ETV Bharat / state

ಸರ್ಕಾರಿ ಆಸ್ಪತ್ರೆಗಳ ನಿರ್ವಹಣಾ ಜವಾಬ್ದಾರಿ ಖಾಸಗಿಯವರ ಕೈಗೆ: ವಿಜಯಪುರ ಜಿ.ಪಂ. ಸಭೆಯಲ್ಲಿ ಗದ್ದಲ - ವಿಜಯಪುರ ಜಿಲ್ಲಾ ಪಂಚಾಯತ್ ಅಧ್ಯಕ್ಷ ಶಿವಯೋಗಿ ನೇದಲಗಿ

ಆರೋಗ್ಯ ಬಂಧು ಯೋಜನೆಯಡಿ ಸರ್ಕಾರಿ ಆಸ್ಪತ್ರೆಗಳ ನಿರ್ವಹಣೆಯ ಜವಾಬ್ದಾರಿಯನ್ನು, ಖಾಸಗಿ ಸಂಘ-ಸಂಸ್ಥೆಗಳಿಗೆ ನೀಡಲಾಗಿದೆ. ಈ ಕ್ರಮದ ಕುರಿತಾಗಿ ಜಿಲ್ಲಾ ಪಂಚಾಯತ್ ಸಾಮಾನ್ಯ ಸಭೆಯಲ್ಲಿ ಚರ್ಚೆ ನಡೆಸಲಾಯಿತು. ಈ ವೇಳೆ ಗದ್ದಲ ಉಂಟಾಗಿ ಸದಸ್ಯನೋರ್ವ ಸಭಾ ತ್ಯಾಗ ಮಾಡಿದ್ರು.

ಜಿಲ್ಲಾ ಪಂಚಾಯತಿಯ ಸಾಮಾನ್ಯ ಸಭೆಯಲ್ಲಿ ಗದ್ದಲ

ಜಿಲ್ಲಾ ಪಂಚಾಯತಿಯ ಸಾಮಾನ್ಯ ಸಭೆಯಲ್ಲಿ ಗದ್ದಲ

By

Published : Dec 24, 2019, 10:00 AM IST

ವಿಜಯಪುರ: ಆರೋಗ್ಯ ಬಂಧು ಯೋಜನೆಯಡಿ ಸರ್ಕಾರಿ ಆಸ್ಪತ್ರೆಗಳ ನಿರ್ವಹಣೆಯ ಜವಾಬ್ದಾರಿಯನ್ನು, ಖಾಸಗಿ ಸಂಘ-ಸಂಸ್ಥೆಗಳಿಗೆ ನೀಡಿರುವುದು ಜಿಲ್ಲಾ ಪಂಚಾಯತ್ ಸದಸ್ಯರನ್ನು ಕೆರಳಿಸಿದೆ. ಈ ಕ್ರಮದ ಕುರಿತು ಜಿಲ್ಲಾ ಪಂಚಾಯತ್ 16ನೇ ಸಾಮಾನ್ಯ ಸಭೆಯಲ್ಲಿ ಚರ್ಚೆ ನಡೆಸಲಾಯಿತು.

ಇದರಲ್ಲಿ ₹ 1.43 ಕೋಟಿ ಅವ್ಯವಹಾರ ನಡೆದಿದೆ ಎನ್ನಲಾಗ್ತಿದೆ. ಈ ಬಗ್ಗೆ ತನಿಖೆ ನಡೆಸಲು, ಎಸಿಬಿಗೆ ವಹಿಸಿ ಎಂದು ಜಿ.ಪಂ. ಸದಸ್ಯರು ಒತ್ತಾಯಿಸಿದರು. ಆದ್ರೆ ಸದಸ್ಯರ ಮನವಿಗೆ ಅಧ್ಯಕ್ಷ ಶಿವಯೋಗಿ ನೇದಲಗಿ ಅನುಮತಿ ನೀಡಲಿಲ್ಲ. ಇದರಿಂದ ಬೇಸತ್ತ ಸದಸ್ಯರೊಬ್ಬರು ಸಭಾತ್ಯಾಗ ಮಾಡಿದರು.

