‘ಶಿಖರದಿಂದ ಸಾಗರದೆಡೆ’ಗೆ ಕನ್ನಡತಿಯರು.. 3,350 ಕಿ.ಮೀ ಸೈಕ್ಲಿಂಗ್ ಬಳಿಕ 300 Km ಕಯಾಂಕಿಂಗ್ ಪ್ರಯಾಣಕ್ಕೆ ಸಜ್ಜು..

ಐವರು ಯುವತಿಯರು ಪರ್ವತ ಏರಿ 46 ದಿನಗಳ ಕಾಲ ಹಲವು ರಾಜ್ಯಗಳಲ್ಲಿ ಸೈಕ್ಲಿಂಗ್ ಮೂಲಕ ಕಾರವಾರ ತಲುಪಿದ್ದೆವು. ಇಲ್ಲಿಂದ ಮಂಗಳೂರಿಗೆ ಕಯಾಕಿಂಗ್ ಕೈಗೊಳ್ಳುತ್ತಿರುವುದು ದೊಡ್ಡ ಸಾಹಸ. ರಾಜ್ಯಕ್ಕೆ ಹೆಮ್ಮೆ ತಂದು ಕೊಡುವಂತಹ ಸಾಹಸ ಯುವತಿಯರಿಂದ ಆಗಿದೆ. ಅಲ್ಲದೆ ಇತರೆ ಮಕ್ಕಳಿಗೂ ಇದು ಸ್ಫೂರ್ತಿಯಾಗಿದೆ..

ಕಾರವಾರ : ಶಿಖರದಿಂದ ಸಾಗರದೆಡೆ ಯಾತ್ರೆ ಕೈಗೊಂಡಿರುವ ಐವರು ಕನ್ನಡತಿಯರು 5,425 ಮೀಟರ್ ಎತ್ತರದ ಕೊಲೈಪಿಕ್ ಹಿಮಶಿಖರ ಏರಿ ಲಡಾಖ್‌ನಿಂದ 3,350 ಕಿ.ಮೀ ಸೈಕ್ಲಿಂಗ್ ಮೂಲಕ ಕಾರವಾರ ತಲುಪಿದೆ. ಗುರುವಾರ ಕಾರವಾರದಿಂದ ಮಂಗಳೂರಿನವರೆಗೆ 300 ಕಿ.ಮೀ. ಕಯಾಕಿಂಗ್ ಮೂಲಕ ತೆರಳಲು ಸಜ್ಜಾಗಿದ್ದಾರೆ.

ಮೈಸೂರು ಮೂಲದ ಬಿಂದು ನೇತೃತ್ವದಲ್ಲಿ ಶಿಮೊಗ್ಗದ ಧನಲಕ್ಷ್ಮಿ, ಐಶ್ವರ್ಯಾ, ಬೆಂಗಳೂರಿನ ಆಶಾ, ಕೊಡಗು ಮೂಲದ ಪುಷ್ಪಾ ಇಂತಹದೊಂದು ಸಾಹಸಕ್ಕೆ ಮುಂದಾಗಿದ್ದಾರೆ. ಕರ್ನಾಟಕ ಸರ್ಕಾರದ ಎಸ್‌ಸಿಪಿ, ಟಿಎಸ್‌ಪಿ ಅನುದಾನದಲ್ಲಿ ಇಂಡಿಯನ್ ಮೌಂಟೇನಿಯರಿಂಗ್ ಫೌಂಡೇಷನ್, ಜನರಲ್ ತಿಮ್ಮಯ್ಯ ನ್ಯಾಷನಲ್ ಅಕಾಡೆಮಿ ಸಹಕಾರದೊಂದಿಗೆ ಈ ಐವರು ಯುವತಿಯರು ಸಾಗರದಿಂದ ಶಿಖರದೆಡೆಗೆ ಯಾತ್ರೆ ಕೈಗೊಂಡಿದ್ದಾರೆ.

‘ಶಿಖರದಿಂದ ಸಾಗರದೆಡೆ’ಗೆ ಕನ್ನಡತಿಯರು

ಆ.17ರಂದು ಬೆಂಗಳೂರಿನಿಂದ ಹೊರಟು ಆ. 22ರಂದು ಕಾಶ್ಮೀರ ಬಳಿಯ 5,425 ಮೀಟರ್ ಎತ್ತರದ ಕೊಲೈಪಿಕ್ ಶಿಖರ ಏರಿದ್ದರು. ವಿಪರೀತ ಶೀತದ ಜೊತೆಗೆ ಉಸಿರಾಡುವುದಕ್ಕೂ ಕಷ್ಟದ ಸ್ಥಿತಿ ಈ ಪ್ರದೇಶದಲ್ಲಿತ್ತು. ಬಳಿಕ ಅಲ್ಲಿಂದ ಲಡಾಖ್‌ಗೆ ಆಗಮಿಸಿ ನಂತರ 3,350 ಕಿ.ಮೀ ಸೈಕ್ಲಿಂಗ್ ಮಾಡಿಕೊಂಡು ಬಂದು ಕಾರವಾರ ತಲುಪಿದ್ದೇವೆ.

