ಪೊಲೀಸ್​ ಅಧಿಕಾರಿ, ವಾಹನ ಚಾಲಕನಿಗೆ ಕೊರೊನಾ: ಠಾಣೆ ಸೀಲ್​ಡೌನ್​

ಮೂವರು ಪೊಲೀಸ್ ಕಾನ್ಸ್​​ಟೇಬಲ್​ ಹೋಂ ಕ್ವಾರಂಟೈನ್‌‌ಗೆ ಒಳಪಡಿಸಲಾಗಿದೆ ಎಂದು ತಿಳಿದು ಬಂದಿದೆ. ಎಪಿಎಂಸಿ ಠಾಣೆಗೆ ಸಾರ್ವಜನಿಕರಿಗೆ ನಿಷೇಧ ಹೇರಲಾಗಿದ್ದು ಠಾಣೆಗೆ ಬೀಗ ಹಾಕಲಾಗಿದೆ.

ವಿಜಯಪುರ: ಪೊಲೀಸ್ ಅಧಿಕಾರಿ ಹಾಗೂ ವಾಹನ ಚಾಲಕನಿಗೆ ಕೊರೊನಾ ಪಾಸಿಟಿವ್ ಕಂಡು ಬಂದ ಹಿನ್ನೆಲೆಯಲ್ಲಿ ಎಪಿಎಂಸಿ ಪೊಲೀಸ್ ಠಾಣೆಯನ್ನು ಸೀಲ್​ಡೌನ್​ ಮಾಡಲಾಗಿದೆ.

ಕಳೆದ ಒಂದು ವಾರದಿಂದ ಗುಮ್ಮಟನಗರಿಯಲ್ಲಿ ಕೊರೊನಾ‌ ತನ್ನ ಅಟ್ಟಹಾಸ ಮುಂದುವರಿಸಿದೆ. ಮೂವರು ಪೊಲೀಸ್ ಕಾನ್ಸ್​ಟೇಬಲ್​​​ಗಳನ್ನ ಹೋಂ ಕ್ವಾರಂಟೈನ್‌‌ಗೆ ಒಳಪಡಿಸಲಾಗಿದೆ ಎಂದು ತಿಳಿದು ಬಂದಿದೆ. ಎಪಿಎಂಸಿ ಠಾಣೆಗೆ ಸಾರ್ವಜನಿಕರಿಗೆ ನಿಷೇಧ ಹೇರಲಾಗಿದ್ದು, ಠಾಣೆಗೆ ಬೀಗ ಹಾಕಲಾಗಿದೆ.

ಇನ್ನು ಸಾರ್ವಜನಿಕರ ಸೇವೆ ಅನಿವಾರ್ಯವಾಗಿರುವುದರಿಂದ ಪೊಲೀಸ್​​​​​​​​​​ ಕ್ಯಾಂಟೀನ್​ನಲ್ಲೇ ಇನ್ನುಳಿದ ಪೊಲೀಸರು ತಮ್ಮ ಕರ್ತವ್ಯ ನಿರ್ವಹಣೆ ಮಾಡಲು ಮುಂದಾಗಿದ್ದಾರೆ.