ಜಿಲ್ಲಾ ಪಂಚಾಯತ್ ಸಾಮಾನ್ಯ ಸಭೆಯಲ್ಲಿ ಗದ್ದಲ

ಗ್ರಾಮೀಣ ಜನತೆಗೆ ಉತ್ತಮ ಆರೋಗ್ಯ ಸಿಗಬೇಕು. ಅದನ್ನು ಸರ್ಕಾರ ನಿರ್ವಹಿಸಬೇಕು. ಅದು ಬಿಟ್ಟು, ಖಾಸಗಿ ಸಂಘ-ಸಂಸ್ಥೆಗಳಿಗೆ ನೀಡಿದ್ದನ್ನು ರದ್ದುಗೊಳಿಸಬೇಕೆಂದು ಸದಸ್ಯರು ಒತ್ತಾಯಿಸಿದರು. ಇದರಿಂದಾಗಿ ಕೆಲಕಾಲ ಸಭೆಯಲ್ಲಿ ಗದ್ದಲ ಉಂಟಾಗಿತ್ತು.

ವಿಜಯಪುರ: ಆರೋಗ್ಯ ಬಂಧು ಯೋಜನೆಯಡಿ ಸರ್ಕಾರಿ ಆಸ್ಪತ್ರೆಗಳ ನಿರ್ವಹಣೆಯ ಜವಾಬ್ದಾರಿಯನ್ನು, ಖಾಸಗಿ ಸಂಘ-ಸಂಸ್ಥೆಗಳಿಗೆ ನೀಡಿರುವುದು ಜಿಲ್ಲಾ ಪಂಚಾಯತ್ ಸದಸ್ಯರನ್ನು ಕೆರಳಿಸಿದೆ. ಈ ಕ್ರಮದ ಕುರಿತು ಜಿಲ್ಲಾ ಪಂಚಾಯತ್ 16ನೇ ಸಾಮಾನ್ಯ ಸಭೆಯಲ್ಲಿ ಚರ್ಚೆ ನಡೆಸಲಾಯಿತು.

ಇದರಲ್ಲಿ ₹ 1.43 ಕೋಟಿ ಅವ್ಯವಹಾರ ನಡೆದಿದೆ ಎನ್ನಲಾಗ್ತಿದೆ. ಈ ಬಗ್ಗೆ ತನಿಖೆ ನಡೆಸಲು, ಎಸಿಬಿಗೆ ವಹಿಸಿ ಎಂದು ಜಿ.ಪಂ. ಸದಸ್ಯರು ಒತ್ತಾಯಿಸಿದರು. ಆದ್ರೆ ಸದಸ್ಯರ ಮನವಿಗೆ ಅಧ್ಯಕ್ಷ ಶಿವಯೋಗಿ ನೇದಲಗಿ ಅನುಮತಿ ನೀಡಲಿಲ್ಲ. ಇದರಿಂದ ಬೇಸತ್ತ ಸದಸ್ಯರೊಬ್ಬರು ಸಭಾತ್ಯಾಗ ಮಾಡಿದರು.

ಜಿಲ್ಲಾ ಪಂಚಾಯತ್ ಸಾಮಾನ್ಯ ಸಭೆಯಲ್ಲಿ ಗದ್ದಲ

ಗ್ರಾಮೀಣ ಜನತೆಗೆ ಉತ್ತಮ ಆರೋಗ್ಯ ಸಿಗಬೇಕು. ಅದನ್ನು ಸರ್ಕಾರ ನಿರ್ವಹಿಸಬೇಕು. ಅದು ಬಿಟ್ಟು, ಖಾಸಗಿ ಸಂಘ-ಸಂಸ್ಥೆಗಳಿಗೆ ನೀಡಿದ್ದನ್ನು ರದ್ದುಗೊಳಿಸಬೇಕೆಂದು ಸದಸ್ಯರು ಒತ್ತಾಯಿಸಿದರು. ಇದರಿಂದಾಗಿ ಕೆಲಕಾಲ ಸಭೆಯಲ್ಲಿ ಗದ್ದಲ ಉಂಟಾಗಿತ್ತು.

