ನವದೆಹಲಿ: ಬೇಸಿಗೆ ಬಂತೆಂದರೆ ಸಾಕು ದೇಹಕ್ಕೆ ತಂಪು ನೀಡುವ ಪಾನೀಯಗಳನ್ನು ಮನಸು ಬಯಸುತ್ತದೆ. ಈ ಸಮಯದಲ್ಲಿ ದೇಹ ನಿರ್ಬಲೀಕರಣಗೊಳ್ಳದಂತೆ, ರುಚಿಕರ ತಂಪಾಗಿರುವ ಈ ಪಾನೀಯಗಳು ನಿಮ್ಮನ್ನು ತಾಜಾತನದಿಂದ ಇರುವಂತೆ ಕಾಪಾಡುತ್ತದೆ. ಈ ಋತುಮಾನದಲ್ಲಿ ಹೆಚ್ಚಾಗಿ ಬಳಕೆಯಾಗುವ ಕೆಲವು ಪಾನೀಯಗಳನ್ನು ಒಮ್ಮೆ ಸವಿಯಲೇ ಬೇಕು.
ಆಮ್ ಪನ್ನಾ: ಬೇಸಿಗೆ ಎಂದರೆ ಅದು ಹಣ್ಣುಗಳ ರಾಜ ಮಾವಿನ ಸಮಯ. ಅದರಲ್ಲೂ ಮಾವು ಮಾಗುವ ಮೊದಲೇ ಅದರ ಹುಳಿ ಸಿಹಿ ತಿರಳಿನೊಂದಿಗೆ ಈ ಪಾನೀಯ ತಯಾರಿಸಬಹುದು. ಮಾವಿನ ತಿರುಳಿಗೆ, ಜೀರಿಗೆ, ಪುದಿನಾ ಎಲೆಗಳನ್ನು ಮಿಶ್ರಣ ಮಾಡಿ ಜ್ಯೂಸ್ ಮಾಡಿ ಕುಡಿಯಬಹುದು. ಪಕ್ಕಾ ಭಾರತೀಯ ಶೈಲಿಯ ಈ ಪಾನೀಯ ಮನತಣಿಸುವುದು ಮಾತ್ರವಲ್ಲದೇ ದೇಹಕ್ಕೂ ಶಕ್ತಿಯನ್ನು ನೀಡುತ್ತದೆ. ಇದು ದೇಹವನ್ನು ಹೈಡ್ರೇಟ್ ಆಗಿಡಲು ಸಹಾಯ ಮಾಡುತ್ತದೆ.
ಬೇಕಾಗುವ ಸಾಮಗ್ರಿ: ಹಸಿರು ಭರಿತ ಕಚ್ಛಾ ಮಾವು 500 ಗ್ರಾಂ, ಸಕ್ಕರೆ ಅರ್ಧ ಕಪ್, ಉಪ್ಪು 2 ಸ್ಪೂನ್, ಕಪ್ಪು ಉಪ್ಪು ರುಚಿಗೆ, ಉರಿದು ಪುಡಿ ಮಾಡಿದ ಜೀರಿಗೆ 2 ಟಿ. ಸ್ಪೂನ್, ಚೆನ್ನಾಗಿ ಹೆಚ್ಚಿದ ಪುದಿನಾ 2 ಟಿ. ಸ್ಪೂನ್, ನೀರು 2 ಕಪ್.
ಮಾಡುವ ವಿಧಾನ: ಮಾವಿನ ಹಣ್ಣನ್ನು ಮೃದುವಾಗುವಂತೆ ಬೇಯಿಸಿ, ಅದರ ಸಿಪ್ಪೆ ಬಣ್ಣ ಬದಲಾಯಿಸಿದ ಬಳಿಕ ಅದನ್ನು ತಣ್ಣಾಗಲು ಬಿಡಿ. ಸಿಪ್ಪೆ ತೆಗೆದು ಅದರ ತಿರುಳನ್ನು ಮೇಲೆ ಹೇಳಿದ ಪಾದಾರ್ಥಗಳೊಂದಿಗೆ ಹೆಚ್ಚಾಗಿ ರುಚ್ಚಿ. ಇದಕ್ಕೆ ಬೇಕಾದಲ್ಲಿ ಐಸನ್ನು ಸೇರಿಸಬಹುದು.
