ವಿಜಯಪುರ: ಚುನಾವಣೆ ದ್ವೇಷ ಹಾಗು ಹಳೇ ದ್ವೇಷದ ಹಿನ್ನೆಲೆ, ಬೈಕ್ ಅಪಘಾತದ ಮೂಲಕ ವ್ಯಕ್ತಿಯೋರ್ವನ್ನು ಕೊಲೆ ಮಾಡಿದ್ದ ಆರೋಪದಡಿ ಐವರನ್ನು ಬಂಧಿಸುವಲ್ಲಿ ವಿಜಯಪುರ ಗ್ರಾಮೀಣ ಪೊಲೀಸರು ಯಶಸ್ವಿಯಾಗಿದ್ದಾರೆ.
ವಿಜಯಪುರ ತಾಲೂಕಿನ ಇಟ್ಟಂಗಿಹಾಳ ಬಳಿ ಬೈಕ್ ಅಪಘಾತ ನಡೆದಿತ್ತು. ಆಗಸ್ಟ್ 27 ರಂದು ನಡೆದಿದ್ದ ಬೈಕ್ ಅಪಘಾತದಲ್ಲಿ ಅನಿಲ್ ಬಿರಾದಾರ್ ಮೃತಪಟ್ಟಿದ್ದರು. ಅಂದು ನಡೆದಿದ್ದು ಬೈಕ್ ಅಪಘಾತವಲ್ಲ, ಕೊಲೆ ಎಂದು ತನಿಖೆ ವೇಳೆ ತಿಳಿದುಬಂದಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಆನಂದ್ ಕುಮಾರ್ ತಿಳಿಸಿದ್ದಾರೆ.
ಮೂವರು ಸುಪಾರಿ ಹಂತಕರು ಸೇರಿ ಐವರನ್ನು ಪೊಲೀಸರು ಬಂಧಿಸಿದ್ದಾರೆ. ಸುಪಾರಿ ಹಂತಕರಾದ ಸುರೇಶ್ ಆವಟಿ, ಬೀರಪ್ಪ ಗುಗವಾಡ್, ರಾಜು ಆಸಂಗಿ ಮತ್ತು ಸುಪಾರಿ ನೀಡಿದ್ದ ಕಿರಣ್ ಕುಮಾರ್, ಬನ್ನೆಪ್ಪ ಬಂಧಿತ ಆರೋಪಿಗಳು.
ಇದನ್ನು ಓದಿ: ಮೈಸೂರಿನಲ್ಲಿ ಬಿಹಾರದ ಕಾರ್ಮಿಕನಿಂದ ಅಪ್ರಾಪ್ತೆ ಮೇಲೆ ಅತ್ಯಾಚಾರ.. ಆರೋಪಿ ಪೊಲೀಸರ ವಶಕ್ಕೆ
ಬಂಧಿತರಿಂದ ಒಂದು ಕಬ್ಬಿಣದ ಆಯುಧ, 2 ಬೈಕ್, ನಾಲ್ಕು ಮೊಬೈಲ್, 35 ಸಾವಿರದ 800 ರೂ. ವಶಕ್ಕೆ ಪಡೆದ್ದಾರೆ. ಎರಡೂವರೆ ಲಕ್ಷ ಸುಪಾರಿ ಪಡೆದಿದ್ದ ಆರೋಪಿಗಳು, ಡಾಬಾದಲ್ಲಿ ಅನಿಲ್ ಬಿರಾದಾರ್ಗೆ ಕಂಠಪೂರ್ತಿ ಕುಡಿಸಿ ಹಲ್ಲೆ ಮಾಡಿ, ಕೊಲೆ ಮಾಡಿದ್ದಾರೆ. ನಂತರ ಬೈಕ್ ಅಪಘಾತ ಎಂಬಂತೆ ಬಿಂಬಿಸಿದ್ದರು ಎಂದು ಎಸ್ಪಿ ಮಾಹಿತಿ ನೀಡಿದ್ದಾರೆ.
