ಶಿರಸಿಯಲ್ಲಿ ನಕಲಿ ಪೊಲೀಸಪ್ಪನ ಅವಾಂತರ: ದಾಖಲಾತಿ ದೋಚಿ ಸಿಸಿಟಿವಿಯಲ್ಲಿ ಸೆರೆಯಾದ

ಕಾರವಾರದಿಂದ ಬಂದಿರುವ ಸಿಒಡಿ ಅಧಿಕಾರಿ​ ಎಂದು ಹೇಳಿಕೊಂಡ ವ್ಯಕ್ತಿ ನಗರದ ವಿವಿಧ ವೈದ್ಯಕೀಯ​ ಪ್ರಯೋಗಾಲಯಗಳಿಗೆ ನುಗ್ಗಿ ದಾಖಲಾತಿಗಳನ್ನು ಕೊಂಡೊಯ್ದಿದ್ದಾನೆ.

ಶಿರಸಿ: ಕಾರವಾರದಿಂದ ಸಿಒಡಿ ಆಫೀಸರ್ ಆಗಿ ಬಂದಿರುವುದಾಗಿ ಹೇಳಿಕೊಂಡ ವ್ಯಕ್ತಿಯೋರ್ವ ವಿವಿಧ ಮೆಡಿಕಲ್ ಲ್ಯಾಬೋ ರೇಟರಿ​ಗಳಿಗೆ ನುಗ್ಗಿ ದಾಖಲಾತಿಗಳನ್ನು ಕೊಂಡೊಯ್ದ ಘಟನೆ ಉತ್ತರ ಕನ್ನಡ ಜಿಲ್ಲೆಯ ಶಿರಸಿಯಲ್ಲಿ ನಡೆದಿದೆ.

ನಗರದ ವಿವಿಧ ಲ್ಯಾಬ್‌ಗಳಿಗೆ ನುಗ್ಗಿದ ಅಪರಿಚಿತ ವ್ಯಕ್ತಿ ತಾನು ಎಸ್.ಪಿ.ಕಚೇರಿಯಿಂದ ಬಂದಿದ್ದೇನೆ. ನಾನು ಸಿಒಡಿ ಇನ್ಸ್‌ಪೆಕ್ಟರ್ ಮಹೇಶ್ ಎಂದು ಹೇಳಿದ್ದಾನೆ. ಬಳಿಕ ಅಲ್ಲಿದ್ದ ದಾಖಲಾತಿಗಳನ್ನು ಕೊಂಡೊಯ್ದಿದ್ದಾನೆ. ಈ ವೇೆಳೆ ಸಿಬ್ಬಂದಿಗೆ ಮಾನಸಿಕ ಹಿಂಸೆ ನೀಡಿದ್ದಾನೆ ಎಂದು ಸಿಬ್ಬಂದಿ ಪೊಲೀಸರಿಗೆ ದೂರು ನೀಡಿದ್ದಾರೆ.

ನಕಲಿ ಪೊಲೀಸಪ್ಪನ ಕೃತ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು ಪೊಲೀಸರು ಆರೋಪಿ ಬಂಧನಕ್ಕೆ ಬಲೆ ಬೀಸಿದ್ದಾರೆ.