ಕೊಡೇರಿ ದೋಣಿ ದುರಂತ: ಮತ್ತೆ ಮೂವರ ಮೃತದೇಹ ಪತ್ತೆ

ಕೊಡೇರಿ ದೋಣಿ ದುರಂತಕ್ಕೆ ಸಂಬಂಧಪಟ್ಟಂತೆ ನಾಲ್ಕು ಜನರ ಮೃತದೇಹಗಳು ಪತ್ತೆಯಾಗಿವೆ. ಸತತ ಮಳೆಯ ನಡುವೆಯೂ ಮೀನುಗಾರರು ಮತ್ತು ಕರಾವಳಿ ಕಾವಲು ಪಡೆಯವರ ಕಾರ್ಯಾಚರಣೆಯಿಂದಾಗಿ ಸಮುದ್ರ ಪಾಲಾದ ಮೀನುಗಾರರ ಮೃತದೇಹಗಳು ಪತ್ತೆಯಾಗಿವೆ.

ಉಡುಪಿ: ಕೊಡೇರಿ ದೋಣಿ ದುರಂತಕ್ಕೆ ಸಂಬಂಧಪಟ್ಟಂತೆ ಮತ್ತೆ ಮೂವರ ಮೃತದೇಹಗಳು ಪತ್ತೆಯಾಗಿವೆ. ಸಮುದ್ರದ ಪಾಲಾಗಿದ್ದ ಒಟ್ಟು ನಾಲ್ಕು ಜನರ ಮೃತದೇಹಗಳು ಪತ್ತೆಯಾದಂತಾಗಿದೆ.

ಇಂದು ಬೆಳಗ್ಗೆ ನಾಗ ಕಾರ್ವಿ ಎಂಬುವರ ಮೃತದೇಹ ಪತ್ತೆಯಾಗಿತ್ತು. ಸಂಜೆಯ ಸುಮಾರಿಗೆ ಶೇಖರ ಮತ್ತು ಲಕ್ಷ್ಮಣ ಎಂಬುವರ ಮೃತದೇಹಗಳು ಪತ್ತೆಯಾಗಿದ್ದವು. ಇದೀಗ ಮಂಜುನಾಥ್ ಅವರ ಮೃತದೇಹ ಗಂಗೆ ಬೈಲು ಪರಿಸರದಲ್ಲಿ ಪತ್ತೆಯಾಗಿದೆ.

ಸತತ ಮಳೆಯ ನಡುವೆಯೂ ಮೀನುಗಾರರು ಮತ್ತು ಕರಾವಳಿ ಕಾವಲು ಪಡೆಯವರ ಕಾರ್ಯಾಚರಣೆಯಿಂದಾಗಿ ಸಮುದ್ರ ಪಾಲಾದ ಮೀನುಗಾರರ ಮೃತದೇಹಗಳು ಪತ್ತೆಯಾಗಿವೆ.