ನದಿ ತೀರದ ಪ್ರದೇಶಗಳತ್ತ ಹೋಗದಂತೆ ಡಂಗೂರ ಸಾರಿ ಜಾಗೃತಿ

ಗ್ರಾಮಸ್ಥರು ನದಿ ತೀರದ ಪ್ರದೇಶಗಳತ್ತ ತೆರಳಬಾರದು ಎಂದು ಯಾದಗಿರಿ ಜಿಲ್ಲಾ ಪೊಲೀಸ್ ಇಲಾಖೆಯಿಂದ ಡಂಗೂರ ಸಾರಿ ಜಾಗೃತಿ ಮೂಡಿಸಲಾಗಿದೆ.

ಯಾದಗಿರಿ: ಗ್ರಾಮಸ್ಥರು ನದಿ ತೀರದ ಪ್ರದೇಶಗಳತ್ತ ತೆರಳಬಾರದು ಎಂದು ಜಿಲ್ಲಾ ಪೊಲೀಸ್ ಇಲಾಖೆ ವತಿಯಿಂದ ಡಂಗೂರ ಸಾರಿ ಜಾಗೃತಿ ಮೂಡಿಸಲಾಯಿತು.

ಜಿಲ್ಲೆಯಾದ್ಯಂತ ಪೊಲೀಸ್ ಇಲಾಖೆ‌ ಹಾಗೂ ಜಿಲ್ಲಾಡಳಿತದಿಂದ ಬಸವಸಾಗರ ಜಲಾಶಯದಿಂದ ಹೆಚ್ಚಿನ ಪ್ರಮಾಣದಲ್ಲಿ ನೀರು ಬಿಡಲಾಗುತ್ತಿದ್ದು, ಹೀಗಾಗಿ ಗ್ರಾಮಸ್ಥರು ನದಿ ತೀರದ ಬಳಿ ಹೋಗದಂತೆ ಡಂಗರು ಸಾರಿದರು.

ಕೃಷ್ಣ ನದಿ‌ ಪಾತ್ರದ ಗ್ರಾಮಗಳಾದ‌ ಕೊಳ್ಳೂರ ಬ್ರಿಡ್ಜ್​, ಹೆಮ್ಮಡಿಗಿ, ಗೌಡಗೇರಾ, ನೀಲಕಂಠರಾಯನ ಗಡ್ಡಿ ಪ್ರದೇಶಗಳ ಗ್ರಾಮಸ್ಥರು ನದಿ ತೀರದ ಬಳಿ ಜನ ಜಾನುವಾರುಗಳನ್ನು ಬಿಡದಂತೆ ಮುನ್ನೆಚ್ಚರಿಕೆ ನೀಡಲಾಗಿದೆ.