ಕೊಡೇರಿ ದೋಣಿ ದುರಂತ ಪ್ರಕರಣ: ಓರ್ವ ಮೀನುಗಾರನ ಮೃತದೇಹ ಪತ್ತೆ

ಕಿರಿಮಂಜೇಶ್ವರ ಸಮೀಪದ ಕೊಡೇರಿಯಲ್ಲಿ ನಡೆದ ದೋಣಿ ದುರಂತದಲ್ಲಿ ನಾಪತ್ತೆಯಾಗಿದ್ದ ನಾಲ್ವರು ಮೀನುಗಾರರ ಪೈಕಿ ಇಂದು ಓರ್ವ ಮೀನುಗಾರನ ಮೃತದೇಹ ಪತ್ತೆಯಾಗಿದೆ.

ಉಡುಪಿ: ಕೊಡೇರಿ ದೋಣಿ ದುರಂತದಲ್ಲಿ ಕಾಣಿಯಾದ ನಾಲ್ವರಲ್ಲಿ ಓರ್ವ ಮೀನುಗಾರನ‌ ಶವ ಪತ್ತೆಯಾಗಿದೆ.

ನಾಗ ಯಾನೆ ನಾಗರಾಜ ಖಾರ್ವಿ ಮೃತದೇಹ ಪತ್ತೆಯಾಗಿದೆ. ಭಾನುವಾರ ಮಧ್ಯಾಹ್ನ ಸಮುದ್ರದ ಅಬ್ಬರದ ಅಲೆಗಳಿಂದ ದೋಣಿ ಬಂಡೆಗೆ ಬಡಿದು ದುರಂತ ಸಂಭವಿಸಿತ್ತು.

ಮೀನುಗಾರಿಕೆಗೆ ತೆರಳಿದ್ದ 11 ಮಂದಿ ಮೀನುಗಾರರ ಪೈಕಿ ನಾಲ್ವರು ಅಲೆಗೆ ಸಿಲುಕಿ ಕಾಣೆಯಾಗಿದ್ದರು. ಇಂದು ಓರ್ವ ಮೀನುಗಾರನ ಶವ ಪತ್ತೆಯಾಗಿದೆ. ಮೂವರ ಶವಕ್ಕಾಗಿ ಶೋಧ ಮುಂದುವರಿದಿದೆ.