ಐಸ್ಡ್ ಜಲ್ಜೀರಾ: ಶಕ್ತಿಯುತವಾದ ಈ ಪಾನೀಯ ಚಯಪಚಯನಕ್ಕೂ ಸಹಾಯ ಮಾಡುತ್ತದೆ.
ಬೇಕಾಗುವ ಸಾಮಗ್ರಿಗಳು: ಹುಣಸೆಹಣ್ಣಿನ ತಿರುಳು 125 ಗ್ರಾಂ, ಪುದಿನಾ ಎಲೆ 3 ಟಿ. ಸ್ಪೂನ್, ಜೀರಿಗೆ ಪುಡಿ ಅರ್ಥ ಟಿ. ಸ್ಪೂನ್, ಬೆಲ್ಲ 50 ಗ್ರಾಂ, ಕಪ್ಪು ಉಪ್ಪು 4 ಸ್ಪೂನ್, ಶುಂಠಿ ಮಿಶ್ರಿತ ಉಪ್ಪು, ನಿಂಬೆ ರಸ 3-4 ಟಿ. ಸ್ಪೂನ್, ಚಿಟಿಕೆ ಖಾರದ ಪುಡಿ, ಗರಂ ಮಸಾಲ ಅರ್ಧ ಟಿ.ಸ್ಪೂನ್ ನೀರು ಅರ್ಧ ಲೀಟರ್.
ಮಾಡುವ ವಿಧಾನ: ಮೇಲೆ ತಿಳಿಸಿದ ಎlfl ಸಾಮಗ್ರಿಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ, ಮಿಕ್ಸಿ ಮಾಡಿ. ರಾತ್ರಿ ಇಡೀ ಹಾಗೇ ಬಿಡಿ. ಅದನ್ನು ನಂತರ ಸೋಸಿಕೊಳ್ಳಿ. ಅದನ್ನು ಸೇವಿಸಿ.
ಸತ್ತು ಶರಬತ್: ಬಿಹಾರದಲ್ಲಿ ಖ್ಯಾತಿ ಪಡೆದಿರುವ ಈ ಪಾನೀಯ ಬೇಸಿಗೆಯ ರುಚಿ ಹೆಚ್ಚಿಸುತ್ತದೆ. ಬಹುತೇಕರಿಗೆ ತಿಳಿದಿರುವ ಈ ಪಾನೀಯ ಮಾಡುವ ವಿಧಾನ ಕೂಡ ಸುಲಭ.
ಬೇಕಾಗುವ ಸಾಮಗ್ರಿಗಳು: ಚನ ಸತ್ತು- 4ಕಪ್, ತಂಪು ನೀರು- 4 ಕಪ್, ನಿಂಬೆ ಜ್ಯೂಸ್- 2 ಟೀ. ಸ್ಪೂನ್, ಹುರಿದ ಜೀರಿಗೆ ಪುಡಿ ಅರ್ಧ ಟಿ. ಸ್ಪೂನ್, ಪುದಿನಾ ಎಲೆ 2 ಟಿ. ಸ್ಪೂನ್, ಕಪ್ಪು ಉಪ್ಪು ರುಚಿಗೆ, ಹಸಿರುವ ಮೆಣಸಿನಕಾಯಿ 1, ಕಚ್ಚಾ ಮಾವು 2 ಟಿ. ಸ್ಪೂನ್.
