ಸೂಕ್ಷ್ಮ ರೇಖೆಗಳನ್ನು ನಿಯಂತ್ರಣ ಮಾಡಲು ಸಹಾಯ ಮಾಡುತ್ತದೆ.

ಸೂರ್ಯನಿಂದ ರಕ್ಷಣೆ : ನೀವು ಸನ್‌ಸ್ಕ್ರೀನ್ ಬಳಸದಿದ್ದರೆ ಚರ್ಮವು ವಿವಿಧ ಸಮಸ್ಯೆಗಳಿಗೆ ಒಳಗಾಗುತ್ತದೆ. ರಕ್ಷಣೆ ಇಲ್ಲದೇ, ಅತಿಯಾದ ಸೂರ್ಯನ ಬೆಳಕು ಅಥವಾ ಯುವಿ ಬೆಳಕು ಚರ್ಮದ ಸುಡುವಿಕೆಗೆ ಕಾರಣವಾಗಬಹುದು. ಕ್ಯಾಲೆಡುಲ ನವ ಯೌವನ ಪಡೆಯುವ ಪ್ರಯೋಜನಗಳನ್ನು ಹೊಂದಿದೆ ಮತ್ತು ಚರ್ಮದ ನೈಸರ್ಗಿಕ ವರ್ಣದ್ರವ್ಯವನ್ನು ಉಳಿಸಿಕೊಂಡು ಯುವಿ ಕಿರಣಗಳಿಂದ ಚರ್ಮವನ್ನು ರಕ್ಷಿಸಲು ಸನ್‌ಸ್ಕ್ರೀನ್ ಕ್ರೀಮ್ ಆಗಿ ಬಳಸಬಹುದು.

ಚರ್ಮದ ಆರೋಗ್ಯಕ್ಕೆ ಸಹಾಯಕ: ಕ್ಯಾಲೆಡುಲ ಎಣ್ಣೆಯು ಉರಿಯೂತದ ಪರಿಣಾಮ ನಿಯಂತ್ರಣ ಮಾಡುವ ಗುಣ ಹೊಂದಿದೆ ಚರ್ಮದ ರಕ್ತದ ಹರಿವು ಮತ್ತು ಆಮ್ಲಜನಕವನ್ನು ಸುಧಾರಿಸುವ ಕ್ಯಾಲೆಡುಲದ ಸಾಮರ್ಥ್ಯವು ಅಲ್ಲಿ ಏನೇ ಗಾಯವಾದರೂ ಅದನ್ನು ಗುಣಪಡಿಸುವ ಶಕ್ತಿಯನ್ನು ಹೆಚ್ಚಿಸುತ್ತದೆ. ಇದು ಚರ್ಮಕ್ಕೆ ರಕ್ತದ ಹರಿವನ್ನು ಸುಧಾರಿಸುವುದಷ್ಟೇ ಅಲ್ಲದೆ ಚರ್ಮವು ಸರಿಯಾಗಿ ಕಾರ್ಯನಿರ್ವಹಿಸಲು ಕಾರಣವಾಗುತ್ತದೆ.

ಕಿರಿಕಿರಿ ಉಂಟುಮಾಡುವ ಚರ್ಮದ ಗುಣಪಡಿಸುವಿಕೆ : ಕಿರಿಕಿರಿಯು ಹಲವಾರು ಆಂತರಿಕ ಮತ್ತು ಬಾಹ್ಯ ಅಂಶಗಳಿಂದ ಉಂಟಾಗಬಹುದು. ಕಿರಿಕಿರಿಯುಂಟುಮಾಡುವ ಚರ್ಮದ ಪರಿಣಾಮ ಹೆಚ್ಚು ತುರಿಕೆಗೆ ಕಾರಣಬವಾಗುತ್ತದೆ. ಕ್ಯಾಲೆಡುಲದ ಹಿತವಾದ ಗುಣವು ಚರ್ಮದ ಮೇಲಿನ ಯಾವುದೇ ಕೆಟ್ಟ ಸಂಗ್ರಹವನ್ನು ತೆಗೆದುಹಾಕಲು ಮತ್ತು ಸಮಸ್ಯೆಯ ಚರ್ಮವನ್ನು ಶಾಂತಗೊಳಿಸಲು ಇದು ಸಹಾಯ ಮಾಡುತ್ತದೆ.

ಈ ಹೂವಿನಿಂದ ತಯಾರು ಮಾಡುವ ಎಲ್ಲ ರೀತಿಯ ವಸ್ತುಗಳನ್ನು ಹಲವು ಸಮಸ್ಯೆಗಳ ನಿವಾರಣೆಗೆ ಶತಮಾನಗಳಿಂದ ಬಳಸಲಾಗುತ್ತಿದೆ. ಇದು ತ್ವಚೆಗೆ ಹೆಚ್ಚಿನ ಮಹತ್ವ ಕೊಡುವವರ ನೆಚ್ಚಿನ ಆಯ್ಕೆ ಆಗಿದೆ.

ಇದನ್ನೂ ಓದಿ: ಚಕ್ರತೀರ್ಥರನ್ನು ಸಮಿತಿಯಿಂದ ವಜಾಗೊಳಿಸಿ: ಪಾಂಡೋಮಟ್ಟಿ ಶ್ರೀ ಗುರುಬಸವ ಸ್ವಾಮೀಜಿ