ಮುದ್ದೇಬಿಹಾಳ: ತಾಲೂಕಿನ ನಾಲತವಾಡ ಪಟ್ಟಣದ ಅಪ್ಪು ಅಭಿಮಾನಿಯೋರ್ವರು ಪುನೀತ್ ರಾಜಕುಮಾರ್ ಜನ್ಮದಿನಕ್ಕೆ ಸಾರ್ವಜನಿಕವಾಗಿ ವಿಶೇಷ ಉಡುಗೊರೆ ನೀಡಿದ್ದಾರೆ.
ಅಪ್ಪು ಹೇರ್ ಸೆಲೂನ್ ಮಾಲೀಕ ಪ್ರಕಾಶ ಶಹಾಪೂರ ಅವರು ಒಂದು ದಿನ ಉಚಿತವಾಗಿಯೇ ಹೇರ್ ಕಟಿಂಗ್ ಮಾಡುತ್ತಿದ್ದಾರೆ.
ಈ ಕುರಿತು ಪ್ರತಿಕ್ರಿಯಿಸಿರುವ ಪ್ರಕಾಶ ಶಹಾಪೂರ, ನಾನು ಅಪ್ಪು ಅವರ ಕಟ್ಟಾ ಅಭಿಮಾನಿ. ಅವರು ಬದುಕಿದ್ದಾಗ ಭೇಟಿ ಮಾಡಬೇಕೆಂಬುದು ನನ್ನ ಕನಸಾಗಿತ್ತು. ಆದರೆ ಅವರನ್ನು ಭೇಟಿ ಮಾಡಲು ಆಗಿಲ್ಲ. ಆ ನೋವು ನನ್ನ ಜೀವನದುದ್ದಕ್ಕೂ ಇರುತ್ತದೆ. ಅವರು ಇಲ್ಲವೆಂಬ ಭಾವನೆಯೇ ನಮಗಿಲ್ಲ' ಎಂದರು.
ಉಚಿತ ಹೇರ್ ಕಟಿಂಗ್ಗೆ ಬೆಳಗಿನಿಂದಲೇ ಮಕ್ಕಳು ಹಾಗೂ ಯುವಕರು ಅಂಗಡಿಯ ಮುಂದೆ ಸರತಿಯಲ್ಲಿ ಕುಳಿತುಕೊಂಡಿರುವ ದೃಶ್ಯ ಕಂಡುಬಂತು.
ಇದನ್ನೂ ಓದಿ: ತಂದೆ ಶಾಸಕರಾದರೂ ಒಬ್ಬ ಮಗನಿಗೆ ಪಂಕ್ಚರ್ ಅಂಗಡಿಯಲ್ಲಿ ಕೆಲಸ, ಮತ್ತೋರ್ವನಿಗೆ ಬಡಗಿ ವೃತ್ತಿಯಲ್ಲೇ ಖುಷಿ!
