ಮಣಿಪಾಲದಲ್ಲಿ ಶಾಲಾ ವಿದ್ಯಾರ್ಥಿಗಳಿಗಾಗಿ 'ಉರಿ' ಸಿನಿಮಾ ಪ್ರದರ್ಶನ

ಶಾಲಾ ವಿದ್ಯಾರ್ಥಿಗಳಿಗೆ ದೇಶ ಪ್ರೇಮದ ಬಗ್ಗೆ ಅರಿವು ಮೂಡಿಸಲು ಮಲ್ಪೆಯ ವಂದೇಮಾತರಂ ಸಂಘಟನೆ ವತಿಯಿಂದ ಮಣಿಪಾಲದ ಥಿಯೇಟರ್ ಒಂದರಲ್ಲಿ ಸರ್ಜಿಕಲ್​ ಸ್ಟ್ರೈಕ್​ ಕುರಿತಾದ 'ಉರಿ' ಸಿನಿಮಾವನ್ನು ಪ್ರದರ್ಶಿಸಲಾಯಿತು.

ಉಡುಪಿ:ಸರ್ಜಿಕಲ್​ ಸ್ಟ್ರೈಕ್​ ಕುರಿತಾದ 'ಉರಿ' ಸಿನಿಮಾವನ್ನು ಮಣಿಪಾಲದ ಥಿಯೇಟರ್ ಒಂದರಲ್ಲಿ ಸರಕಾರಿ ಶಾಲಾ ವಿದ್ಯಾರ್ಥಿಗಳಿಗಾಗಿ ಪ್ರದರ್ಶಿಸಲಾಯಿತು.

ಮಲ್ಪೆ ಶಾಲಾ ವಿದ್ಯಾರ್ಥಿಗಳಿಗೆ ದೇಶ ಪ್ರೇಮದ ಬಗ್ಗೆ ಅರಿವು ಮೂಡಿಸಲು ಮಲ್ಪೆಯ ವಂದೇಮಾತರಂ ಸಂಘಟನೆ ಈ ಕಾರ್ಯವನ್ನು ಕೈಗೊಂಡಿತ್ತು. ವಿದ್ಯಾರ್ಥಿಗಳೊಂದಿಗೆ ಹಿರಿಯ ಮಾಜಿ ಸೈನಿಕರು, ಶಿಕ್ಷಕರು ಸಿನಿಮಾ ವೀಕ್ಷಿಸಿದರು.

ಹಿರಿಯ ನಿವೃತ್ತ ಸೈನಿಕರು ಸರ್ಜಿಕಲ್ ಸ್ಟ್ರೈಕ್ ಕುರಿತು ವಿದ್ಯಾರ್ಥಿಗಳಿಗೆ ಮಾಹಿತಿ ನೀಡಿ, ನಂತರ ತಮ್ಮ ಸೈನಿಕ ಜೀವನದ ಕಥೆಯನ್ನು ವಿದ್ಯಾರ್ಥಿಗಳ ಮುಂದೆ ಎಳೆ ಎಳೆಯಾಗಿ ಬಿಚ್ಚಿಟ್ಟರು.