Intro:ವಿಜಯಪುರ Body:ವಿಜಯಪುರ:
ಆರೋಗ್ಯ ಬಂಧು ಯೋಜನೆಯಡಿ ಸರಕಾರಿ ಆಸ್ಪತ್ರೆಗಳ ನಿರ್ವಹಣೆ ಜವಾಬ್ದಾರಿಯನ್ನು ಖಾಸಗಿ ಸಂಘ-ಸಂಸ್ಥೆಗಳಿಗೆ ನೀಡಿದ ಕ್ರಮದ ಕುರಿತು ಜಿಪಂನ 16ನೇ ಸಾಮಾನ್ಯ ಸಭೆಯಲ್ಲಿ ಕಾವೇರಿದ ಚರ್ಚೆ ನಡೆಯಿತು. ಇದರಲ್ಲಿ 1.43 ಕೋಟಿ ರೂ. ಅವ್ಯವಹಾರವಾಗಿದ್ದು, ತನಿಖೆಗೆ ಎಸಿಬಿಗೆ ನೀಡಿ ಎಂದು ಒತ್ತಾಯಿಸಿದ ಸದಸ್ಯರ ಮನವಿಗೆ ಅಧ್ಯಕ್ಷರು ಅನುಮತಿ ನೀಡದ್ದರಿಂದ ಬೇಸತ್ತ ಸದಸ್ಯರೊಬ್ಬರು ಸಭಾತ್ಯಾಗ ಮಾಡಿದರು.
ಕುಗ್ರಾಮದಲ್ಲಿರುವ ಗ್ರಾಮೀಣ ಜನತೆಗೆ ಉತ್ತಮ ಆರೋಗ್ಯ ಸಿಗಬೇಕು. ಅದನ್ನು ಸರಕಾರವೇ ನಿರ್ವಹಿಸಬೇಕು. ಅದು ಬಿಟ್ಟು, ಖಾಸಗಿ ಸಂಘ-ಸಂಸ್ಥೆಗಳಿಗೆ ನೀಡಿದ್ದನ್ನು ರದ್ದುಗೊಳಿಸಬೇಕೆಂದು ಜಿಪಂ ಸದಸ್ಯ ಉಮೇಶ ಕೊಳಕೂರ ಒತ್ತಾಯಿಸಿದರು. ಇದಕ್ಕೆ ಇತರೇ ಸದಸ್ಯರು ಧ್ವನಿಗೂಡಿಸಿದರು.
ಅದಕ್ಕೆ ಜಿಪಂ ಅಧ್ಯಕ್ಷ ಶಿವಯೋಗಿ ನೇದಲಗಿ ಹಾಗೂ ಉಪಾಧ್ಯಕ್ಷ ಪ್ರಭು ದೇಸಾಯಿ ಸಬೂಬು ನೀಡಲು ಯತ್ನಿಸಿದರು. ಅವರಿಗೆ ಸೊಪ್ಪು ಹಾಕದ ಸದಸ್ಯರು, ಸರಕಾರಿ ಆಸ್ಪತ್ರೆಗಳ ನಿರ್ವಹಣೆ ಜವಾಬ್ದಾರಿಯನ್ನು ಕೊಡಲಿಕ್ಕೆ ಅಕಾರ ಹೊಂದಿರುವ ನಿಮಗೆ ಅದನ್ನು ರದ್ದು ಮಾಡುವ ಅಕಾರವಿಲ್ಲವೇ ಎಂದು ಖಾರವಾಗಿ ಪ್ರಶ್ನಿಸಿದರು.