ವಿಧಾನ: ಮೇಲೆ ತಿಳಿಸಿದ ಎಲ್ಲ ಸಾಮಗ್ರಿಗಳನ್ನು ಚೆನ್ನಾಗಿ ಹಾಕಿ ಮಿಶ್ರಣ ಮಾಡಿ, ರುಬ್ಬಬೇಕು. ಬಳಿಕ ಐಸ್ ಕ್ಯೂಬ್ನೊಂದಿಗೆ ಸೇವಿಸಹುದು.
ಮ್ಯಾಂಗೋ ಲಸ್ಸಿ: ಸಂಪದ್ಬರಿತ ಗುಣಗಳನ್ನು ಹೊಂದಿರುವ ಲಸ್ಸಿ ಉತ್ತಮ ಆಯ್ಕೆ. ಮಾವಿನ ತಿರುಳು ಮತ್ತು ಯೋಗರ್ಟ್ ಜೊತೆಗೆ ಐಸ್ ಇದರ ರುಚಿ ಹೆಚ್ಚಿಸುತ್ತದೆ.
ಬೇಕಾಗುವ ಸಾಮಗ್ರಿ: 125 ಎಂಎಲ್ ಮೊಸರು, ಐಸ್ಡ್ ವಾಟರ್ 200 ಮಿಲಿ, ಐಸ್ ಕ್ಯೂಬ್ 8, ಹೆಚ್ಚಿನ ಮಾವು 1, ಸಕ್ಕರೆ 1 ಟಿ.ಸ್ಪೂನ್, ಒಣ ಪುದಿನಾ ಪುಡಿ. ಇವೆಲ್ಲಾವನ್ನು ಮಿಶ್ರಣ ಮಾಡಿ ರುಬ್ಬಿ, ಚಿಲ್ ಆಗಿ ಸೇವಿಸಬಹುದು.
ಬಾರ್ಲಿ ನೀರು: ದೇಹವನ್ನು ನಿರ್ಜಲೀಕರಣಗೊಳ್ಳದಂತೆ ಕಾಪಾಡುವ ಈ ನೀರು ಸಂಪ್ರದಾಯಿಕ ಪಾನೀಯವಾಗಿದೆ. ಆರೋಗ್ಯ ಜೊತೆಗೆ ಪೌಷ್ಟಿಕಾಂಶ ಹೊಂದಿದೆ.
ಬೇಕಾಗುವ ಸಾಮಗ್ರಿ: ಬಾರ್ಲಿ ಕಾಲು ಕಪ್, ನೀರು 4 ಕಪ್, ಉಪ್ಪು ರುಚಿಗೆ ತಕ್ಕಷ್ಟು, ಜೇನು ತುಪ್ಪ (ಬೇಕಾದಲ್ಲಿ) ನಿಂಬೆ ಹುಳಿ (ಬೇಕಾದಲ್ಲಿ)
ಮಾಡುವ ವಿಧಾನ: ಬಾರ್ಲಿಯನ್ನು ನೀರಿನಲ್ಲಿ ಚೆನ್ನಾಗಿ 30 ನಿಮಿಷಗಳ ಕಾಲ ಸಣ್ಣ ಹುರಿಯಲ್ಲಿ ಕುದಿಸಿ. ಇದನ್ನು ಶೋಧಿಸಿ, ಇದಕ್ಕೆ ನಿಂಬೆ ರಸ, ಬೇಕಾದಲ್ಲಿ ಜೇನುತುಪ್ಪ ಸೇರಿಸಿ, ತಣ್ಣಗಾಗಲು ಬಿಡಿ. ಇದನ್ನೂ ಬೇಕಾದಲ್ಲಿ ಫ್ರಡ್ಜ್ನಲ್ಲಿಟ್ಟು ಕುಡಿಯಬಹುದು.
ಇದನ್ನೂ ಓದಿ: ಬೇಸಿಗೆಯಲ್ಲಿ ತಂಪಾಗಿರಲು ಕಲ್ಲಂಗಡಿ ಪಾನೀಯಗಳು..
