ವಿಜಯಪುರ : ನಾಗಠಾಣ ಜೆಡಿಎಸ್ ಶಾಸಕ ದೇವಾನಂದ ಚೌಹಾಣ್ ಮನೆಯ ಆವರಣದಲ್ಲಿರುವ ಗಂಧದ ಮರ ಕಳ್ಳತನದ ಯತ್ನ ನಡೆದಿದೆ. ಇಂದು ನಸುಕಿನ ಜಾವ ಗಂಧದ ಮರ ಕಳ್ಳತನಕ್ಕೆ ಯತ್ನ ನಡೆದಿದೆ.
ಜೆಡಿಎಸ್ ಶಾಸಕರ ಮನೆ ಆವರಣದಲ್ಲಿದ್ದ ಶ್ರೀಗಂಧದ ಮರ ಕಳ್ಳತನಕ್ಕೆ ಯತ್ನ
ಗಂಧದ ಮರ ಕತ್ತರಿಸುವ ವೇಳೆ ಎಚ್ಚರಗೊಂಡು ಮನೆಯವರು ಹೊರ ಬಂದಿದ್ದಾರೆ. ಈ ವೇಳೆ ಮನೆಯವರನ್ನು ನೋಡಿ ಕಳ್ಳರು ಸ್ಥಳದಿಂದ ಪರಾರಿಯಾಗಿದ್ದಾರೆ. ಕಾಂಡದ ಸಮೇತ ಕತ್ತರಿಸಿದ್ದರಿಂದ ಮರ ಕೆಳಕ್ಕೆ ಬಿದ್ದರೂ, ಅದನ್ನ ತೆಗೆದುಕೊಂಡು ಹೋಗಲು ಕಳ್ಳರಿಗೆ ಧೈರ್ಯವಾಗಿಲ್ಲ.
ಹಾಗಾಗಿ, ಶ್ರೀಗಂಧ ಮರವನ್ನ ಸ್ಥಳದಲ್ಲಿಯೇ ಬಿಟ್ಟು ಎಸ್ಕೇಪ್ ಆಗಿದ್ದಾರೆ. ಈ ಕುರಿತು ಆದರ್ಶನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