ಮಧ್ಯೆ ಪ್ರವೇಶಿಸಿದ ಡಿಎಚ್‍ಒ ಡಾ. ಮಹೇಂದ್ರ ಕಾಪ್ಸೆ, ಸರಕಾರಿ ಎಂಬಿಬಿಎಸ್ ವೈದ್ಯರು ಕುಗ್ರಾಮಕ್ಕೆ ತೆರಳಿ ಚಿಕಿತ್ಸೆ ನೀಡಲು ಮನಸ್ಸು ಮಾಡುವುದಿಲ್ಲ. ಹೀಗಾಗಿ ಅಂಥ 6 ಪ್ರಾಥಮಿಕ ಆರೋಗ್ಯ ಕೇಂದ್ರಗಳನ್ನಷ್ಟೇ ಎನ್‍ಜಿಒಗಳಿಗೆ ಜಿಲ್ಲಾ ಆರೋಗ್ಯ ಸಂಸ್ಥೆ (ಡಿಎಚ್‍ಎಸ್) ನಿರ್ದೇಶನದ ಮೇರೆಗೆ ನೀಡಲಾಗಿದೆ ಎಂದು ಸಬೂಬು ನೀಡಿದರು.
ಸಿಇಒಗೆ ಅಕಾರವಿಲ್ಲ : ಇದಕ್ಕೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ ಇನ್ನೊಬ್ಬ ಸದಸ್ಯ ಮಹಾಂತಗೌಡ, ಆರೋಗ್ಯ ಬಂಧು ಯೋಜನೆಯಡಿ ಕ್ರಮ ಕೈಗೊಳ್ಳಲು ನಿಮಗೆ ಅಕಾರವಿದೆ ಎಂದು ಲಿಖಿತವಾಗಿ ಬರೆದುಕೊಡಿ ಎಂದು ಜಿಪಂ ಸಿಇಒಗೆ ಸವಾಲು ಹಾಕಿದರು. ಸುಮ್ಮನೆ ನಿಮಗೆ ತಿಳಿದ ಹಾಗೆ ಅಕಾರ ಚಲಾಯಿಸಬೇಡಿ ಎಂದು ಸಲಹೆ ಮಾಡಿದರು. ಇದಕ್ಕೆ ಇನ್ನೊಬ್ಬ ಸದಸ್ಯ ಬಿ.ಆರ್. ಯಂಟಮಾನ ಧ್ವನಿಗೂಡಿಸಿದರು.
ಇದಕ್ಕೆ ತೃಪ್ತರಾಗದ ಉಮೇಶ ಕೊಳಕೂರ ಜಿಪಂ ಅಧ್ಯಕ್ಷ ಶಿವಯೋಗಿ ನೇದಲಗಿ ಅವರನ್ನುದ್ದೇಶಿಸಿ, ಕಳೆದ ಸಾಮಾನ್ಯ ಸಭೆಯಲ್ಲಿ ಆರೋಗ್ಯ ಬಂಧು ಯೋಜನೆಯಡಿ ನೀವೇ ಹಗರಣ ನಡೆದಿದೆ ಎಂದು ಆರೋಪ ಮಾಡಿದ್ದನ್ನು ಮರೆತಂತೆ ಕಾಣುತ್ತದೆ ಎಂದರು. ಇದರಲ್ಲಿ 1.42 ಕೋಟಿ ರೂ. ಅವ್ಯವಹಾರ ನಡೆದಿದೆ. ಈ ಕುರಿತು ಹೆಚ್ಚಾಗಿ ಮಾತನಾಡುವುದು ಬೇಡ. ಪ್ರಕರಣದ ತನಿಖೆಯನ್ನು ಎಸಿಬಿಗೆ ಕೊಡೋಣ ಎಂದು ಒತ್ತಾಯಿಸಿದರು.
