ಭಟ್ಕಳದಲ್ಲಿ ಮೀನುಗಾರಿಕೆಗೆ ತೆರಳಿದ ಬೋಟ್ ಮುಳುಗಡೆ, ಮೀನುಗಾರರು ಪಾರು

ಮೀನುಗಾರಿಕೆಗೆ ತೆರಳಿದ್ದ ಬೋಟ್ ಮುಳುಗಡೆಯಾಗಿ ಅದೃಷ್ಟವಷಾತ್ ಎಂಟು ಮಂದಿ ಮೀನುಗಾರರು ಸ್ಥಳೀಯರ ನೆರವಿನಿಂದ ಬಚಾವಾಗಿರುವ ಘಟನೆ ಭಟ್ಕಳ ತಾಲ್ಲೂಕಿನ ನೇತ್ರಾಣಿ ದ್ವೀಪದ ಬಳಿ ನಡೆದಿದೆ.

ಕಾರವಾರ: ಮೀನುಗಾರಿಕೆಗೆ ತೆರಳಿದ್ದ ಬೋಟ್ ಮುಳುಗಡೆಯಾಗಿ ಅದೃಷ್ಟವಷಾತ್ ಎಂಟು ಮೀನುಗಾರರು ಸ್ಥಳೀಯರ ನೆರವಿನಿಂದ ಪ್ರಾಣಾಪಾಯದಿಂದ ಪಾರಾಗಿರುವ ಘಟನೆ ಭಟ್ಕಳ ತಾಲ್ಲೂಕಿನ ನೇತ್ರಾಣಿ ದ್ವೀಪದ ಬಳಿ ನಡೆದಿದೆ.

ಅವಘಡಕ್ಕಿಡಾಗಿರುವುದು ಮಂಗಳೂರು ಮೂಲದ ಬೋಟ್ ಎನ್ನಲಾಗಿದೆ. ಈ ದೋಣಿ ಶನಿವಾರ ದ್ವೀಪದ ಬಳಿ ಲಂಗರು ಹಾಕಿತ್ತು. ಆದರೆ ಅಲೆಗಳ ರಭಸಕ್ಕೆ ಬೋಟ್ ಮುಳುಗಡೆಯಾಗಿದ್ದು ಮೀನುಗಾರರನ್ನು ಇನ್ನೊಂದು ಬೋಟ್‌ನಲ್ಲಿದ್ದ ಸ್ಥಳೀಯ ಮೀನುಗಾರರು ರಕ್ಷಿಸಿದ್ದಾರೆ.

ಭಟ್ಕಳ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.