ವಿಜಯಪುರ: ಇತ್ತೀಚಿಗೆ ಚೀನಾದ ಕೆರೆಯೊಂದರಲ್ಲಿ ಮನುಷ್ಯನ ಮುಖ ಹೋಲುವ ಮೀನೊಂದು ಕಾಣಿಸಿಕೊಂಡು ಜನರಲ್ಲಿ ಕುತೂಹಲ ಮೂಡಿಸಿದೆ. ಈಗ ಇಂತದ್ದೇ ಮತ್ತೊಂದು ಪ್ರಕರಣ ಬೆಳಕಿಗೆ ಬಂದಿದ್ದು, ವಿಜಯಪುರ ಜಿಲ್ಲೆಯ ಮುದ್ದೇಬಿಹಾಳದ ಪತ್ರಕರ್ತರೊಬ್ಬರ ಮನೆಯ ಗಿಡದಲ್ಲಿ ಮನುಷ್ಯನ ಮುಖ ಹೋಲುವ ಕೀಟವೊಂದು ಕಾಣಿಸಿಕೊಂಡಿದೆ.
ಪತ್ರಕರ್ತ ಶಂಕರ್ ಹೆಬ್ಬಾಳ್ ಅವರ ಮನೆಯಲ್ಲಿ ಬೆಳೆಸಿರುವ ಗಿಡದಲ್ಲಿ ಈ ಕೀಟ ಕುಳಿತುಕೊಂಡಿತ್ತು. ಅದನ್ನು ಸೂಕ್ಷ್ಮವಾಗಿ ಗಮನಿಸಿದಾಗ ಮಾನವ ಮುಖದ ರೂಪ ಹೋಲುತ್ತಿರುವುದು ಕಂಡು ಬಂದಿದೆ.
ಕೀಟದ ಬೆನ್ನಿನ ಮೇಲೆ ಮನುಷ್ಯನ ಎರಡು ಕಣ್ಣು, ಮೂಗು ಸೇರಿದಂತೆ ಮುಖದ ರೂಪ ಕಾಣುತ್ತಿದೆ. ಈ ಅಪರೂಪದ ಕೀಟ ನೋಡಲು ಸಾರ್ವಜನಿಕರು ಆಗಮಿಸುತ್ತಿದ್ದಾರೆ.