ಇದಕ್ಕೆ ಜಿಪಂ ಅಧ್ಯಕ್ಷರು, ಆರೋಪ ಮಾಡಿದ್ದು ನಿಜ. ಈಗ 6 ಪ್ರಾಥಮಿಕ ಆರೋಗ್ಯ ಕೇಂದ್ರಗಳು ಚೆನ್ನಾಗಿ ನಡೆದಿವೆ. ಹಿಂದಿನ ಹಾಗೂ ಇಂದಿನ ಪೋಟೋಗಳು ನನ್ನ ಬಳಿಯಿವೆ ನೋಡಿ ಎಂದು ಪೋಟೋಗಳನ್ನು ಪ್ರದರ್ಶಿಸಲು ಮುಂದಾದರು.
ಆಗ ತೃಪ್ತರಾಗದ ಉಮೇಶ ಕೊಳಕೂರ, ಇದು ಸಮಂಜಸ ಉತ್ತರವಲ್ಲ. ಇದರಲ್ಲಿ ಅವ್ಯವಹಾರ ನಡೆದಿದ್ದು ಸ್ಪಷ್ಟ. ಇದಕ್ಕೆ ಅಂತ್ಯ ಹೇಳುವವರೆಗೆ ನಾನು ಸಭೆ ಬರಲ್ಲ. ತಳ ಕಾಣಿಸಿಯೇ ಬರ್ತೀನಿ. ಅಲ್ಲಿಯ ತನಕ ಸಭೆಗೆ ಬರಲ್ಲ ಎನ್ನುತ್ತಲೇ ಕಾವೇರಿದ ಚರ್ಚೆಯ ಮಧ್ಯೆದಲ್ಲಿ ಸಭಾತ್ಯಾಗ ಮಾಡಿದರು.
ಇದಕ್ಕೂ ಮುನ್ನ ಭುವನೇಶ್ವರಿ ಬಗಲಿ, ಸದಸ್ಯರು ಕೇಳಿದ ಮಾಹಿತಿ ನೀಡಲು ಕೃಷಿ ಇಲಾಖೆ ಜಂಟಿ ನಿರ್ದೇಶಕರು ಮೀನ-ಮೇಷ ಎನಿಸುತ್ತಾರೆ. ಹೀಗಾಗಿ ಜೆಡಿಯವರು ಸದಸ್ಯರಿಗೆ ಕವಡಿ ಕಿಮ್ಮತ್ತು ನೀಡಲ್ಲ ಎಂದು ಆರೋಪಿಸಿದರು.
ಇದಕ್ಕೆ ಧ್ವನಿಗೂಡಿಸಿದ ಬಿ.ಆರ್. ಯಂಟಮಾನ, ಅವರು, ಕಳೆದ ವರ್ಷ ಜಿಲ್ಲೆಯಲ್ಲಿ ಕೃಷಿ ಹೊಂಡದ ಬಗ್ಗೆ ಮಾಹಿತಿ ಕೇಳಿದ್ದೆ. ಇಲ್ಲಿಯವರೆಗೆ ಉತ್ತರ ನೀಡಿಲ್ಲ. ಹೀಗಾಗಿ ತಾಪತ್ರಿ, ಎಂಜಿನ್ ಹಾಗೂ ಪೈಪ್ ಕೂಡಾ ಬಂದಿಲ್ಲ. ಮಾಹಿತಿ ಯಾಕೆ ನೀಡಲ್ಲ ಎಂದು ಕೃಷಿ ಇಲಾಖೆ ಜಂಟಿ ನಿರ್ದೇಶಕರ ವಿರುದ್ಧ ಹರಿಹಾಯ್ದರು.
ಇದಕ್ಕೆ ತಡಬಡಾಯಿಸಿದ ಜೆಡಿ ಶಿವಕುಮಾರ, ಆಡಿಟ್ ಹಾಗೂ ಮೇಲಿಂದ ಮೇಲೆ ನಡೆಯುವ ಸಭೆಗಳ ಒತ್ತಡದಿಂದಾಗಿ ಸದಸ್ಯರು ಕೇಳಿದ ಮಾಹಿತಿ ನೀಡಲಿಕ್ಕೆ ಆಗಿಲ್ಲ. ಇಂದು ಕೊಡುವುದಾಗಿ ಹಾರಿಕೆ ಉತ್ತರ ನೀಡಿದರು.
