ನವದೆಹಲಿ: ಉನ್ಮಾದ ಮತ್ತು ಖಿನ್ನತೆಯಂತಹ ಗಂಭೀರ ಮಾನಸಿಕ ಗೊಂದಲದ ಲಕ್ಷಣ ಹೊಂದಿರುವ ಬೈಪೋಲಾರ್ ಸಮಸ್ಯೆ ಹೊಂದಿರುವವರು ಧೂಮಪಾನಿಗಳಿಗಿಂತಲೂ ಹೆಚ್ಚಿನ ಅಕಾಲಿಕ ಸಾವಿನ ಅಪಾಯ ಹೊಂದಿದ್ದಾರೆ ಎಂದು ಸಂಶೋಧನೆ ತಿಳಿಸಿದೆ. ಅಮೆರಿಕದ ಮಿಚಿಗನ್ ಯೂನಿವರ್ಸಿಟಿ ಸಂಶೋಧಕರು, ಧೂಮಪಾನ ಮಾಡಿದವರು ಧೂಮಪಾನ ಮಾಡಿರದ ಬೈಪೋಲಾರ್ ಆರೋಗ್ಯ ಸಮಸ್ಯೆ ಹೊಂದಿರುವವರ ಸಾವಿನ ಕುರಿತು ದೊಡ್ಡ ಮಟ್ಟದಲ್ಲಿ ವಿಶ್ಲೇಷಣೆ ನಡೆಸಿದ್ದಾರೆ.
ಈ ಕುರಿತು ಜರ್ನಲ್ ಸೈಕಿಯಾಟ್ರಿಕ್‌ನಲ್ಲಿ ವರದಿ ಪ್ರಕಟಿಸಲಾಗಿದೆ. ಈ ಅಧ್ಯಯನದಲ್ಲಿ ಬೈಪೋಲಾರ್ ಸಮಸ್ಯೆ ಹೊಂದಿರುವವರು ಈ ಸಮಸ್ಯೆ ಹೊಂದಿರದವರಿಗಿಂತ ಅಕಾಲಿಕವಾಗಿ ಸಾವನ್ನಪ್ಪುವ ಪ್ರಮಾಣ ಆರು ಪಟ್ಟು ಹೆಚ್ಚಿದೆ ಎಂದಿದ್ದಾರೆ. ಇದಕ್ಕೆ ತದ್ವಿರುದ್ಧವಾಗಿ ಧೂಮಪಾನ ಮಾಡುವವರು ಧೂಮಪಾನ ಮಾಡದವರಿಗಿಂತ ಅಕಾಲಿಕವಾಗಿ ಸಾವನ್ನಪ್ಪುವ ಸಂಖ್ಯೆ ಎರಡು ಪಟ್ಟು ಹೆಚ್ಚು ಎಂದು ಮಾಹಿತಿ ನೀಡಿದ್ದಾರೆ.
ಈ ಸಾವಿನಲ್ಲಿ ಸಂಪೂರ್ಣವಾಗಿ ವ್ಯತ್ಯಾಸ ಹೊಂದಿದ್ದು, ಆರೋಗ್ಯ ಮತ್ತು ಜೀವನಶೈಲಿಯೂ ಇದಕ್ಕೆ ಕೊಡುಗೆ ನೀಡುತ್ತದೆ. ಅಕಾಲಿಕ ಸಾವು ತಡೆಯಲಿ ಹೆಚ್ಚಿನ ಪ್ರಯತ್ನ ನಡೆಸಬೇಕಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ. ಬೈಪೋಲಾರ್ ಅಸ್ವಸ್ಥತೆಯಲ್ಲಿ ಸಾವಿನ ಅಪಾಯದ ಅಂಶಗಳು ದೀರ್ಘವಾಗಿ ಕಾಣಬಹುದಾಗಿದೆ ಎಂದು ಅಧ್ಯಯನದ ಪ್ರಮುಖ ಲೇಖಕ ಅನಸ್ಟಸಿಯಾ ಯೊಕುಮ್ ತಿಳಿಸಿದ್ದಾರೆ. ಈ ಅಸ್ವಸ್ಥತೆಯನ್ನು ಹೋಲಿಕೆಯಲ್ಲಿ ಕಾಣಬೇಕಿದೆ ಮತ್ತು ಜೀವನಶೈಲಿ ನಡುವಳಿಕೆಗಳು ಹೆಚ್ಚಿನ ಅಕಾಲಿಕ ಸಾವಿನ ಅಪಾಯದ ದರಕ್ಕೆ ಸಂಬಂಧಿಸಿದೆ ಎಂದು ಎಚ್ಚರಿಸಿದ್ದಾರೆ.