‘ಶಿಖರದಿಂದ ಸಾಗರದೆಡೆ’ಗೆ ಕನ್ನಡತಿಯರು

ಸಾಕಷ್ಟು ಎತ್ತರದ ರಸ್ತೆಗಳನ್ನು ಏರಿ ಬಿಸಿಲು, ಮಳೆಯನ್ನು ಲೆಕ್ಕಿಸದೆ ಐವರು ಕೂಡ ಕಾರವಾರ ತಲುಪಿದ್ದೇವೆ. ಈ ವೇಳೆ ಸಾಕಷ್ಟು ರಾಜ್ಯಗಳನ್ನು ವಿಭಿನ್ನ ಸಂಸ್ಕೃತಿ, ಜನರನ್ನು ನೋಡಿದ್ದೇವೆ. ಶಿಖರ ಏರಿರುವುದು ಮತ್ತು ಸೈಕ್ಲಿಂಗ್ ಮಾಡಿರುವುದು ಎರಡು ಕೂಡ ಉತ್ತಮ ಅನುಭವ ನೀಡಿದೆ. ಇದೀಗ ಅರಬ್ಬೀ ಸಮುದ್ರದಲ್ಲಿ 300 ಕಿ.ಮೀ ಕಯಾಕಿಂಗ್ ಮೂಲಕ ಮಂಗಳೂರು ತಲುಪುವ ಗುರಿ ಹೊಂದಿದ್ದೇವೆ ಅಂತಾರೆ ಸಾಹಸಿ ಯುವತಿ ಬಿಂದು.

‘ಶಿಖರದಿಂದ ಸಾಗರದೆಡೆ’ಗೆ ಕನ್ನಡತಿಯರು

ನಾವು ಐವರು ಎಸ್‌ಸಿಎಸ್ಟಿ ವಿದ್ಯಾರ್ಥಿ ನಿಲಯದಲ್ಲಿ ಓದುತ್ತಿದ್ದವರಾಗಿದ್ದೇವೆ. ಮೊದಲ ಬಾರಿಗೆ ಪರ್ವತ ಏರಲು ಅವಕಾಶ ಲಭಿಸಿತ್ತು. ಅದರಂತೆ ತರಬೇತಿಗಾಗಿ ಕಳೆದ ನಾಲ್ಕು ವರ್ಷದಿಂದ ಜನರಲ್ ತಿಮ್ಮಯ್ಯ ನ್ಯಾಷನಲ್ ಅಕಾಡೆಮಿ ಅಡ್ವೆಂಚರ್ ತರಬೇತಿ ಪಡೆದುಕೊಂಡಿದ್ದೆವು.

‘ಶಿಖರದಿಂದ ಸಾಗರದೆಡೆ’ಗೆ ಕನ್ನಡತಿಯರು

ಸಾಕಷ್ಟು ಕಡೆ ತರಬೇತಿ ಹಾಗೂ ಸಾಹಸಿ ಚಟುವಟಿಕೆಗಳಲ್ಲಿ ತೊಡಗಿಕೊಂಡ ಬಳಿಕ ‘ಶಿಖರದಿಂದ ಸಾಗರದೆಡೆ’ಗೆ ತೆರಳಲು ಅವಕಾಶ ಲಭಿಸಿದೆ. 1947ರಲ್ಲಿ ಇದ್ದ ಮಹಿಳೆಯರ ಸ್ಥಿತಿ ಹಾಗೂ 75ನೇ ಅಮೃತಮಹೋತ್ಸವದ ಸಂದರ್ಭದಲ್ಲಿ ಬದಲಾದ ಮಹಿಳೆಯರು ಯಾವ ರೀತಿ ಸ್ಥಿತಿಯಲ್ಲಿದ್ದಾರೆ ಎಂಬುದನ್ನು ಈ ಸಾಹಸಿ ಚಟುವಟಿಕೆ ಮೂಲಕ ತೋರಿಸಿಕೊಡುವ ಸಣ್ಣ ಪ್ರಯತ್ನ ಇದಾಗಿದೆ ಎನ್ನುತ್ತಾರೆ ಬಿಂದು.

ಸದಾಶಿವಗಡದ ಜಂಗಲ್ ರೆಸಾರ್ಟ್ ಬಳಿ ಬುಧವಾರ ವಾಲ್ಮೀಕಿ ಜಯಂತಿ ಅಂಗವಾಗಿ ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್ ಹಾಗೂ ಸಿಇಒ ಪ್ರಿಯಾಂಗ ಎಂ ಸಾಹಸಿ ಯುವತಿಯರ ಕಯಾಕಿಂಗ್‌ಗೆ ಚಾಲನೆ ನೀಡಿದರು.

ಬಳಿಕ ಮಾತನಾಡಿದ ಜಿಲ್ಲಾಧಿಕಾರಿಗಳು, ಐವರು ಯುವತಿಯರು ಪರ್ವತ ಏರಿ 46 ದಿನಗಳ ಕಾಲ ಹಲವು ರಾಜ್ಯಗಳಲ್ಲಿ ಸೈಕ್ಲಿಂಗ್ ಮೂಲಕ ಕಾರವಾರ ತಲುಪಿದ್ದೆವು. ಇಲ್ಲಿಂದ ಮಂಗಳೂರಿಗೆ ಕಯಾಕಿಂಗ್ ಕೈಗೊಳ್ಳುತ್ತಿರುವುದು ದೊಡ್ಡ ಸಾಹಸ. ರಾಜ್ಯಕ್ಕೆ ಹೆಮ್ಮೆ ತಂದು ಕೊಡುವಂತಹ ಸಾಹಸ ಯುವತಿಯರಿಂದ ಆಗಿದೆ. ಅಲ್ಲದೆ ಇತರೆ ಮಕ್ಕಳಿಗೂ ಇದು ಸ್ಫೂರ್ತಿಯಾಗಿದೆ ಎಂದು ಹೇಳಿದರು.