ಗುರುಮಠಕಲ್ (ಯಾದಗಿರಿ): ಹೋಟೆಲ್ನಲ್ಲಿ ಊಟ ಮಾಡಿ ವಾಪಸಾಗುತ್ತಿದ್ದ ವೇಳೆ ವಿದ್ಯುತ್ ತಂತಿ ಸ್ಪರ್ಶಿಸಿ ಯುವಕರಿಬ್ಬರು ಮೃತಪಟ್ಟಿರುವ ದಾರುಣ ಘಟನೆ ತೆಲಂಗಾಣದ ನಾರಾಯಣಪೇಟ್ನಲ್ಲಿ ನಡೆದಿದೆ.
ಮೃತರನ್ನು ಗುರುಮಠಕಲ್ನ ವಂಶಿರಾಜ್ ಪತ್ತಿ (21) ರವಿ ಹೂಗಾರ್ (22) ಎಂದು ಗುರುತಿಸಲಾಗಿದೆ. ಹೋಟೆಲ್ ಟೆರೆಸ್ನಲ್ಲಿ ಊಟ ಮಾಡಿ ಮರಳುವ ವೇಳೆ ವಿದ್ಯುತ್ ತಂತಿ ಸ್ಪರ್ಶಿಸಿ ಅವಘಡ ಸಂಭವಿಸಿದೆ.
ಹೋಟೆಲ್ ಮೇಲ್ಭಾಗ ಹಾದು ಹೋಗಿದ್ದ ವಿದ್ಯುತ್ ತಂತಿಯಿಂದ ಸ್ನೇಹಿತನಿಗೆ ಶಾಕ್ ಹೊಡೆಯುತ್ತಿರುವುದನ್ನು ಕಂಡು ಆತನನ್ನು ತಪ್ಪಿಸಲು ಹೋಗಿ ಇನ್ನೋರ್ವನಿಗೂ ವಿದ್ಯುತ್ ತಗುಲಿದೆ. ಈ ಇಬ್ಬರೂ ಸಾವನ್ನಪ್ಪಿದ್ದಾರೆ.
ಘಟನೆ ಸಂಬಂಧ ನಾರಾಯಣಪೇಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಓದಿ: ಬೆಂಗಳೂರಲ್ಲಿ ಪಾರ್ಕಿಂಗ್ ಸಿಬ್ಬಂದಿ ಯಾಮಾರಿಸಿ ಕಾರ್ ಕದ್ದೊಯ್ದ ಖದೀಮರು