ಇದರಿಂದ ಮತ್ತಷ್ಟೂ ವ್ಯಘ್ರರಾದ ಸದಸ್ಯರು, ಜೆಡಿ ಮೇಲೆ ಮುಗಿ ಬಿದ್ದರು. ಆಗ ಮಧ್ಯೆ ಪ್ರವೇಶಿಸಿದ ಜಿಪಂ ಉಪಾಧ್ಯಕ್ಷ ಪ್ರಭು ದೇಸಾಯಿ, ಜೆಡಿಯವರೇ, ಸದಸ್ಯರು ಕೇಳಿದ ಮಾಹಿತಿಯನ್ನು ಸಕಾಲಕ್ಕೆ ನೀವು ಕೊಡದಿದ್ದರೆ, ನೀವು ತಪ್ಪುಗಾರ ಇದಿರಿ ಅಂಥ ಅರ್ಥವಾಗುತ್ತದೆ. ಈಗ ನೆಪ ಹೇಳಬೇಡಿ. ತಕ್ಷಣಕ್ಕೆ ಮಾಹಿತಿ ಕೊಡಿ ಎಂದು ಸಲಹೆ ಮಾಡಿದರು.
ಇದಕ್ಕೆ ತೃಪ್ತರಾಗದ ಯಂಟಮಾನ, ಕೃಷಿ ಹೊಂಡ ಯೋಜನೆಗೆ ಎಷ್ಟು ಅರ್ಜಿಗಳು ಬಂದಿದ್ದವು. ಎಷ್ಟು ಅರ್ಜಿಗಳ ಕೆಲಸವಾಗಿದೆ ಎಂಬುದನ್ನು ಈಗಲೇ ಹೇಳಬೇಕೆಂದು ಒತ್ತಾಯಿಸಿದರು. ಆಗ ಶಿವಕುಮಾರ, ಈ ವರ್ಷ 1500 ಅರ್ಜಿಗಳು ಬಂದಿವೆ. 400 ಅರ್ಜಿ ಸಲ್ಲಿಸಿದ ಫಲಾನುಭವಿಗಳಿಗೆ ಸೌಲಭ್ಯ ನೀಡಿದ್ದೇವೆ. ಕಳೆದ ವರ್ಷ 11 ಸಾವಿರ ಅರ್ಜಿಗಳು ಬಂದಿದ್ದವು ಎಂದುತ್ತರಿಸಿದರು.
ಜಿಪಂ ಸದಸ್ಯೆ ಪ್ರತಿಭಾ ಪಾಟೀಲ ಮಾತನಾಡಿ, ನಾವೇನು ಕೃಷಿ ಅಧಿಕಾರಿ ಬಳಿ ದುಡ್ಡು ಇಲ್ಲವೇ ಆಸ್ತಿ ಮಾಹಿತಿ ಕೇಳಿಲ್ಲ. ಯಾಕೆ ಈ ರೀತಿ ಸತಾಯಿಸುತ್ತಾರೋ ಗೊತ್ತಿಲ್ಲ. ಕಳೆದ 3 ವರ್ಷಗಳಿಂದ ಅಭಿವೃದ್ಧಿ ಮಾತುಗಳೇ ಇಲ್ಲ. ಬರೀ ಮಾಹಿತಿ ಕೇಳುವುದರಲ್ಲೇ ನಮ್ಮ ಟೈಂ ಹೋಗಿದೆ. ಅಕಾರಿಗಳು ಬರೀ ಹೇಳಿಕೆ ನೀಡೋದೇ ಆಗಿದೆ. ಅಭಿವೃದ್ಧಿ ಕುರಿತು ಸಭೆಯಲ್ಲಿ ರಚನಾತ್ಮಕ ಚರ್ಚೆ ನಡೆಯಬೇಕೆಂದರು.
