ಮುದ್ದೇಬಿಹಾಳ : ಆಪ್ತರ ನೂತನ ಗೃಹಪ್ರವೇಶಕ್ಕೆ ಆಗಮಿಸಿದ್ದ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ಗೆ ಅಭಿಮಾನಿಗಳು 'ಉತ್ತರ ಕರ್ನಾಟಕದ ಹುಲಿ', 'ಮುಂದಿನ ಮುಖ್ಯಮಂತ್ರಿ ಯತ್ನಾಳ್' ಎಂಬ ಘೋಷಣೆ ಕೂಡಿ ಜೈಕಾರ ಹಾಕಿ ಸ್ವಾಗತಿಸಿದ ಘಟನೆ ನಗರದಲ್ಲಿ ನಡೆಯಿತು.
ಶಾಸಕ ಬಸನಗೌಡಗೆ ಅಭಿಮಾನಿಗಳ ಜೈಕಾರ
ಪಟ್ಟಣದಲ್ಲಿ ಜಿಪಂ ಮಾಜಿ ಉಪಾಧ್ಯಕ್ಷ ಹಾಗೂ ಆಪ್ತ ಪ್ರಭುಗೌಡ ದೇಸಾಯಿ ಅವರ ನೂತನ ಗೃಹಪ್ರವೇಶ ಸಮಾರಂಭಕ್ಕೆ ಆಗಮಿಸಿದ ಬಸನಗೌಡ ಅವರನ್ನು ಅದ್ದೂರಿಯಾಗಿ ಸ್ವಾಗತಿಸಲಾಯಿತು. ಈ ಸಂದರ್ಭದಲ್ಲಿ ಅಭಿಮಾನಿಗಳು 'ಹುಲಿ ಹುಲಿ ಹೆಬ್ಬುಲಿ' ಎಂದು ಜಯ ಘೋಷಣೆಗಳನ್ನು ಕೂಗಿದರು.
ಅಲ್ಲದೆ, ಅವರು ಮನೆಯೊಳಗೆ ಹೋಗುವ ಮುನ್ನ ಅಭಿಮಾನಿಯೋರ್ವ ಮುಂದಿನ ಸಿಎಂ ಯತ್ನಾಳ್ ರಿಗೆ ಜಯವಾಗಲಿ ಎಂದು ಘೋಷಣೆ ಕೂಗಿ ನೆರೆದವರು ಮಂದಸ್ಮಿತಗೊಳ್ಳುವಂತೆ ಮಾಡಿದ ಘಟನೆ ನಡೆಯಿತು.
