ಯಾದಗಿರಿ: ಮನೆ ಗೋಡೆ ಕುಸಿಯುತ್ತಿದ್ದರೂ ಹೆತ್ತಮ್ಮ ತನ್ನ ಮಡಿಲಲ್ಲಿ ಮಗುವನ್ನು ಇಟ್ಟುಕೊಂಡು, ಅದರ ಜೀವ ಉಳಿಸುವ ಮೂಲಕ ತಾಯಿಯ ಮಮತೆ ಎಂಥಹದ್ದು ಎಂಬುದನ್ನು ಸಾಬೀತು ಮಾಡಿದ್ದಾಳೆ.
ವಡಗೇರಾ ತಾಲೂಕಿನ ನಾಯ್ಕಲ್ ಗ್ರಾಮದಲ್ಲಿ ಮನೆ ಕುಸಿದು 9 ತಿಂಗಳ ಹೆಣ್ಣು ಮಗು, ತಾಯಿ ಸೇರಿದಂತೆ ನಾಲ್ವರು ಗಾಯಗೊಂಡಿದ್ದಾರೆ. ಭಾರೀ ಮಳೆಗೆ ಮನೆ ಗೋಡೆ ನೆನೆದು ಶಿಥಿಲಾವಸ್ಥೆಗೆ ತಲುಪಿತ್ತು. ಇಂದು ಗೋಡೆ ಕುಸಿದು ಬಿದ್ದಿದೆ.
ಯಾದಗಿರಿಯಲ್ಲಿ ಮನೆ ಗೋಡೆ ಕುಸಿತ
ಮನೆ ಗೋಡೆಯ ಕಲ್ಲುಗಳು ಬಿದ್ದಿದ್ದು, ತನ್ನ ಮಗುವನ್ನು ಮಡಿಲಲ್ಲಿ ಇಟ್ಟುಕೊಂಡು ಮೈಮೇಲೆ ಕಲ್ಲು ಮಣ್ಣು ಬಿದ್ದರೂ ಸಹ ಅದರಿಂದ ವಿಚಲಿತಳಾಗದೇ ತಾಯಿಯು ಮಗುವಿನ ಜೀವ ಉಳಿಸಿದ್ದಾಳೆ.
ಘಟನೆಯಲ್ಲಿ ಮಗು ಹಾಗೂ ತಾಯಿ ಸೇರಿದಂತೆ ನಾಲ್ವರಿಗೆ ಗಾಯಗೊಂಡಿದ್ದು, ಸ್ಥಳೀಯರು ಮಾಹಿತಿ ಅರಿತು ಅವರನ್ನು ರಕ್ಷಿಸಿದ್ದಾರೆ. ನಾಲ್ವರನ್ನು ಚಿಕಿತ್ಸೆಗಾಗಿ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ.