ಆಗ ಮಧ್ಯೆ ಪ್ರವೇಶಿಸಿದ ಜಿಪಂ ಸಿಇಒ ಗೋವಿಂದ ರೆಡ್ಡಿ ಮಾತನಾಡಿ, ಕಚೇರಿಗೆ ಕರೆ ಮಾಡಿ ಸದಸ್ಯರು ಕೇಳಿದ ಮಾಹಿತಿಯನ್ನು ತಕ್ಷಣ ಪೂರೈಸಿ ಎಂದು ಶಿವಕುಮಾರಗೆ ಸೂಚಿಸಿದರು.
ಅರಣ್ಯ ಇಲಾಖೆ ಜಿಪಂ ಕ್ಷೇತ್ರವಾರು ಗಿಡಗಳನ್ನು ನೆಟ್ಟಿದೆಯಂತೆ. ಆ ಗಿಡಗಳನ್ನು ಎಲ್ಲೆಲ್ಲಿ ನೆಟ್ಟಿದ್ದಾರೆ ಎಂಬುದರ ಕುರಿತು ಬಹುತೇಕ ಜಿಪಂ ಸದಸ್ಯರು ಸಾಮಾಜಿಕ ಅರಣ್ಯ ಇಲಾಖೆಯ ಅರಣ್ಯ ಸಂರಕ್ಷಣಾಕಾರಿ ಸರಿನಾ ಸಿಕ್ಕಲಗಾರ ಅವರನ್ನು ಪ್ರಶ್ನಿಸಿದರು.
ಈ ಮಾಹಿತಿಯನ್ನು ಶಾಸಕರಾದಿಯಾಗಿ ಜಿಪಂ ಸದಸ್ಯರಿಗೆ ಪತ್ರ ಬರೆದು ರಜಿಸ್ಟರ್ ಪೆಸ್ಟ್ ಮಾಡಿದ್ದೇನೆ. ಯಾವಾಗ ಬೇಕಾದರೂ ವೀಕ್ಷಿಸಬಹುದಾಗಿದೆ ಎಂದು ಸಿಕ್ಕಲಗಾರ ಸಭೆಗೆ ವಿವರಿಸಿದರು. ಆದರೆ ಬಹುತೇಕ ಸದಸ್ಯರು ಹಲವರ ಹೇಳಿಕೆ ವಿರುದ್ಧ ಸಿಡಿಮಿಡಿಗೊಂಡರು. ನಮಗಂತೂ ಯಾವುದೇ ಪತ್ರ ಮನೆಗೆ ಬಂದಿಲ್ಲ ಎಂದರು.
ಹಾಗಾದರೆ, ನೀವು ದಿನಾಂಕ ನಿಗದಿ ಮಾಡಿ, ನಾನು ಅಂದು ನಿಮ್ಮ ಕ್ಷೇತ್ರಕ್ಕೆ ಬಂದು ತೋರಿಸುವುದಾಗಿ ತಿಳಿಸಿದರು. ಆಗ ಹಿರಿಯ ಜಿಪಂ ಸದಸ್ಯೆ ಕಲ್ಲವ್ವ ಬುಳ್ಳಾ, ಎಂಬುವರು ಸರಿನಾ ಸಿಕ್ಕಲಗಾರ ವಿರುದ್ಧ ಏಕವಚನದಲ್ಲಿ ಮಾತನಾಡುವ ಮೂಲಕ ಸಭೆಯನ್ನು ನಗೆಗಡಲಲ್ಲಿ ತೇಲಿಸಿದರು.Conclusion:ವಿಜಯಪುರ

For All Latest Updates

TAGGED:

ವಿಜಯಪುರ ಜಿ.ಪಂ. ಸಭೆಯಲ್ಲಿ ಗದ್ದಲ

Copyright © 2025 Ushodaya Enterprises Pvt. Ltd., All Rights Reserved.