ಸಂಶೋಧಕರ ತಂಡವು ಬೈಪೋಲಾರ್ ಸಮಸ್ಯೆ ಹೊಂದಿದ ಮತ್ತು ಹೊಂದಿರದ 1,128 ಮಂದಿಯ ಸಾವಿನ ಸಂಬಂಧಿ ಅಂಶಗಳ ಕುರಿತು ಪರಿಶೀಲನೆ ನಡೆಸಿದೆ. 2006ರಿಂದ ನಡೆಸಿದ ಅಧ್ಯಯನದಲ್ಲಿ 56 ಸಾವಿನಲ್ಲಿ 2 ಅನ್ನು ಹೊರತುಪಡಿಸಿ ಎಲ್ಲರೂ ಬೈಪೋಲಾರ್ ಡಿಸಾರ್ಡರ್ ಹೊಂದಿರುವರು ಎಂದು ತಂಡ ಕಂಡುಕೊಂಡಿದೆ.
ಸಂಶೋಧಕರು 18 ಸಾವಿರ ಮಂದಿ ಗೊತ್ತಿಲ್ಲದ ರೋಗಿಗಳ ದಾಖಲೆಗಳನ್ನು ವಿಶ್ಲೇಷಿಸಿದ್ದಾರೆ. ಇದರಲ್ಲಿ ಬೈಪೋಲಾರ್ ಸಾವಿನ ಅಪಾಯವೂ ನಾಲ್ಕು ಪಟ್ಟು ಹೆಚ್ಚಿದೆ ಎಂಬುದು ತಿಳಿದು ಬಂದಿದೆ. ತಂಡವೂ ಬೈಪೋಲಾರ್ ಸಮಸ್ಯೆ ಹೊಂದಿರುವ 10,700ಕ್ಕೂ ಹೆಚ್ಚು ಜನರನ್ನು ಯಾವುದೇ ಮಾನಸಿಕ ಸಮಸ್ಯೆ ಹೊಂದಿರದ 7,800 ಮಂದಿಯೊಂದಿಗೆ ಹೋಲಿಕೆ ಮಾಡಿದ್ದಾರೆ. ಈ ವೇಳೆ ಪತ್ತೆಯಾದ ಒಂದೇ ಅಂಶ ಎಂದರೆ ರಕ್ತದೊತ್ತಡವಾಗಿದೆ. ಬೈಪೋಲಾರ್ ಸಮಸ್ಯೆ ಹೊಂದಿರಲಿ ಹೊಂದಿರದೇ ಇರಲಿ ಅಧಿಕ ರಕ್ತದೊತ್ತಡ ಹೊಂದಿರುವವರು ಸಾಮಾನ್ಯ ರಕ್ತದೊತ್ತಡ ಹೊಂದಿರದವರಿಗಿಂತ ಸಾವಿನ ಸಾಧ್ಯತೆ ಐದು ಪಟ್ಟು ಹೆಚ್ಚಿದೆ. (ಐಎಎನ್ಎಸ್)
ಇದನ್ನೂ ಓದಿ: ಗಂಭೀರ ಮಾನಸಿಕ ಆರೋಗ್ಯ ಸಮಸ್ಯೆಯಲ್ಲಿ ಎಡಿಎಚ್ಡಿ ಅಪಾಯದ ಅಂಶಗಳು; ಅಧ್ಯಯನ
