ಯಾದಗಿರಿ : ರೈತ ಮಹಿಳೆ ಮೇಲೆ ಪಿಎಸ್ ಐ ದರ್ಪ ತೋರಿಸಿದ್ದಾರೆ ಎನ್ನುವ ವಿಡಿಯೋ ಈಗ ಎಲ್ಲಾ ಕಡೆ ಸದ್ದು ಮಾಡುತ್ತಿದೆ. ಗುರುಮಠಕಲ್ ಪಿಎಸ್ ಐ ಗಂಗಾ ಅವರು ಮಹಿಳೆಯನ್ನು ತಳ್ಳಿ ಕೆಳಗೆ ಕೆಡವಿದ್ದಾರೆ.
ಶೇಂಗಾ ಬೀಜ ಪಡೆಯಲು ಮುಗಿ ಬಿದ್ದ ರೈತ ಮಹಿಳೆಯರನ್ನು ನಿಯಂತ್ರಣ ಮಾಡಲು ಹೋದ ಪೊಲೀಸರು ಮಹಿಳೆಯರ ಮೇಲೆ ಈ ರೀತಿ ದರ್ಪ ತೋರಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.
ರೈತ ಮಹಿಳೆ ಮೇಲೆ ಪಿಎಸ್ ಐ ದರ್ಪ
ಯಾದಗಿರಿ ಜಿಲ್ಲೆಯ ಗುರುಮಠಕಲ್ ಪಟ್ಟಣದ ರೈತ ಸಂಪರ್ಕ ಕೇಂದ್ರದಲ್ಲಿ ಈ ಘಟನೆ ಜರುಗಿದೆ. ಶೇಂಗಾ ಬೀಜ ಪಡೆಯಲು ನೂಕು ನುಗ್ಗಲು ಉಂಟಾಗಿದೆ. ಇದನ್ನು ನಿಯಂತ್ರಿಸುವಾಗ ಕೋಪಗೊಂಡ ಪಿಎಸ್ ಐ ಮಹಿಳೆಯನ್ನು ನೆಲಕ್ಕೆ ನೂಕಿದ್ದಾರೆ.
